AFG vs SL: এছিয়া কাপৰ সৰ্বনিম্ন স্ক'ৰ শ্ৰীলংকাৰ, ৮ জন বেটছমেনে অতিক্ৰম কৰিব নোৱাৰিলে দহকৰ ঘৰ ...

এছিয়া কাপ আফগানিস্তান আৰু শ্ৰীলংকাৰ মাজৰ খেলৰ পৰা আৰম্ভ হৈছিল আৰু প্ৰথমখন খেলত বলাৰসকলে বেটছমেনসকলৰ ওপৰত আধিপত্য বিস্তাৰ কৰা দেখা গৈছে।

আফগানিস্তানৰ বিৰুদ্ধে শ্ৰীলংকাৰ ইনিংছ ১০৫ ৰাণতে সীমাবদ্ধ থাকে। দলটোৰ ৮ জন বেটছমেনে দহকৰ ঘৰ অতিক্ৰম কৰিব নোৱাৰিলে। ইয়াৰ পূৰ্বে, আফগানিস্তানে টছত জয়ী হৈ প্ৰথমে বলিং কৰাৰ সিদ্ধান্ত লয়। আফগানিস্তানৰ দ্ৰুত বলাৰসকলে পিটছত ঘাঁহ আৰু পৰিস্থিতিৰ সম্পূৰ্ণ সুবিধা লয় আৰু প্ৰথম অভাৰত মাত্ৰ ৯ খন টি-২০ মেচ খেলা ফজল হক ফাৰুকীয়ে শ্ৰীলংকাৰ দুজন বেটছমেন পাথুম নিশাংকা আৰু চাৰিথ আসলংকাক পেভিলিয়নৰ পথ দেখুৱায়। পৰৱৰ্তী অভাৰত নবীন-উল-হকে শ্ৰীলংকাক কুশল মেণ্ডিছৰ ৰূপত তৃতীয় টো আঘাত দিয়ে। এই সময়ত স্ক'ৰবোৰ্ডত মাত্ৰ ৫ ৰাণ যোগ কৰা হৈছিল। এছিয়া কাপত টি-২০ ফৰ্মেটত এইটো শ্ৰীলংকাৰ সৰ্বনিম্ন স্ক'ৰ। ইয়াৰ পূৰ্বে, শ্ৰীলংকাই ২০১৬ চনত বাংলাদেশৰ বিৰুদ্ধে ৮ টা উইকেট হেৰুৱাই ১২৪ ৰাণ সংগ্ৰহ কৰিছিল। একেখন প্ৰতিযোগিতাতে শ্ৰীলংকাৰ দলটোৱে ইউ.এ.ই.-ৰ বিৰুদ্ধে ৮ টা উইকেটত ১২৯ ৰাণ সংগ্ৰহ কৰিবলৈ সক্ষম হয়।

অসমীয়াত ব্ৰেকিং নিউজ সৰ্বপ্ৰথম News18 অসমীয়াত| শেহতীয়া খবৰ, লাইভ নিউজ আপডেট. সবাতোকৈ বিশ্বাসযোগ্য অসমীয়া নিউজ ৱেবছাইট News18 অসমীয়া|