IPL 2022: হাৰ্ডিক-মিলাৰে গুজৰাটক দিলে ফাইনেলৰ টিকট, ৭ উইকেটত পৰাস্ত কৰে ৰাজস্থানক ...

হাৰ্দিক পাণ্ডিয়াৰ অধিনায়কত্ব ইনিংছ আৰু ডেভিড মিলাৰৰ আক্ৰমণাত্মক বেটিঙেৰে গুজৰাট টাইটানছে আই পি এল ২০২০ কোৱালিফায়াৰ ১ (Gujarat Titans vs Rajasthan Royals, Qualifier 1)ত ৰাজস্থান ৰয়েলছক ৭ উইকেটত পৰাস্ত কৰি ফাইনেললৈ অগ্ৰসৰ হয়।

ৰাজস্থান ৰয়েলছৰ দ্বাৰা দিয়া নিৰ্ধাৰিত ১৮৯ ৰাণৰ লক্ষ্যৰ পিছ লৈ গুজৰাটে ১৯.৩ অভাৰত ৩ টা উইকেট হেৰুৱাই ১৯১ ৰাণ সংগ্ৰহ কৰে। পৰাজয় স্বত্বেও, ৰাজস্থানৰ ফাইনেলত উপনীত হোৱাৰ আৰু এটা সুযোগ আছে। তেওঁলোকে এতিয়া কোৱালিফায়াৰ ২ ত এলিমিনেটৰৰ বিজয়ী দলৰ মুখামুখি হ'ব।

গুজৰাটৰ হৈ ডেভিদ মিলাৰে ৩৮ টা বলত অপৰাজিত ৬৮ ৰাণ কৰে আৰু হাৰ্ডিক পাণ্ডিয়াই ২৭ টা বলত অপৰাজিত ৪০ ৰাণ সংগ্ৰহ কৰে। দুয়োজনে চতুৰ্থ উইকেটৰ বাবে ১০৬ ৰাণৰ অপৰাজিত যুটী বান্ধি দলৰ বিজয় সুনিশ্চিত কৰে।