মাত্ৰ এঘাৰ বছৰ বয়সত ভাৰতৰ আটাইতকৈ যুৱ ড্ৰামিং চেনচেছন হিচাপে পৰিচিত এক বিস্ময়কৰ বালক

বয়স মাত্ৰ ১৪ বছৰ। চেন্নাইৰ এই বালকজনৰ আছে বিস্ময়কৰ প্ৰতিভা। বালকজনে এইখিনি বয়সতে বহুতো বিশ্ব শ্ৰেষ্ঠ খিতাপ দখল কৰিবলৈ সক্ষম হৈছে। সকলোৰে মাজত যথেষ্ট চৰ্চিত হোৱা চেন্নাইৰ এই বালকে ১১ বছৰ বয়সতে এখন বিশ্ববিদ্যালয়ত গান গাই নতুন ৰেকৰ্ড গঢ়িবলৈ সক্ষম হয়।
ষ্টিভেন চেমুৱেল ডেভাছি নামৰ এই বিস্ময় বালক বহুতো গুণৰ অধিকাৰী। ডেভাছি একেধাৰে গায়ক, লাইভ পাৰফৰ্মাৰ, ৰেকৰ্ডিঙ আৰ্টিষ্ট আৰু ড্ৰামাৰ। অৱশ্যে ষ্টিভেনক ১০,০০০ কাৰণেৰে এটা খ্ৰিষ্টিয়ান গান গোৱাৰ বাবে সকলোৰে মাজত জনপ্ৰিয় যিটোৱে ২০১৭ চনত ১০ মিলিয়নতকৈও অধিক ভিউজ পাবলৈ সক্ষম হৈছিল। এই বিস্ময় বালকে মাত্ৰ এঘাৰ বছৰ বয়সতে ড্ৰামৰ গ্ৰেড ৮ সম্পূৰ্ণ কৰা বিশ্বৰ আটাইতকৈ যুৱ ব্যক্তি হিচাপে খিতাপ অৰ্জন কৰিবলৈ সক্ষম হৈছিল। ট্ৰিনিটি কলেজ অফ লণ্ডনৰ পৰা ডিষ্টিংছনসহ এই খিতাপ লাভ কৰিছিল। বৰ্তমান সময়ত ষ্টিভেন ভাৰতৰ আটাইতকৈ যুৱ ড্ৰামিং চেনচেছন হিচাপে পৰিচিত।
ষ্টিভেনৰ দেউতাক চেম ষ্টিফেন এজন ভায়’লিন বাদক হোৱাৰ লগতে মাতৃ এগৰাকী বীনা বাদক। ষ্টিভেনৰ ঘৰখন এটা সংগীতৰ পৰিৱেশেৰে আৱৰা আছিল। যিহেতু তেওঁৰ খুৰাক এজন জনপ্ৰিয় পিয়ানো বাদক আছিল সেয়ে চেমুৱেলৰ দেউতাকে তেওঁক এজন পিয়ানিষ্ট হোৱাটো বিচাৰিছিল। কিন্তু চেমুৱেলৰ ড্ৰামৰ প্ৰতি আগ্ৰহ থকাৰ বাবে খুৰাকে ড্ৰাম কিট এটা আনি দিছিল।

এই বিস্ময়কৰ বালকজনে মাত্ৰ আঢ়ৈ বছৰ বয়সত চেন্নাইৰ তেওঁৰ বিদ্যালয়ত ড্ৰাম বজাইছিল। আমেৰিকান ড্ৰামাৰ টনি ৰয়ষ্টাৰ জুনিয়ৰ, ষ্টিভ স্মিথ অৰু ডেভ ৱিকলৰ দৰে ব্যক্তিক প্ৰেৰণাদায়ক ড্ৰামাৰ হিচাপে লোৱা চেমুৱেলে কাৰ্নাটিক আৰু ৱেষ্টাৰ্ণ ক্লাছিকেল ভ’কেলৰ লগতে অন্য সংগীত শ্ৰেণীৰো প্ৰশিক্ষণ লৈছিল।
নিজৰ বিদ্যালয়ৰ লগতে হায়দৰাবাদত অনুস্থিত ইণ্টাৰনেছনেল চিলড্ৰেনছ ফিল্ম ফেষ্টিভেলত প্ৰদৰ্শন কৰি সকলোকে মুগ্ধ কৰা চেমুৱেলে মাত্ৰ ৭ বছৰ বয়সত টেডএক্স তিৰুপতিটো ড্ৰামৰ অনুষ্ঠান পৰিৱেশন কৰিছিল। ২০১২ চনত মাত্ৰ ১২ বছৰ বয়সত লিডিয়ান নাদস্বৱৰম আৰু অমৃতা ভৰ্ছিনিৰ সৈতে চুপাৰকিডছ বেণ্ড নামৰ এটা বেণ্ডো গঠন কৰিছিল এই বিস্ময়কৰ বালকে।