Milk Price Hike: Amul ৰ পিছত এইবাৰ বাঢ়িল Mother Dairy গাখীৰৰ দাম, কাইলৈৰ পৰা কাৰ্যকৰী হ'ব নতুন নিৰিখ !

এফালে পেট্ৰ'ল আৰু ডিজেলৰ মূল্য বৃদ্ধিয়ে সাধাৰণ লোকক হাৰাশাস্তি কৰি হৈছে। আনহাতে, গাখীৰৰ বৰ্ধিত মূল্যই (Milk Price Hike) এক তীব্ৰ আঘাত কৰিছে সাধাৰণ শ্ৰেণীৰ লোকসকলক। দুগ্ধজাত ব্ৰেণ্ড আমুল (Amul)ৰ পিছত, মাদাৰ ডেইৰী (Mother Dairy)য়েও গাখীৰৰ মূল্য বৃদ্ধি কৰিছে। দিল্লীত মাদাৰ ডেইৰী মিল্কৰ মূল্য প্ৰতি লিটাৰত ২ টকা বৃদ্ধি কৰা হৈছে। নতুন মূল্যসমূহ কাইলৈ অৰ্থাৎ ১১ জুলাই, ২০২১ তাৰিখে কাৰ্যকৰী হ'ব। ১ জুলাইৰ পৰা, আমুলে তেওঁৰ গাখীৰৰ মূল্য প্ৰতি লিটাৰত ২ টকা বৃদ্ধি কৰিছিল।

কোম্পানীটোৱে কি কৈছে ?
মাদাৰ ডেইৰীয়ে কৈছিল যে ই ১১ জুলাই, ২০২১ ৰ পৰা দিল্লী-এনচিআৰত ইয়াৰ গাখীৰৰ মূল্য প্ৰতি লিটাৰত ২ টকা বৃদ্ধি কৰিবলৈ বাধ্য হৈছে। এই দুগ্ধ কোম্পানীটোৱে শেষবাৰৰ বাবে ২০১৯ চনৰ ডিচেম্বৰত গাখীৰৰ মূল্য বৃদ্ধি কৰিছিল। এতিয়া কাইলৈৰ পৰা গ্ৰাহকসকলে নতুন দামত গাখীৰ পাব।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।