ৰাহুল দ্ৰাবিড়ৰ সাহসী অৱতাৰ, সঞ্জয় মঞ্জৰেকাৰক ক'লে - দুখন মেচত পৰাজয় হ'লেই বেয়া দল নহয় ...

টীম ইণ্ডিয়াৰ মুখ্য প্ৰশিক্ষক ৰাহুল দ্ৰাবিড়ৰ সাহসী অৱতাৰ দেখা গৈছে। সঞ্জয় মঞ্জৰেকাৰৰ সৈতে হোৱা এক সাক্ষাৎকাৰত দ্ৰাবিড়ে জোৰ দি কৈছিল যে দলটোৱে এনে বিফলতাৰ প্ৰতি "অত্যাধিক প্ৰতিক্ৰিয়া" নকৰিবলৈ চেষ্টা কৰে আৰু মাত্ৰ দুটা পৰাজয়ৰ পিছত তেওঁলোক "বেয়া দল" নহয়। এছিয়া কাপ ২০২২ ত ভাৰতীয় দলটোৱে এটা সুন্দৰ আৰম্ভণি কৰিছিল। লীগ পৰ্যায়ত, ভাৰতে দুয়োখন মেচ জিকিছিল, কিন্তু চুপাৰ ৪ ৰাউণ্ডত, টীম ইণ্ডিয়াই একেৰাহে ২খন মেচ পৰাজয়ৰ সন্মুখীন হ'বলগীয়া হৈছিল। চুপাৰ ৪ ৰাউণ্ডত পৰাজয়ৰ পিছত, ভাৰত এছিয়া কাপৰ পৰা বাহিৰ হৈছিল।

টীম ইণ্ডিয়াই বৃহস্পতিবাৰে আফগানিস্তানৰ বিৰুদ্ধে জয়লাভ কৰি ২০২২ এছিয়া কাপ অভিযান সমাপ্ত কৰিছিল। এই খেলখনত তাৰকা বেটছমেন বিৰাট কোহলীয়ে ৬১ টা বলত অপৰাজিত ১২২ ৰাণ কৰি শতকৰ অপেক্ষাৰ অন্ত পেলায়। টি-২০ আন্তৰ্জাতিকত এইটো বিৰাটৰ প্ৰথম শতক আছিল। ইয়াৰ সৈতে, এইটো তিনিওটা ফৰ্মেটত তেওঁৰ ৭১ তম শতক আছিল। কে এল ৰাহুলেও ৪০ টা বলত ৬২ ৰাণ সংগ্ৰহ কৰিছিল। ৰোহিত শৰ্মাক এই খেলখনত বিশ্ৰাম দিয়া হৈছিল।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।