শীঘ্ৰে ঘোষণা হ’ব ত্ৰিপুৰা, নাগালেণ্ড আৰু মেঘালয়ৰ নিৰ্বাচনৰ দিন!
যিকোনো মুহূৰ্ততে নিৰ্বাচনৰ দিন ঘোষণা হ'ব লগীয়া এই তিনিখন ৰাজ্যৰ ভিতৰত ত্ৰিপুৰাত বিজেপিৰ নিজা চৰকাৰ থকাৰ বিপৰীতে মেঘালয়, নাগালেণ্ডত চৰকাৰৰ অংশীদাৰ বিজেপি৷
- News18 Assam
- Last Updated :
সম্পৰ্কীয় বাতৰি
বিগত সপ্তাহৰ ১১ৰ পৰা ১৪ জানুৱাৰীলৈ উত্তৰ–পূবৰ তিনি ৰাজ্যৰ নিৰ্বাচনী প্ৰস্তুতিৰ বুজ লৈছিল দেশৰ মুখ্য নিৰ্বাচন আয়ুক্ত ৰাজীৱ কুমাৰে৷ ত্ৰিপুৰা, নাগালেণ্ড, মেঘালয় – এই তিনি ৰাজ্যৰ নিৰ্বাচনী প্ৰস্তুতিৰ বুজ লৈ যোৱাৰ পিছত এই কথা স্পষ্ট যে যিকোনো মুহূৰ্ততে ঘোষণা হ'ব পাৰে তিনিখন ৰাজ্যৰ নিৰ্বাচনৰ দিন (Tripura, Meghalaya, Nagaland Assembly Election)৷ ইয়াৰ লগতে এইটোও এক অন্যতম কাৰণ যে ত্ৰিপুৰা, নাগালেণ্ড, মেঘালয়ৰ তিনিওখন চৰকাৰে শপত ল'ব লাগিব ২২মাৰ্চৰ পূৰ্বে৷ তাৰ লগতে হাইস্কুল শিক্ষান্ত পৰীক্ষাৰ দৰে গুৰুত্বপূৰ্ণ পৰীক্ষাৰ হেতু ফেব্ৰুৱাৰী মাহৰ দ্বিতীয় সপ্তাহতে নিৰ্বাচন সমাপ্ত কৰি শিক্ষানুষ্ঠানসমূহ পৰীক্ষাৰ বাবে আজৰি কৰি দিব লাগিব প্ৰশাসনে৷
যিকোনো মুহূৰ্ততে নিৰ্বাচনৰ দিন ঘোষণা হ'ব লগীয়া এই তিনিখন ৰাজ্যৰ ভিতৰত ত্ৰিপুৰাত বিজেপিৰ নিজা চৰকাৰ থকাৰ বিপৰীতে মেঘালয়, নাগালেণ্ডত চৰকাৰৰ অংশীদাৰ বিজেপি৷ এই তিনিওখন ৰাজ্যতে আছে ৬০টাকৈ বিধানসভা সমষ্টি৷
বিগত ২০১৮ৰ নিৰ্বাচনত ২৫বছৰীয়া বাঁওপন্থীৰ শাসন ওফৰাই ৩৩খন আসনত জয়লাভ কৰি ত্ৰিপুৰা দখল কৰিছিল বিজেপিয়ে৷ ত্ৰিপুৰাত বিজেপি ৩৩, INDIGENOUS PEOPLE'S FRONT OF TRIPURA(IPFT) ৪, চি পি আই(এম) ১৫ আৰু কংগ্ৰেছ ১, খালী হৈ আছে ৭খন আসন৷ ত্ৰিপুৰাত প্ৰায় ২০টাকৈ সমষ্টি জনজাতীয় ভোটাৰ অধ্যুষিত৷ এই ২০টা সমষ্টিত প্ৰভাৱ থকা 'তিপ্ৰা মঠা' কাৰ লগত থাকিব সেয়া লক্ষণীয় হ'ব৷
একেদৰে সুস্মিতা দেব বৰ্মনৰ যোগেদি তৃণমূল কংগ্ৰেছে পানী ঘোলাৰ চেষ্টা অব্যাহত ৰাখিছে যদিও ত্ৰিপুৰাৰ পৌৰ সভাত কোনো প্ৰভাৱ পৰা নাছিল৷ মমতা বেনাৰ্জীৰ টিএমচি অৱশ্যেই আত্মবিশ্বাসী ত্ৰিপুৰাক লৈ৷ আনহাতে, ৰাজ্যখনৰ নিৰ্বাচনত কংগ্ৰেছ আৰু চিপিআই(এম) একেলগ হ'লে সুকীয়া হৈ পৰিব পাৰে নিৰ্বাচনী অংক৷
