Karate : এছিয়া কাৰাটে ড' চেম্পিয়নশ্বিপলৈ নিৰ্বাচিত বৰপেটাৰ নিচাদ আলী, কাজাখিস্তানত ভাৰতীয় দলৰ হৈ খেলিব নিচাদে

কাজাখিস্তানৰ আলমাটি (Almati, Kazkhastan) চহৰত অনুষ্ঠিত হ'বলগীয়া এচিয়ান কাৰাটে ড' চেম্পিয়নশ্বিপ (Asian Karate do Championship)ৰ বাবে ভাৰতীয় দলত স্থান লাভ কৰিছে বৰপেটাৰ প্ৰতিভাৱান কাৰাটে খেলুৱৈ নিচাদ আলী (Nisad Ali)য়ে ৷ অহা ১৭ ডিচেম্বৰৰ পৰা ২২ ডিচেম্বৰলৈ অনুষ্ঠিত হ'বলগীয়া কাৰাটে চেম্পিয়নশ্বীপত নিচাদ আলীৰ সৈতে ৰাজ্যৰ আন এগৰাকী প্ৰতিভাৱা কাৰাটে খেলুৱৈ হেম্পু বংজাঙে (Hempu Bongjang)ও নিৰ্বাচিত হৈছে ৷

বৰপেটাৰ নিচাদ আলীৰ সৈতে ৰাজ্যখনৰ দুগৰাকীকৈ কাৰাটে খেলুৱৈ এচিয়ান চেম্পিয়নশ্বিপলৈ নিৰ্বাচিত হোৱাৰ খবৰে  ৰাজ্যৰ ক্ৰীড়াৰ (Sports News) সৈতে জৰিতসকলক আনন্দিত কৰি তুলিছে ৷ বৰপেটাৰ নিচাদ আলীয়ে ইতিমধ্যে বিশ্ব কাৰাটে ড' প্ৰতিযোগিতাতো অংশগ্ৰহণ কৰাৰ লগতে আফ্ৰিকাৰ ডাৰবানত অনুষ্ঠিত কমনৱেলথ গেমছত সোণৰ পদক লাভ কৰিবলৈ সক্ষম হৈছে ৷

কাজাখিস্তানৰ অলমাটি চহৰত অনুষ্ঠিত প্ৰতিযোগিতাখনত পদক লাভৰ বাবে অনুশীলন চলাই আছে ৷ উক্ত প্ৰতিযোগিতাত পদক লাভ কৰিব পাৰিলেই চীনত অনুষ্ঠিত হবলগীয়া এছিয়াড গেমছলৈ নিৰ্বাচিত হ'ব পাৰিব খেলুৱৈ গৰাকী ৷ সেয়ে কাজাকিস্তানত পদক লাভৰ বাবে নিচাদ আলীয়ে পিতৃ হাচমত আলীৰ তত্বাৱধানত চলাই গৈছে কঠোৰ অনুশীলন ৷

Read all News in Assamese, Assam News Today, Entertainment News in Assamese, Business News in Assamese, Sports News in Assamese, Health News in Assamese, India News in Assamese