• Home
  • »
  • News
  • »
  • nation
  • »
  • Karnataka: কৰ্ণাটকৰ হাছান জিলাত মৰ্মান্তিক পথ দুৰ্ঘটনা, টেম্প'-টেংকাৰ-বাছৰ সংঘৰ্ষত ৯ জন নিহত

Karnataka: কৰ্ণাটকৰ হাছান জিলাত মৰ্মান্তিক পথ দুৰ্ঘটনা, টেম্প'-টেংকাৰ-বাছৰ সংঘৰ্ষত ৯ জন নিহত

কৰ্ণাটকৰ হাছান জিলাত মৰ্মান্তিক পথ দুৰ্ঘটনা, টেম্প'-টেংকাৰ-বাছৰ সংঘৰ্ষত ৯ জন নিহত

কৰ্ণাটকৰ হাছান জিলাত মৰ্মান্তিক পথ দুৰ্ঘটনা, টেম্প'-টেংকাৰ-বাছৰ সংঘৰ্ষত ৯ জন নিহত

আৰক্ষীৰ মতে, শিৱমোগগা অভিমুখে গৈ থকা ৰাজ্যিক পৰিবহণ নিগমৰ বাছখনে টেম্পোত খুন্দা মাৰে। টেম্পো চালকজনে নিয়ন্ত্ৰণ হেৰুৱাই বিপৰীত দিশৰ পৰা অহা দুগ্ধ পৰিবাহী টেংকাৰখনত খুন্দা মাৰে।

  • Share this:
কৰ্ণাটকৰ হাছান জিলাত সংঘটিত এক পথ দুৰ্ঘটনাত ৯ জন লোক নিহত হয়। আৰক্ষীৰ মতে, আৰ্চিকেৰ তালুকৰ গান্ধীনগৰৰ সমীপত ধৰ্মস্থল, সুব্ৰমণ্য, হাছানম্বাৰ মন্দিৰ পৰিদৰ্শন কৰি ঘৰলৈ উভতি অহাৰ সময়ত এখন যাত্ৰীবাহী টেম্পো, কে এছ আৰ টি চি বাছ আৰু কে এম এফৰ দুগ্ধ পৰিবাহী বাহনত সংঘৰ্ষত ৯ জন লোকৰ মৃত্যু হয়। দুৰ্ঘটনাত প্ৰাণ হেৰুৱাই পেলোৱা ৯ জন লোকৰ ভিতৰত ৪ টা শিশুও আছে, আনহাতে ১০ জন লোক আহত হৈছে। শনিবাৰে নিশা প্ৰায় ১১ বজাত সংঘটিত হয় এই ঘটনা।

নিহত আটাইকেইজন টেম্প’ত আছিল, যিখন বাছ আৰু দুগ্ধ পৰিবাহী টেংকাৰৰ মাজত সোমাই পৰিছিল। সূত্ৰই জনোৱা মতে, ইয়াৰে ৬ জনৰ থিতাতে মৃত্যু হোৱাৰ বিপৰীতে চিকিৎসালয়লৈ যোৱাৰ পথত ৩ জন আঘাতপ্ৰাপ্ত হয়। আহতসকল নিকটৱৰ্তী এখন চিকিৎসালয়ত চিকিৎসাধীন হৈ আছে। দুৰ্ঘটনাৰ তথ্য লাভ কৰাৰ লগে লগে হাছান আৰক্ষী অধীক্ষক হৰিৰাম শংকৰ আৰু উচ্চপদস্থ বিষয়াসকলে দুৰ্ঘটনাস্থলী পৰিদৰ্শন কৰি সকলো প্ৰয়োজনীয় পদ্ধতি মানি চলাটো নিশ্চিত কৰে।


আৰক্ষীৰ মতে, শিৱমোগগা অভিমুখে গৈ থকা ৰাজ্যিক পৰিবহণ নিগমৰ বাছখনে টেম্পোত খুন্দা মাৰে। টেম্পো চালকজনে নিয়ন্ত্ৰণ হেৰুৱাই বিপৰীত দিশৰ পৰা অহা দুগ্ধ পৰিবাহী টেংকাৰখনত খুন্দা মাৰে। ফলত বাছ আৰু টেংকাৰৰ মাজত টেম্পোখনক থেতেলিয়াই পেলালে। ঘাইপথত সংঘটিত হয় এই দুৰ্ঘটনা, য'ত চাৰিলেনযুক্ত পথ বহল কৰাৰ কাম চলি আছে। পথত ডাইভাৰচন সন্দৰ্ভত বিভ্ৰান্তি দুৰ্ঘটনাৰ অন্যতম কাৰণ বুলি অনুমান কৰা হৈছে। বাছখনত বহি থকা একাংশ যাত্ৰীও আঘাতপ্ৰাপ্ত হয়। আহতসকলৰ ভিতৰত ২ জনৰ অৱস্থা সংকটজনক বুলি জানিব পৰা গৈছে।

এই ঘটনাক লৈ শোক প্ৰকাশ কৰি মুখ্যমন্ত্ৰী বাসৱৰাজ বম্মাইয়ে টুইট কৰি কয় যে, "কালি হাছান জিলাৰ আৰ্ছিকেৰেত সংঘটিত এক ভয়ংকৰ পথ দুৰ্ঘটনাত ৯ জন লোকৰ মৃত্যু হোৱাৰ খবৰটোৱে মৰ্মাহত কৰিছে। বিদেহ আত্মাই চিৰশান্তি লাভ কৰক। মৃতকৰ পৰিয়ালক পৰ্যাপ্ত ক্ষতিপূৰণ দিয়াৰ লগতে আহতসকলৰ উচিত চিকিৎসাৰ ব্যৱস্থা কৰা হ’ব।"
Published by:Subham Goswami
First published:

শেহতীয়া বাতৰি