Tripura Municipal Election Results: ত্ৰিপুৰাত তৃণমূলৰ 'খেলা শেষ', নগৰ নিকায় নিৰ্বাচনত বিজেপিৰ জয়যাত্ৰা অব্যাহত
আমোদজনকভাৱে, তৃণমূল কংগ্ৰেছে (TMC) আগৰতলা পৌৰ নিগমৰ (AMC) সকলো ৱাৰ্ডত দ্বিতীয় স্থান লাভ কৰিছে।
আমোদজনকভাৱে, তৃণমূল কংগ্ৰেছে (TMC) আগৰতলা পৌৰ নিগমৰ (AMC) সকলো ৱাৰ্ডত দ্বিতীয় স্থান লাভ কৰিছে।
- News18 Assam
- Last Updated :
ত্ৰিপুৰা নগৰ নিকায় নিৰ্বাচনৰ ফলাফলত বিজেপিৰ জয়যাত্ৰা অব্যাহত আছে। শাসকীয় বিজেপিয়ে ৮খন পৌৰ পৰিষদ ক্ৰমে কুমাৰঘাট নগৰ পৰিষদ, খোৱাই নগৰ পৰিষদ, তেলিয়ামূৰা নগৰ পৰিষদ, মেলাঘৰ নগৰ পঞ্চায়ত, সোণামুৰা নগৰ পঞ্চায়ত, অমৰপুৰ নগৰ পঞ্চায়ত, চাবাৰুম নগৰ পৰিষদ আৰু জিৰানিয়া নগৰ পঞ্চায়ত জয় সাব্যস্ত কৰে। উল্লেখ্য, জিৰানিয়াত মাত্ৰ এখন আসনত ভোটদান হোৱাৰ বিপৰীতে বাকী আটাইকেইখনত বিজেপিয়ে কোনো নিৰ্বাচন অবিহনে জয়লাভ কৰে।
বিজেপিয়ে ৫১টা ৱাৰ্ডৰ ভিতৰত ২৯টাত জয়লাভ কৰিছে। ৰাজ্যিক নিৰ্বাচন আয়োগৰ মতে, আগৰতলা পৌৰ নিগমৰ ৫১টা ৱাৰ্ডৰ ভিতৰত ২৯ টা ৱাৰ্ডত বিজেপিয়ে সংখ্যাগৰিষ্ঠতা লাভ কৰিছে।
ৰাজ্যখনৰ ২০খনৰ ভিতৰত ১৪খন স্থানীয় নিকায়ৰ ভোটগ্ৰহণ ২৫ নৱেম্বৰত অনুষ্ঠিত হৈছিল। মুঠ ৩২৪খন পৌৰ নিগমৰ আসনৰ ভিতৰত বিজেপিয়ে বিনা প্ৰতিদ্বন্দ্বিতাত ১১২খন আসন লাভ কৰে। আৰু আন ২২২খন আসনত ৮১.৫৪ শতাংশ ভোটদান হয়। ৰাজ্যিক নিৰ্বাচন আয়োগৰ (SEC) শেহতীয়া আপডেট অনুসৰি, আঠখনত বিজেপিয়ে জয় সাব্যস্ত কৰাৰ লগতে বাকী ছয়খন পৌৰ নিগমত বিজেপি আগবাঢ়ি আছে।
আমোদজনকভাৱে, তৃণমূল কংগ্ৰেছে (TMC) আগৰতলা পৌৰ নিগমৰ (AMC) সকলো ৱাৰ্ডত দ্বিতীয় স্থান লাভ কৰিছে। প্ৰাপ্ত প্ৰতিবেদন অনুসৰি, বিজেপিয়ে এএমচি অঞ্চলত ৫৮,৮২১টা ভোট লাভ কৰিছে আৰু টিএমচিয়ে ২২,২৯৫টা ভোট লাভ কৰিছে। চিপিআই(এম)য়ে ১৫,৯৬০টা ভোট লাভ কৰি তৃতীয় স্থান লাভ কৰে। চিপিআই, ফৰৱাৰ্ড ব্লক আৰু আৰএছপি নামৰ আন তিনিটা বাঁওপন্থী দলে চিপিআই(এম)ৰ সৈতে মিত্ৰতা কৰি মুঠ ২,৬৫০টা ভোট লাভ কৰে।
Read all News in Assamese, Assam News Today, Entertainment News in Assamese, Business News in Assamese, Sports News in Assamese, Health News in Assamese, India News in Assamese
অসমীয়াত ব্ৰেকিং নিউজ সৰ্বপ্ৰথম News18 অসমীয়াত| শেহতীয়া খবৰ, লাইভ নিউজ আপডেট. সবাতোকৈ বিশ্বাসযোগ্য অসমীয়া নিউজ ৱেবছাইট News18 অসমীয়া|
