• Home
  • »
  • News
  • »
  • nation
  • »
  • ন'-পাৰ্কিং জ'নত পাৰ্কিং; নাগপুৰত আৰোহীসহ স্কুটাৰ উঠাই নিলে ক্ৰেনে

ন'-পাৰ্কিং জ'নত পাৰ্কিং; নাগপুৰত আৰোহীসহ স্কুটাৰ উঠাই নিলে ক্ৰেনে

বৰ্তমান নাগপুৰত ঘটা এটা ঘটনাৰ ভিডিঅ’ ছ'চিয়েল মিডিয়াত ভাইৰেল হৈ পৰিছে য'ত মালিক বহি থকা অৱস্থাতে আৰক্ষীয়ে ন'-পাৰ্কিং জ’নৰ পৰা এখন স্কুটাৰ তুলি লৈ গৈছিল।

বৰ্তমান নাগপুৰত ঘটা এটা ঘটনাৰ ভিডিঅ’ ছ'চিয়েল মিডিয়াত ভাইৰেল হৈ পৰিছে য'ত মালিক বহি থকা অৱস্থাতে আৰক্ষীয়ে ন'-পাৰ্কিং জ’নৰ পৰা এখন স্কুটাৰ তুলি লৈ গৈছিল।

বৰ্তমান নাগপুৰত ঘটা এটা ঘটনাৰ ভিডিঅ’ ছ'চিয়েল মিডিয়াত ভাইৰেল হৈ পৰিছে য'ত মালিক বহি থকা অৱস্থাতে আৰক্ষীয়ে ন'-পাৰ্কিং জ’নৰ পৰা এখন স্কুটাৰ তুলি লৈ গৈছিল।

  • Share this:
ভাৰতৰ জনসংখ্যা বৃদ্ধিৰ সমান্তৰালকৈ যান–বাহনৰ সংখ্যাও সঘনাই বৃদ্ধি হৈ আছে যাৰ বাবে বহু সমস্যাই গঢ় লৈ উঠিছে। অত্যধিক গাড়ীৰ ফলত মূলতঃ ৰাস্তাত ভিৰ (ট্ৰেফিক জাম) হোৱা আৰু পাৰ্কিং কৰাৰ ঠাইৰ অভাৱ হৈ পৰিছে। কিছুমান ঠাইত পাৰ্কিঙৰ সুবিধা প্ৰদান কৰা হয় যদিও ই সীমিত। বিভিন্নজনে নিজৰ কাৰ (চাৰি চকীয়া বাহন) বা বাইক (দুচকীয়া বাহন) পাৰ্ক কৰিব ঠাই নোপোৱাৰ ফলত ৰাস্তাৰ কাষতে থৈ দিয়ে যাৰ ফলত এইসমূহে ৰাস্তাত চলাচল কৰা বাহনবোৰৰ চালকবোৰৰ বাবে অসুবিধাৰ কৰাৰ লগতে ই ট্ৰেফিক জামৰ সৃষ্টি কৰে। এনে অসুবিধাৰ পৰা বাচিবলৈ যান–বাহন আৰক্ষীয়ে ট্ৰেফিক জাম নিয়ন্ত্ৰণৰ বাবে কিছু পন্থা হাতত লৈছে যেনে বাহনখন পাৰ্ক কৰা ঠাইৰ পৰা আতৰাই দিয়া আৰু চালান কটা অৰ্থাৎ জৰিমনা বিহা।

উল্লেখযোগ্য যে, যিসকল ব্যক্তিয়ে ট্ৰেফিক জামৰ নিয়মসমূহৰ অবমাননা কৰে তেওঁলোকে আৰক্ষীৰ হাতত জৰিমনা বিহিব লাগে। এনে বহুতো ঘটনা সংঘটিত হৈছে য'ত বাহনখন আঁতৰাই দিয়াৰ পৰিণাম বৰ ভাল নহয়। বহু সময়ত, আৰোহীসকল নিজ বাহনত বহি থকা অৱস্থাটো আৰক্ষীয়ে আনকি বাহনখন টানি নিয়ে।

