আজি মোদী চৰকাৰৰ দ্বিতীয়টো কাৰ্যকালৰ প্ৰথম পূৰ্ণাংগ বাজেট

সাধাৰণ বাজেটত ব্যক্তিগত কৰদাতাসকলৰ বাবে কৰ ৰেহাইৰ সীমা বৃদ্ধি কৰা হ’ব পাৰে।

News18-Assam
Updated:July 5, 2019, 7:27 AM IST
আজি মোদী চৰকাৰৰ দ্বিতীয়টো কাৰ্যকালৰ প্ৰথম পূৰ্ণাংগ বাজেট
সাধাৰণ বাজেটত ব্যক্তিগত কৰদাতাসকলৰ বাবে কৰ ৰেহাইৰ সীমা বৃদ্ধি কৰা হ’ব পাৰে।
News18-Assam
Updated: July 5, 2019, 7:27 AM IST
আজি মোদী চৰকাৰৰ দ্বিতীয়টো কাৰ্যকালৰ প্ৰথমখন পূৰ্ণাংগ বাজেট দাখিল কৰা হ’ব। বিত্ত মন্ত্ৰী নিৰ্মলা সীতাৰমনে আজি লোকসভাত দাখিল কৰিব সাধাৰণ বাজেট। বাজেটত কৃষক আৰু মধ্যবিত্ত পৰিয়ালৰ বাবে থাকিব পাৰে বিশেষ উপহাৰ। কৃষকৰ বাবে চৰকাৰে নতুন আঁচনি ঘোষণা কৰাৰ লগতে প্ৰধানমন্ত্ৰী কৃষক সন্মান নিধি আঁচনিযোগে পোৱা ৬০০০ টকাৰ পৰিমাণ বৃদ্ধি কৰি ৮০০০ কৰাৰ সম্ভাৱনা আছে। সাধাৰণ বাজেটত ব্যক্তিগত কৰদাতাসকলৰ বাবে কৰ ৰেহাইৰ সীমা বৃদ্ধি কৰা হ’ব পাৰে।

আজিৰ বাজেটত কৰদাতাসকললৈ থাকিব পাৰে সকাহ। বাজেটত ব্যক্তিগত আয়কৰদাতাৰ বাবে ৰেহাইৰ সীমা ২.৫ লাখ টকাৰ পৰা বৃদ্ধি কৰি ৫ লাখ টকা কৰা হ’ব পাৰে। ইফালে, সৎ কৰদাতাৰ বাবেও থাকিব পাৰে বিশেষ ঘোষণা।

বিত্ত মন্ত্ৰী নিৰ্মলা সীতাৰমনে গ্ৰাম্য অঞ্চলৰ বাবে কৰিব পাৰে ডাঙৰ ঘোষণা। নেচনেল পেঞ্চন আঁচনি গ্ৰহণ কৰা লোকসকলেও পাব পাৰে বিশেষ উপহাৰ। চৰকাৰে নেচনেল পেঞ্চন আঁচনি সম্পূৰ্ণৰূপে বিনামূলীয়া কৰাৰ সম্ভাৱনা আছে। ১১ বজাত বিত্ত মন্ত্ৰীয়ে দাখিল কৰিব বাজেট।
আৰু চাওক পৰৱৰ্তী বাতৰি