৬০টা সমষ্টিত নিৰ্বাচন হ'ব লগীয়া নাগালেণ্ডত বৰ্তমান NDPP, BJP, NPFৰ সংযুক্ত গণতান্ত্ৰিক মৰ্চাৰ চৰকাৰ চলি আছে৷ নাগালেণ্ড বিধানসভাক বিৰোধীহীন কৰি ২১গৰাকী NPF সদস্য UNITED DEMOCRATIC ALLIANCEত চামিল হোৱাত বৰ্তমান বিধানসভাত শক্তি NDPPৰ ৪২, বিজেপিৰ ১২, NPFৰ ৪ আৰু নিৰ্দলীয় ২৷ নাগালেণ্ডক লৈ বিজেপি আত্মবিশ্বাসী যদিও পৃথক ফ্ৰণ্টিয়াৰ নাগালেণ্ডৰ দাবী এই নিৰ্বাচনৰ অন্যতম ফেক্টৰ হ'ব পাৰে৷
ঠিক একেদৰে ঘনে ঘনে দৃশ্যপট সলনি হৈছে মেঘালয়ৰ ৰাজনীতিয়েও৷ ৬০টা সমষ্টিৰ ভিতৰত বৰ্তমান কণৰাড চাংমাৰ নেতৃত্বৰ চৰকাৰত NPPৰ বিধায়ক ২০, UNITED DEMOCRATIC PARTY ৮, বিজেপি ৩, নিৰ্দলীয় ২৷ বিৰোধী তৃণমূল কংগ্ৰেছৰ হাতত ৮গৰাকী বিধায়ক আৰু খালী হৈ আছে বাকী আসন৷ মেঘালয়ত আকৌ BJPৰ সৈতে মিত্ৰতা থকা সত্ত্বেও ‘একলা চলো’ নীতি গ্ৰহণ কৰিছে NATIONAL PEOPLE'S PARTY চমুকৈ NPPয়ে৷ ৫৮টাকৈ সমষ্টিতে প্ৰাৰ্থী ঘোষণা কৰিছে দলটোৱে৷
এন পি পিৰ আত্মবিশ্বাস বঢ়াইছে তৃণমূলৰ জিম্মী ডি চাংমা আৰু মাৰ্থন চাংমাৰ আগমনে৷ বিজেপিয়ে নিজৰ কূট–কৌশল অহৰহ প্ৰচেষ্টা অব্যাহত ৰখাৰ অন্তত NPPৰ ২, কংগ্ৰেছ আৰু নিৰ্দলীয় এজনকৈ বিধায়কক দলটোত যোগদান কৰোৱাত সফল হৈছে৷ কিন্তু মেঘালয়ত এই সময়ত শোচনীয় অৱস্থা কংগ্ৰেছৰহে৷ কংগ্ৰেছ এৰি তৃণমূল কংগ্ৰেছলৈ ঢাপলি মেলিলে অধিকাংশ কংগ্ৰেছীয়ে৷ মুকুল চাংমাৰ সমানেই মেঘালয়ক লৈ আত্মবিশ্বাসী মমতা বেনাৰ্জী, অভিষেক বেনাৰ্জীও৷ কিন্তু তৃণমূলেও ধৰি ৰাখিব পৰা নাই নেতাক, ইতিমধ্যে নাটকীয় পৰিৱৰ্তনেৰে তৃণমূলৰ তিনিজন বিধায়কৰ দুজনে NPPত এজনে যোগদান কৰিছে বিজেপিত৷
যিকোনো মুহূৰ্ততে নিৰ্বাচনৰ দিন ঘোষণা হ'ব লগীয়া এই তিনিখন ৰাজ্যৰ ভিতৰত ত্ৰিপুৰাত বিজেপিৰ নিজা চৰকাৰ থকাৰ বিপৰীতে মেঘালয়, নাগালেণ্ডত চৰকাৰৰ অংশীদাৰ বিজেপি৷ এই তিনিওখন ৰাজ্যতে আছে ৬০টাকৈ বিধানসভা সমষ্টি৷
বিগত ২০১৮ৰ নিৰ্বাচনত ২৫বছৰীয়া বাঁওপন্থীৰ শাসন ওফৰাই ৩৩খন আসনত জয়লাভ কৰি ত্ৰিপুৰা দখল কৰিছিল বিজেপিয়ে৷ ত্ৰিপুৰাত বিজেপি ৩৩, INDIGENOUS PEOPLE'S FRONT OF TRIPURA(IPFT) ৪, চি পি আই(এম) ১৫ আৰু কংগ্ৰেছ ১, খালী হৈ আছে ৭খন আসন৷ ত্ৰিপুৰাত প্ৰায় ২০টাকৈ সমষ্টি জনজাতীয় ভোটাৰ অধ্যুষিত৷ এই ২০টা সমষ্টিত প্ৰভাৱ থকা 'তিপ্ৰা মঠা' কাৰ লগত থাকিব সেয়া লক্ষণীয় হ'ব৷
