• Home
  • »
  • News
  • »
  • sports
  • »
  • Rishabh Pant: 'ঋষভ পণ্ট এম এছ ধোনীতকৈ ভাল উইকেটকিপাৰ-বেটছমেন হ'ব পাৰে', এইজন ভাৰতীয় কিংবদন্তীৰ দাবী

Rishabh Pant: 'ঋষভ পণ্ট এম এছ ধোনীতকৈ ভাল উইকেটকিপাৰ-বেটছমেন হ'ব পাৰে', এইজন ভাৰতীয় কিংবদন্তীৰ দাবী

Rishabh Pant

Rishabh Pant

শ্ৰীলংকাৰ বিৰুদ্ধে শেহতীয়াকৈ সমাপ্ত টেষ্ট শৃংখলাত ঋষভ পণ্টৰ প্ৰদৰ্শন লক্ষ্য কৰে, তেন্তে তেওঁ মোহালি টেষ্টত ৯৭টা বলত ৯৬ ৰাণ কৰিছিল।

  • Share this:
ভাৰতীয় ক্ৰিকেট দল (Indian Cricket Team)ৰ উইকেটকিপাৰ বেটছমেন ঋষভ পণ্ট (Rishabh Pant) অন্যতম শ্ৰেষ্ঠ প্ৰতিভা হিচাপে আত্মপ্ৰকাশ কৰিছে। ভাৰতৰ প্ৰাক্তন অধিনায়ক মহেন্দ্ৰ সিং ধোনী (Mahendra Singh Dhoni)ৰ ছাঁত আন্তঃৰাষ্ট্ৰীয় ক্ৰিকেট কেৰিয়াৰ আৰম্ভ কৰা পণ্ট বৰ্তমান যিকোনো ফৰ্মেটৰ এজন শ্ৰেষ্ঠ খেলুৱৈ। খেলৰ জৰিয়তেই অনুৰাগীসকলৰ প্ৰিয় ক্ৰিকেটাৰ হ'ব পাৰিছে পণ্ট । ভাৰতৰ ২৪ বছৰীয়া উইকেটকিপাৰ বেটছমেনজনে (Wicketkeeper-Batsman) শেহতীয়াকৈ শ্ৰীলংকা (Sri Lanka)ৰ বিৰুদ্ধে সুন্দৰ বেটিং কৰিছিল য'ত ভাৰতে ২-০ ব্যৱধানত জিকিছিল। এই শৃংখলাৰ সময়ত, ঋষভ পণ্টে কেৱল বেটেৰে প্ৰতিভাৰ প্ৰদৰ্শন কৰাই নহয়, লগতে উইকেটকিপিঙতো দক্ষতা দেখুৱাইছে।

ঋষভ পণ্টে আন্তঃৰাষ্ট্ৰীয় ক্ৰিকেটত যিধৰণে ধুমুহাৰ সৃষ্টি কৰিছে তাকে চাই বহুতো প্ৰাক্তন ক্ৰিকেটাৰে তেওঁক প্ৰশংসা কৰিছে। এজন প্ৰাক্তন ক্ৰিকেটাৰে দাবী কৰে যে পণ্ট ভাৰতৰ প্ৰাক্তন অধিনায়ক মহেন্দ্ৰ সিং ধোনীতকৈ ভাল উইকেটকিপাৰ বেটছমেন হ'ব পাৰে। কাৰণ পণ্টে অতি কম সময়ৰ ভিতৰতে তেওঁৰ নামত বহুতো অভিলেখ গঢ়িছে। ভাৰতৰ প্ৰাক্তন অপেনাৰ ৱাছিম জাফৰে বিশ্বাস কৰে যে পণ্টে প্ৰাক্তন উইকেটকিপাৰ এম এছ ধোনীক অতিক্ৰম কৰিব পাৰে।

Cricinfoৰ সৈতে হোৱা বাৰ্তালাপৰ সময়ত ৱাছিম জাফৰে (Wasim Jaffer) কয়, "হয়, ঋষভ পণ্ট এনে এজন খেলুৱৈ যি নিশ্চিতভাৱে মহেন্দ্ৰ সিং ধোনীতকৈ ভাল উইকেটকিপাৰ বেটছমেন হ'ব পাৰে। ইমান কম বয়সতে তেওঁ ইতিমধ্যে বহুতো গুৰুত্বপূৰ্ণ ইনিংছ খেলিছে।" মই বিশ্বাস কৰোঁ যে অহা ৮-১০ বছৰত তেওঁ অতি পৰিপক্ক হ'ব আৰু অধিক অভিজ্ঞতাৰ সৈতে তেওঁ এম এছ ধোনীতকৈ অধিক হ'ব পাৰে।

শ্ৰীলংকাৰ বিৰুদ্ধে কৰিছে এনে প্ৰদৰ্শন

যদি আপুনি শ্ৰীলংকাৰ বিৰুদ্ধে শেহতীয়াকৈ সমাপ্ত টেষ্ট শৃংখলা (India Sri Lanka Test Series)ত ঋষভ পণ্টৰ প্ৰদৰ্শন লক্ষ্য কৰে, তেন্তে তেওঁ মোহালি টেষ্টত ৯৭টা বলত ৯৬ ৰাণ কৰিছিল। ইয়াৰ পিছত, বেংগালুৰু টেষ্টত তেওঁ আক্ৰমণাত্মক বেটিং কৰিছিল আৰু ২৮টা বলত ৫০ ৰাণ সংগ্ৰহ কৰিছিল। এই সময়ছোৱাত, তেওঁ প্ৰাক্তন অধিনায়ক কপিল দেৱৰ অভিলেখ ভংগ কৰে। তেওঁ ভাৰতৰ হৈ টেষ্টত দ্ৰুততম অৰ্ধশতক অৰ্জন কৰা প্ৰথম জন বেটছমেন। একে সময়তে গোটেই টেষ্ট শৃংখলাটোত ১৮৫ ৰাণ সংগ্ৰহ কৰাৰ উপৰিও উইকেটৰ পিছফালে তৎপৰতা দেখুৱাই পণ্টে 8টা কেচ লৈছিল ।
Published by:Manjumoni Borah
First published: