OPINION: কৃষক বিদ্ৰোহক কিয় কোনোৱে স্বাৰ্থৰ বাবে ব্যৱহাৰ কৰাৰ দৰে লাগিছে?

বিগত এমাহ ধৰি দিল্লীৰ লগতে সীমান্তৱৰ্তী অঞ্চলত কৃষি  আইন বাতিলৰ দাবীত চলি আছে কৃষকৰ উত্তাল প্ৰতিবাদ।  বিতৰ্কিত কৃষি আইন বাতিলৰ দাবীত অটল কৃষকসকল।

কিন্তু এই খিনিতে প্ৰশ্ন উত্থাপিত হৈছে! কিয় নিজৰ  উপাৰ্জনৰ অংশ ঘূৰাই দিব বিচাৰিছে কৃষকসকলে?  নতুন এই আইনকেইখন কাৰ্যকৰী হৈ থাকিলেও কৃষকৰ বাবে পুৰণি ফচল বিক্ৰীৰ পথ খোলা থাকিব। আনকি ইয়াৰ উপৰিও কৃষকৰ হাতত থাকিব  নিজৰ উত্‍পাদিত ফচল বিক্ৰীৰ নতুন পথ। গতিকে এই  আন্দোলনৰ প্ৰকৃত ছবিখন যেন স্পষ্ট হোৱা নাই।

প্ৰথমে, এই সংস্কাৰৰ বাবে দীৰ্ঘদিন ধৰি দাবী কৰিছিল। ২০১৯ চনৰ লোকসভা নিৰ্বাচনৰ পূৰ্বে একেই প্ৰতিশ্ৰুতি দিছিল কংগ্ৰেছেও। আম আদমী পাৰ্টীৰ ইস্তাহাৰতো একেই দাবী কৰা হৈছিল। ভাৰতীয় কিষান ইউনিয়নেও বাৰে বাৰে দাবী কৰি আহিছে। নিজৰ ফচল কৃষকে নিজৰ ইচ্ছামতে বিক্ৰী কৰাৰ স্বাধীনতা পাব লাগে। তেন্তে এতিয়া বিক্ষোভ কিয়?

এবাৰ অন্য দিশৰ পৰা বিষয়টো ভবা যাওক। ইমান দিন ধৰি সংস্কাৰৰ কথা কৈ থকাৰ পিছতো অন্যান্য ৰাজনৈতিক দল চৰকাৰত থকাৰ সময়ত এই সিদ্ধান্ত কিয় কাৰ্যকৰী কৰা নহ’ল?কাৰণ সম্ভৱত তেওঁলোকৰ ওপৰত প্ৰভাৱশালী গোষ্ঠীৰ চাপ আছিল, যিয়ে কৃষকৰ মাজত ক্ষোভৰ সৃষ্টি কৰিব পাৰে। দশকৰ পিছত দশক ধৰি দেশৰ মণ্ডি বা মধ্যভোগীৰ দ্বাৰা নিয়ন্ত্ৰিত এই ব্যৱস্থা চলি আহিছে। ভাৰতৰ এই ব্যৱস্থাৰ সৈতে স্থানীয় ৰাজনৈতিকৰ নিবিড়
সম্পৰ্ক আছে।

বিক্ষোভকাৰীৰ মাজত বহুতে বিভিন্ন ধৰণৰ কথা কৈছে। চৰকাৰৰ বিৰুদ্ধে কথা কৈ আন্দোলনক উচতনি দিয়াৰো অপচেষ্টা কৰিছে। নতুন কৃষি আইনৰ বিৰুদ্ধে বিক্ষোভ চলিছে
ঠিকেই,কিন্তু আইনৰ বিৰুদ্ধে নাই তেওঁলোকৰ নাই কোনো স্পষ্ট যুক্তি।

কোনে এই আন্দোলন নেতৃত্ব দিছে সেই দিশটো চোৱাতো প্ৰয়োজন। এই আন্দোলনত আটাইতকৈ বেছি যি প্ৰতীক চকুত পৰিছে, সেয়া হ’ল কাঁচী। ভাৰতৰ জনসংখ্যাৰ
অধিকাংশই কৃষিজীৱি লোক। এই জনসংখ্যাক যদি কোনো ৰাজনৈতিক সমৰ্থনৰ প্ৰয়োজন হয়. তেন্তে কি তেওঁলোক বাওপন্থীৰ ফালে হাত আগবঢ়ায় নেকি? বামপন্থী দলসমূহে
বহুদিনৰ পূৰ্বেই দেশত গণভিত্তি হেৰুৱাইছে।

এই আন্দোলন যিমান ডাঙৰ বুলি দাবী কৰিছে, তাৰ ওপৰতো উঠিছে প্ৰশ্ন। কাৰণ দেশৰ জনতাৰ যি অংশ প্ৰতিনিধিত্ব কৰিছে বুলি বিক্ষোভকাৰীয়ে দাবী কৰিছে. বাস্তৱৰ সৈতে সেই ক্ষেত্ৰত আছে অমিল।কাৰণ যদি ধৰা হয়, ৬০ কোটি মানুহ জীৱিকাৰ সংকটত পৰিছে আৰু
তাৰ বাবেই ক্ষোভ, তেন্তে ইমানদিনে দেশত অচলাবস্থাৰ সৃষ্টি হ’ল হেতেন। নতুন আইন পাছ হোৱাৰ সাত মাহ পাৰ হ’ল। অতদিনে মূলতঃ এখন ৰাজ্যৰ পৰাই ১০ হাজাৰ মান
কৃষক একগোট হৈ আন্দোলন কৰিছে।

এই আন্দোলনৰ পৰা কোন উপকৃত হৈছে? চীনৰ তুলনাত ভাৰতত সুবিধা হ’ল, আমাৰ দেশে গণতন্ত্ৰত বিশ্বাস কৰে। সেই কাৰণে গোটেই বিশ্বই চীনৰ তুলনাত ভাৰত চৰকাৰৰ পদক্ষেপৰ ওপৰত বেছি ভৰসা ৰাখে। চীনে বিচাৰে, গোটেই বিশ্বই এটা বিশ্বাস কৰক যে, তেওঁলোকৰ দেশৰ দৰে ভাৰতত চৰকাৰ বিৰোধী ক্ষোভ দেখাৰ কোনো সুযোগ নাই।

চীনৰ এই স্বাৰ্থ কি উপেক্ষা কৰিব পৰা যায়? ভাৰতৰ বামপন্থীৰ সৈতে চীন চৰকাৰৰ সম্পৰ্কৰ কথা কি একেবাৰে উপেক্ষা কৰিব পাৰি? এই বিক্ষোভত দেশৰ বিভিন্ন বেচৰকাৰী সংস্থাক লক্ষ্য কৰি লোৱা হৈছে। বিশেষকৈ ভাৰতৰ ডাঙৰ ডাঙৰ প্ৰতিষ্ঠানৰ বিৰুদ্ধে ক্ষোভ প্ৰকাশ কৰা হৈছে। অথচ চীনা সামগ্ৰী বা সংস্থাক বয়কট কৰাৰ কোনো শ্লোগান দিয়া হোৱা নাই। এটা অংশই চীনা এপ নিষিদ্ধ কৰা আৰু আত্মনিৰ্ভৰ ভাৰত সংকল্পকো ইতিকিং কৰিছিল।

এই ধৰণৰ বিক্ষোভ বাৰে বাৰে বিদেশী শক্তিয়ে নিয়ন্ত্ৰণ কৰাৰ অভিযোগ উঠে।

লেখক- অভিষেক বেনাৰ্জী।
লেখক এজন গণিতজ্ঞ।