Naga extremist Militant Group Cadres Surrender In Itanagar

মুখ্যপৃষ্ঠা »খবৰ »Sonitpur »Arunachal Pradesh: অৰুণাচলত আত্মসমৰ্পণ কৰি মূলসুঁতিলৈ ঘূৰি আহিল ১৫ নগা উগ্ৰপন্থী

অৰুণাচলত আত্মসমৰ্পণ কৰি মূলসুঁতিলৈ ঘূৰি আহিল ১৫ নগা উগ্ৰপন্থী

অৰুণাচলত আত্মসমৰ্পণ কৰি মূলসুঁতিলৈ ঘূৰি আহিল ১৫ নগা উগ্ৰপন্থী ৷ ইটানগৰস্থিত অৰুণাচল আৰক্ষীৰ মুখ্য কাৰ্যালয়ত মুখ্যমন্ত্ৰী পেমা খাণ্ডুৰ লগতে অসম ৰাইফলচ(উত্তৰ) মহা-পৰিদৰ্শক মেজৰ জেনেৰেল বিকাশ লখেৰাৰ উপস্থিতিত আত্মসমৰ্পণ কৰে উগ্ৰপন্থী কেইজনে ৷

News18 Assam
Last Updated : March 12, 2023, 20:47 IST

News18 Assam

তেজপুৰ, ১২ মাৰ্চ: দেওবাৰে অৰুণাচল প্ৰদেশৰ মুখ্যমন্ত্ৰীৰ উপস্থিতিত আত্মসমৰ্পণ কৰিলে ১৫ জনকৈ নগা উগ্ৰপন্থীয়ে । ৰাজ্যখনৰ ৰাজধানীত অনুষ্ঠিত হয় এই বিশাল আত্মসমৰ্পণৰ কাৰ্যসূচী ।

ইটানগৰস্থিত অৰুণাচল আৰক্ষীৰ মুখ্য কাৰ্যালয়ত মুখ্যমন্ত্ৰী পেমা খাণ্ডুৰ লগতে অসম ৰাইফলচ(উত্তৰ) মহা-পৰিদৰ্শক মেজৰ জেনেৰেল বিকাশ লখেৰাৰ উপস্থিতিত এই আত্মসমৰ্পণ অনুষ্ঠানত বিদ্ৰোহী সংগঠনটোৰ সদস্যকেইগৰাকীয়ে বিভিন্ন অস্ত্ৰ-শস্ত্ৰ জমা দিয়ে ।

অস্ত্ৰ সম্বৰণ কৰা বিদ্ৰোহীসকলৰ সংস্থাপনৰ ব্যৱস্থা চৰকাৰে কৰিব বুলি জানিব পৰা গৈছে ৷ উল্লেখযোগ্য যে যোৱা ফেব্ৰুৱাৰী মাহত অৰুণাচল প্ৰদেশৰ চাংলাং জিলাত অসম ৰাইফলছ আৰু অৰুণাচল প্ৰদেশৰ আৰক্ষীয়ে নগা উগ্ৰপন্থীৰ এটা শিবিৰ ধ্বংস কৰাৰ লগতে বহুতো অস্ত্ৰ-শস্ত্ৰ উদ্ধাৰ কৰিছিল । আৰক্ষীয়ে শিবিৰটোত অগ্নি সংযোগো কৰিছিল ।