Jayanta Talukdar : এছিয়া কাপৰ স্বৰ্ণজয়ী জয়ন্ত তালুকদাৰক গুৱাহাটীত সম্বৰ্ধনা, পৰৱৰ্তী লক্ষ্য ২০২৪ চনৰ পেৰিছ অলিম্পিক

অসমৰ অলিম্পিয়ান জয়ন্ত তালুকদৰে উজবেকিস্তানৰ এছিয়া কাপত চেম্পিয়নৰ পিছত মঙলবাৰে এদিনৰ বাবে গুৱাহাটীত আহি উপস্থিত হয়। অৰ্জুন বঁটা বিজয়ী জয়ন্ত তালুকদাৰৰ এছিয়া কাপৰ খিতাপৰ বাবে তেওঁক অসম আৰ্চাৰী আৰু অসম হকী সন্থাই সম্বৰ্ধনা জনায়।

অলপতে অনুষ্ঠিত এছিয়া কাপৰ আৰ্চাৰীত চীনক হৰুৱাই জয়ন্ত তালুকদাৰৰ নেতৃত্বত ভাৰতে স্বৰ্ণপদক লাভ কৰে। কমনৱেলথ গেমছ আৰু এছিয়ান গেমছত পদক অৰ্জন কৰা অসমৰ একমাত্ৰ খেলুৱৈ জয়ন্ত তালুকদাৰৰ পৰৱৰ্তী লক্ষ্য হ’ল চীনৰ এছিয়ান গেমছ আৰু পেৰিছ অলিম্পিক গেমছৰ স্বৰ্ণ পদক।

সফল খেলুৱৈ জয়ন্ত তালুকদাৰক ক্ৰীড়া সঞ্চালক প্ৰদীপ তিমুং আৰু ছাত্ৰ ক্ৰীড়া কল্যাণ উপদেষ্টা পৰিষদৰ সদস্য সচিব গীতাৰ্থ গোস্বামী আৰু অসম আৰ্চাৰী সন্থাৰ হৈ ভাৰপ্ৰাপ্ত সভাপতি জয়ন্ত বড়োৱে অভিনন্দন জনায়।