একেদৰে সুস্মিতা দেব বৰ্মনৰ যোগেদি তৃণমূল কংগ্ৰেছে পানী ঘোলাৰ চেষ্টা অব্যাহত ৰাখিছে যদিও ত্ৰিপুৰাৰ পৌৰ সভাত কোনো প্ৰভাৱ পৰা নাছিল৷ মমতা বেনাৰ্জীৰ টিএমচি অৱশ্যেই আত্মবিশ্বাসী ত্ৰিপুৰাক লৈ৷ আনহাতে, ৰাজ্যখনৰ নিৰ্বাচনত কংগ্ৰেছ আৰু চিপিআই(এম) একেলগ হ'লে সুকীয়া হৈ পৰিব পাৰে নিৰ্বাচনী অংক৷
৬০টা সমষ্টিত নিৰ্বাচন হ'ব লগীয়া নাগালেণ্ডত বৰ্তমান NDPP, BJP, NPFৰ সংযুক্ত গণতান্ত্ৰিক মৰ্চাৰ চৰকাৰ চলি আছে৷ নাগালেণ্ড বিধানসভাক বিৰোধীহীন কৰি ২১গৰাকী NPF সদস্য UNITED DEMOCRATIC ALLIANCEত চামিল হোৱাত বৰ্তমান বিধানসভাত শক্তি NDPPৰ ৪২, বিজেপিৰ ১২, NPFৰ ৪ আৰু নিৰ্দলীয় ২৷ নাগালেণ্ডক লৈ বিজেপি আত্মবিশ্বাসী যদিও পৃথক ফ্ৰণ্টিয়াৰ নাগালেণ্ডৰ দাবী এই নিৰ্বাচনৰ অন্যতম ফেক্টৰ হ'ব পাৰে৷
ঠিক একেদৰে ঘনে ঘনে দৃশ্যপট সলনি হৈছে মেঘালয়ৰ ৰাজনীতিয়েও৷ ৬০টা সমষ্টিৰ ভিতৰত বৰ্তমান কণৰাড চাংমাৰ নেতৃত্বৰ চৰকাৰত NPPৰ বিধায়ক ২০, UNITED DEMOCRATIC PARTY ৮, বিজেপি ৩, নিৰ্দলীয় ২৷ বিৰোধী তৃণমূল কংগ্ৰেছৰ হাতত ৮গৰাকী বিধায়ক আৰু খালী হৈ আছে বাকী আসন৷ মেঘালয়ত আকৌ BJPৰ সৈতে মিত্ৰতা থকা সত্ত্বেও ‘একলা চলো’ নীতি গ্ৰহণ কৰিছে NATIONAL PEOPLE'S PARTY চমুকৈ NPPয়ে৷ ৫৮টাকৈ সমষ্টিতে প্ৰাৰ্থী ঘোষণা কৰিছে দলটোৱে৷
এন পি পিৰ আত্মবিশ্বাস বঢ়াইছে তৃণমূলৰ জিম্মী ডি চাংমা আৰু মাৰ্থন চাংমাৰ আগমনে৷ বিজেপিয়ে নিজৰ কূট–কৌশল অহৰহ প্ৰচেষ্টা অব্যাহত ৰখাৰ অন্তত NPPৰ ২, কংগ্ৰেছ আৰু নিৰ্দলীয় এজনকৈ বিধায়কক দলটোত যোগদান কৰোৱাত সফল হৈছে৷ কিন্তু মেঘালয়ত এই সময়ত শোচনীয় অৱস্থা কংগ্ৰেছৰহে৷ কংগ্ৰেছ এৰি তৃণমূল কংগ্ৰেছলৈ ঢাপলি মেলিলে অধিকাংশ কংগ্ৰেছীয়ে৷ মুকুল চাংমাৰ সমানেই মেঘালয়ক লৈ আত্মবিশ্বাসী মমতা বেনাৰ্জী, অভিষেক বেনাৰ্জীও৷ কিন্তু তৃণমূলেও ধৰি ৰাখিব পৰা নাই নেতাক, ইতিমধ্যে নাটকীয় পৰিৱৰ্তনেৰে তৃণমূলৰ তিনিজন বিধায়কৰ দুজনে NPPত এজনে যোগদান কৰিছে বিজেপিত৷
Published by: Sanjay Kumar Das
FIRST PUBLISHED : January 18, 2023, 14:28 IST
অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।
