ধোনীক চেন্নাই ছুপাৰ কিংছলৈ অনা ভাৰতীয় ক্ৰিকেট দলৰ প্ৰাক্তন অপেনাৰৰ আত্মহত্যা

কোৱা হয়, ক্ৰিকেটত বৰ্তমান টকাৰ অভাৱ নাই। কিন্তু সকলো ক্ৰিকেটাৰৰ ক্ষেত্ৰত হয়তো এই কথাষাৰ প্ৰযোজ্য নহয়। আৰ্থিক অনাটনৰ বাবেই এগৰাকী প্ৰাক্তন ক্ৰিকেটাৰে আত্মহননৰ পথ বাচি লোৱাৰ চাঞ্চল্যকৰ ঘটনা সংঘটিত হৈছে। ভাৰতীয় ক্ৰিকেট দলৰ এসময়ৰ অপেনাৰ আছিল এইগৰাকী ক্ৰিকেটাৰ।

ভাৰতীয় ক্ৰিকেট দলৰ প্ৰাক্তন অপেনাৰ ভি বি চন্দ্ৰশেখৰে বৃহস্পতিবাৰে চেন্নাইস্থিত নিজ বাসগৃহত আত্মহত্যা কৰে। মাইলাপোৰস্থিত বাসগৃহত চিলিং ফেনত ওলমি থকা অৱস্থাত উদ্ধাৰ হয় চন্দ্ৰশেখৰৰ মৃতদেহ। টাইম অৱ ইণ্ডিয়াৰ ৰিপ’ৰ্ট অনুসৰি, আত্মহত্যা কৰিছে ভি বি চন্দ্ৰশেখৰে। দেশৰ বাবে সাতখন এদিনীয়া খেলাৰ লগতে প্ৰথম শ্ৰেণীৰ ক্ৰিকেটতো সুন্দৰ প্ৰদৰ্শন কৰিবলৈ সক্ষম হৈছিল। ভাৰতৰ বিস্ফোৰক অপেনাৰসকলৰ ভিতৰত এজন বুলি ধৰা হৈছিল চন্দ্ৰশেখৰক।

আৰক্ষীৰ সূত্ৰ মতে, বৃহস্পতিবাৰে সন্ধিয়া চাহ খোৱাৰ পিছত ৫.৪৫ বজাত চন্দ্ৰশেখৰ নিজৰ কোঠাত সোমাইছিল। বহু সময় ধৰি কোঠাৰ পৰা নোলোৱাত পত্নীয়ে দুৱাৰত টুকুৰিয়াই মাতিছিল চন্দ্ৰশেখৰক। দুৱাৰ নোখোলাত খিৰিকীৰে জুমি চাই চিলিং ফেনত ওলমি থকা প্ৰত্যক্ষ কৰে চন্দ্ৰশেখৰক। পত্নীয়ে জনোৱা অনুসৰি কেইবাদিনো ধৰি আৰ্থিক অনাটনৰ বাবে ভাৰাক্ৰান্ত হৈ আছিল চন্দ্ৰশেখৰ।

ভি বি চন্দ্ৰশেখৰ মৃত্যুৱে শোকস্তব্ধ কৰি তুলিছে ক্ৰিকেট জগতক। বহু প্ৰাক্তন আৰু বৰ্তমানৰ ক্ৰিকেটাৰে তেওঁৰ মৃত্যুত গভীৰ শোক প্ৰকাশ কৰিছে।

Very shocking to hear VB Chandrashekhar indian cricketer is no more.. very sad news .. very young to go.. rest in peace VB.. Big lose ☹️ condolences to the family ?? @CSKFansOfficial @ChennaiIPL @BCCI

— Harbhajan Turbanator (@harbhajan_singh) August 15, 2019

BCCI regrets to inform that former India opener VB Chandrasekhar is no more. Our heartfelt condolences to his family, friends and his fans.

— BCCI (@BCCI) August 15, 2019

Terrible news...VB...too soon. Shocking! Heartfelt condolences to his family and friends.

— Anil Kumble (@anilkumble1074) August 15, 2019

Extremely sad & shocked to hear about the passing away of VB Chandrasekhar sir. His consistent efforts made it possible to set the right foundation of the CSK team. He always encouraged & believed in us since very beginning. My deepest condolences to the family. pic.twitter.com/g2mtq8wRos

— Suresh Raina?? (@ImRaina) August 15, 2019

Very sad to hear the news of VB Chanderasekar passing away. He was supposed to work the @TNPremierLeague final tonight. Sad times at Chepauk this evening

— Scott Styris (@scottbstyris) August 15, 2019

টীম ইণ্ডিয়াৰ প্ৰাক্তন অধিনায়ক মহেন্দ্ৰ সিং ধোনীক আই পি এলৰ দল চেন্নাই ছুপাৰ কিংছলৈ আনছিল চন্দ্ৰশেখৰে। বৰ্তমান চন্দ্ৰশেখৰে তামিলনাডু প্ৰিমিয়াৰ লীগৰ অফিচিয়েল ব্ৰডকাষ্টাৰত বিশেষজ্ঞৰ দায়িত্বত আছিল। তিনি বছৰ চেন্নাই ছুপাৰ কিংছৰ হৈ কাম কৰিছিল এইগৰাকী প্ৰাক্তন ক্ৰিকেটাৰে।

ভি বি চন্দ্ৰশেখৰে তেওঁৰ কেৰিয়াৰত ৮১খন প্ৰথম শ্ৰেণীৰ মেচ খেলি সংগ্ৰহ কৰিছিল ৪,৯৯৯ ৰান। ইয়াৰ ভিতৰত ১০টা শতক আৰু ২৩টা অৰ্ধশতক আছে। ১৯৮৮ চনত নিউজীলেণ্ডৰ বিৰুদ্ধে আন্তঃৰাষ্ট্ৰীয় ক্ৰিকেটত অভিষেক ঘটিছিল এইগৰাকী প্ৰাক্তন ক্ৰিকেটাৰৰ। ১৯৮৮–৮৯ৰ ৰঞ্জী খেলত তেওঁ ক্ৰিছ শ্ৰীকান্তৰ অভিলেখ ভংগ কৰি ৫৬ বলত শতৰান সংগ্ৰহ কৰি আটাইতকৈ দ্ৰুতগতিত শতৰান অৰ্জনৰ অভিলেখ সৃষ্টি কৰিছিল। পিছত ২০১৬ চনত ঋষভ পন্তে ৪৮ বলত শতৰান কৰি এই অভিলেখ ভংগ কৰিছিল।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।