BCCI ত আজিৰে পৰা আৰম্ভ হ’ল ‘দাদাগিৰি’, BCCI ক দুৰ্নীতিমুক্ত কৰাৰ অংগীকাৰ গাংগুলীৰ

বুধবাৰে আনুষ্ঠানিক ভাবে ভাৰতীয় ক্ৰিকেট কণ্ট্ৰ’ল বৰ্ড, চমুকৈ BCCI ৰ অধ্যক্ষৰ দায়িত্ব ল’লে ভাৰতীয় ক্ৰিকেট দলৰ সৰ্বকালৰ সফল অধিনায়ক সৌৰভ গাংগুলীয়ে। উচ্চতম ন্যায়ালয়ে নিয়োগ কৰা কমিটিৰ দায়িত্বভাৰ শেষ হোৱাৰ পিছতে আজি BCCI ৰ সৰ্বোচ্চ আসনত অধিস্থিত হ’ল সৌৰভ গাংগুলী। দায়িত্বলৈয়ে সাংবাদিকৰ সৈতে মুখামুখি হয় গাংগুলী।

অধ্যক্ষৰ দায়িত্ব গ্ৰহণ কৰিয়েই BCCI ক দুৰ্নীতিমুক্ত কৰাৰ অংগীকাৰ সৌৰভ গাংগুলীৰ। লগতে অনাগত সময়ত ভাৰতীয় ক্ৰিকেট দলৰ অধিনায়ক বিৰাট কোহলীক সৰ্বতো প্ৰকাৰে সহযোগিতা আগবঢ়াব বুলি মন্তব্য কৰে নৱ নিযুক্ত অধ্যক্ষজনে। সেইদৰে বিগত সময়ত BCCI ৰ কিছুমান কাম কাজকলৈ দেশজুৰি সৰব চৰ্চা হৈছিল, কিন্তু এতিয়া সেই সকলোবোৰ  সমস্যা সমাধান কৰি ভাৰতীয় ক্ৰিকেটৰ সৰ্বোচ্চ সংস্থাটোক নতুনকৈ সঁজোৱা হ’ব বুলি জনাই গাংগুলীয়ে।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।