বৰ্তমান নাগপুৰত ঘটা এটা ঘটনাৰ ভিডিঅ’ ছ'চিয়েল মিডিয়াত ভাইৰেল হৈ পৰিছে য'ত মালিক বহি থকা অৱস্থাতে আৰক্ষীয়ে ন'-পাৰ্কিং জ’নৰ পৰা এখন স্কুটাৰ তুলি লৈ গৈছিল। দৰাচলতে, এজন ব্যক্তিয়ে নিজৰ স্কুটি (দুচকীয়া বাহন) ৰাস্তাৰ ন'-পাৰ্কিং জ’নত পাৰ্ক কৰি থৈছিল। কিন্তু আৰক্ষীয়ে যেতিয়া বাহনখন ক্ৰেনেৰে উঠাব লৈছিল, বাহনখনৰ মালিকজন আহি তাৰ ওপৰত বহি দিয়ে আৰু মানুহজন বহি থকা অৱস্থাতেই আৰক্ষীয়ে স্কুটিখন ক্ৰেনেৰে উঠোৱা কাৰ্য অব্যাহত ৰাখে। এই ঘটনা চলি থকা অৱস্থাতে বিভিন্ন মানুহ সেই ঠাইত সমবেত হোৱাৰ লগতে কিছু লোকে ইয়াৰ ভিডিঅ’ প্ৰস্তুত কৰি সামাজিক মাধ্যমত আপলোড কৰি দিয়ে। জানিব পৰা মতে, উক্ত ভিডিঅ’টো ভাইৰেল হোৱাৰ পাছতেই ক্ৰেনৰ ঠিকাদাৰজনৰ বিপক্ষে ব্যৱস্থা লোৱাৰ বাবে যান–বাহন আৰক্ষী বিভাগৰ ওপৰত চাপ পৰিছে।

বিগত ১৯ জুলাই, ২০২২ ত উক্ত ঘটনাটো সংঘটিত হৈছিল আৰু ক্ৰেনখনৰ ঠিকাদাৰজনৰ বিপক্ষে ব্যৱস্থা লোৱা হৈছে নে নাই সেই বিষয়ে বৰ্তমানলৈ কোনো তথ্য পোহৰলৈ অহা নাই। জানিব পৰা মতে, নাগপুৰ পৌৰ নিগম আৰু ট্ৰেফিক আৰক্ষীয়ে উক্ত ঘটনা হৈ থকাত কোনো ধৰণৰ বাধা আৰোপ কৰা নাছিল আৰু ঘটনাস্থলীৰ পৰা কাৰ আৰু দুচকীয়া বাহন ন'-পাৰ্কিং জ’নৰ পৰা ক্ৰেনৰ সহায়ত উঠোৱা কাৰ্য অব্যাহত ৰাখিছিল।

মন কৰিবলগীয়া যে, এনে ঘটনা ভাৰতত আগতেও কেইবাবাৰো ঘটিছে। এক তথ্য অনুসৰি, উত্তৰ প্ৰদেশতো অনুৰূপ ধৰণৰ ঘটনা হৈছিল। এই ক্ষেত্ৰত, লক্ষ্ণৌৰ হজৰতগঞ্জৰ জনপথত ৰখাই থোৱা এখন হুণ্ডাই চেণ্ট্ৰো গাড়ী ইয়াৰ ভিতৰত বহি থকা লোকসহ টানি নিয়া হৈছিল। গাড়ীখনৰ চালকজনে গাড়ীখন ৰখাইছিল আৰু ওচৰৰ দোকান এখনৰ পৰা কিছু সামগ্ৰী সংগ্ৰহ কৰিবলৈ ওলাই গৈছিল বুলি দাবী কৰে।

এই সময়ত, এখন ট্ৰাক ঘটনাস্থলীলৈ আহিছিল আৰু চালকজনৰ বাহিৰে আন আৰোহীসকল ইয়াত থকাৰ সময়ত চেণ্ট্ৰোখন উঠাই নিছিল। ঘটনাটো ভাইৰেল হোৱাৰ পিছত লক্ষ্ণৌ কৰ্তৃপক্ষই ন'-পাৰ্কিং জ’নৰ পৰা বাহনবোৰ আঁতৰোৱাৰ বাবে ব্যৱহৃত সকলো ক্ৰেনৰ কাৰ্যকলাপৰ ওপৰত নিষেধাজ্ঞা আৰোপ কৰে। ইয়াৰ বাহিৰেও, মুম্বাইত এগৰাকী মহিলাই তেওঁৰ সন্তানক নিজৰ গাড়ীৰ ভিতৰত স্তনপান কৰাই থকা সময়তে আৰক্ষীয়ে মুম্বাইৰ ন'-পাৰ্কিং জ’নত থকা গাড়ীখন টানি নিছিল। উল্লেখযোগ্য যে, নিয়ম অনুসৰি গাড়ীৰ ভিতৰত আৰোহী বহি থাকিলে বাহন এখন ন'-পাৰ্কিং জ’নৰ পৰা টানি নিব নোৱাৰে আৰক্ষীয়ে।
Published by:Sanjay Kumar Das
First published: