COVID-19 Vaccination: কোৰোণা টীকা লৈ দেশত ৪৪৭জনৰ পাৰ্শ্বক্ৰিয়া, ৩জনক হাস্পতালত ভৰ্তি

News18 Assam | News18-Assam
Updated:January 18, 2021, 4:21 PM IST
COVID-19 Vaccination: কোৰোণা টীকা লৈ দেশত ৪৪৭জনৰ পাৰ্শ্বক্ৰিয়া, ৩জনক হাস্পতালত ভৰ্তি
অৱশ্যে অসমত এইপৰ্যন্ত গুৰুতৰ পাৰ্শ্বক্ৰিয়াৰ খবৰ নাই।

অৱশ্যে অসমত এইপৰ্যন্ত গুৰুতৰ পাৰ্শ্বক্ৰিয়াৰ খবৰ নাই।

  • Share this:
নতুন দিল্লীঃ কোৰোণাৰ বিৰুদ্ধে যুঁজ জয় কৰিবলৈ সমগ্ৰ দেশত টীকাকৰণ প্ৰক্ৰিয়া আৰম্ভ হৈছে। ইতিমধ্যে সমগ্ৰ দেশত চিহ্নিত কৰা হাস্পতালত টীকাকৰণ আৰম্ভ হৈছে। টীকাকৰণৰ প্ৰথম দিনটোত সমগ্ৰ দেশত পৰ্যায়ক্ৰমে ৩কোটি স্বাস্থ্যকৰ্মী তথা ফ্ৰণ্টলাইন ৱৰ্কাৰক টীকা দিয়াৰ প্ৰক্ৰিয়া হৈছে। শনিবাৰ, ১৬জানুৱাৰীৰ পৰা বিশ্বৰ সৰ্ববৃহৎ টীকাকৰণৰ কাম আৰম্ভ হৈছে। ইয়াৰ মাজতে দেশত কেইবাজনো টীকা লোৱা লোকৰ পাৰ্শ্বক্ৰিয়া হোৱা দেখা গৈছে। দেওবাৰে কেন্দ্ৰীয় স্বাস্থ্য মন্ত্ৰালয়ৰ তৰফৰ পৰা জনোৱা মতে টীকাকৰণৰ পিছত মুঠ ৪৪৭জন লোকৰ মাজত পাৰ্শ্বপ্ৰতিক্ৰিয়াৰ খবৰ পোৱা গৈছে। তেওঁলোকৰ মাজত তিনিজন হাস্পতালত ভৰ্তি কৰোৱা হৈছে। এইটো প্ৰথম দুদিনৰ হিচাপ।

কোৰোণাৰ ভেকচিন লৈ সমগ্ৰ দেশত পাৰ্শ্বপ্ৰতিক্ৰিয়াৰ খবৰ পোৱা গৈছে। দিল্লীত ৫২জন স্বাস্থ্যকৰ্মী আক্ৰান্ত হৈছে এই প্ৰতিক্ৰিয়াত। একাংশ স্বাস্থ্যকৰ্মীৰ মাজত এলাৰ্জিক ৰিয়েকচন আৰম্ভ হোৱাৰ লগতে একাংশই নাৰ্ভাচ হোৱাৰ কথা উল্লেখ কৰিছে। প্ৰথম দুদিনত মুঠ ২,২৪,৩০১জনক ভেকচিন দিয়া হৈছে।

দিল্লীৰ স্বাস্থ্যমন্ত্রীয়ে জনায়, ১৬জানুৱাৰীত টীকাকৰণৰ পিছত ৫১জন স্বাস্থ্যকৰ্মীৰ মাজত সৰু–সুৰা সমস্যা দেখা গৈছিল। তাৰ মাজত এজনৰ অৱস্থা কিছু গুৰুতৰ হোৱাৰ কাৰণে তেওঁক হাস্পতালত ভৰ্তি কৰোৱা হয়। ২০বছৰীয়া এই এইমছৰ নিৰাপত্তাৰক্ষীজনে ভেকচিন লোৱাৰ ১৫ৰ পৰা ২০ মিনিটৰ ভিতৰত এলাৰ্জীৰ সমস্যাত ভোগে।

অৱশ্যে অসমত এইপৰ্যন্ত গুৰুতৰ পাৰ্শ্বক্ৰিয়াৰ খবৰ নাই।
First published: January 18, 2021, 4:21 PM IST
আৰু চাওক
পৰৱৰ্তী বাতৰি

শেহতীয়া বাতৰি