• Home
  • »
  • News
  • »
  • nation
  • »
  • গৰুৰ দেহত সোমাই থকা বিশাল বিজ্ঞানৰ ভাণ্ডাৰৰ বিষয়ে ৰাইজক সজাগ কৰাৰ চেষ্টা! ২৫ ফেব্ৰুৱাৰীত কেন্দ্ৰীয় চৰকাৰে পাতিব দেশজুৰি অনলাইন পৰীক্ষা 

গৰুৰ দেহত সোমাই থকা বিশাল বিজ্ঞানৰ ভাণ্ডাৰৰ বিষয়ে ৰাইজক সজাগ কৰাৰ চেষ্টা! ২৫ ফেব্ৰুৱাৰীত কেন্দ্ৰীয় চৰকাৰে পাতিব দেশজুৰি অনলাইন পৰীক্ষা 

‘গৰুৰ বিষয়ে ৰচনা সকলোৱে লিখিছে; গৰুৰ উপকাৰীতাৰ বিষয়ে সকলো অৱগত। কিন্তু দেশীয় গৰু এটাৰ শৰীৰত সোমাই থকা বিশাল বিজ্ঞানৰ ভাণ্ডাৰ বিষয়ে অৱগত নহয় সাধাৰণ জনতা।’

‘গৰুৰ বিষয়ে ৰচনা সকলোৱে লিখিছে; গৰুৰ উপকাৰীতাৰ বিষয়ে সকলো অৱগত। কিন্তু দেশীয় গৰু এটাৰ শৰীৰত সোমাই থকা বিশাল বিজ্ঞানৰ ভাণ্ডাৰ বিষয়ে অৱগত নহয় সাধাৰণ জনতা।’

‘গৰুৰ বিষয়ে ৰচনা সকলোৱে লিখিছে; গৰুৰ উপকাৰীতাৰ বিষয়ে সকলো অৱগত। কিন্তু দেশীয় গৰু এটাৰ শৰীৰত সোমাই থকা বিশাল বিজ্ঞানৰ ভাণ্ডাৰ বিষয়ে অৱগত নহয় সাধাৰণ জনতা।’

  • Share this:
গৰুৰ বিষয়ে ৰচনা সকলোৱে লিখিছে; গৰুৰ উপকাৰীতাৰ বিষয়ে সকলো অৱগত। কিন্তু দেশীয় গৰু এটাৰ শৰীৰত সোমাই থকা বিশাল বিজ্ঞানৰ ভাণ্ডাৰ বিষয়ে অৱগত নহয় সাধাৰণ জনতা। আনকি গৰুৱে যে, ভাৰতবৰ্ষৰ ৫ ট্ৰিলিয়ন অৰ্থনীতি গঢ়াৰ দিশত অগ্ৰণী ভূমিকা ল’ব এই সন্দৰ্ভতো সজাগ নহয় বহু লোক। এনে চিন্তা ব্যক্তি কৰিছে কেন্দ্ৰীয় চৰকাৰৰ প্ৰতিষ্ঠান ৰাষ্ট্ৰীয় কামধেনু আয়োগে। সেয়েহে প্ৰতিষ্ঠানটোৱে অহা ২৫ ফেব্ৰুৱাৰীত সমগ্ৰ দেশতে গৰুৰ বিষয়ে সকলো সামৰি অনলাইন পৰীক্ষা পতাৰ সিদ্ধান্ত গ্ৰহণ কৰিছে।

এই কথা ঘোষণা কৰে প্ৰতিষ্ঠানটোৰ মুৰব্বী বল্লৱভাই কাঠাৰিয়াই। পৰীক্ষাটোৰ নাম দিয়া হৈছে কামধেনু গো-বিজ্ঞান প্ৰসাৰ প্ৰচাৰ পৰীক্ষা আৰু এই পৰীক্ষা প্রতি বছৰে অনুষ্ঠিত হ’ব ।

দিল্লীত এখন সংবাদ মেল পাতি কাঠাৰিয়াই গৰুৰ দেহত সোমাই থকা বিশাল বিজ্ঞানৰ ভাণ্ডাৰৰ বিষয়ে ৰাইজক সজাগ কৰাৰ উদ্দেশ্যেৰে এই পদক্ষেপ গ্ৰহণ কৰা হৈছে বুলি মন্তব্য কৰে। দেশীয় গৰুয়ে দেশৰ ৫ ট্ৰিলিয়ন অৰ্থনীতিৰ সপোন বাস্তৱ কৰাত বৃহৎ ভূমিকা পালন কৰিব বুলিও মন্তব্য কৰে কাঠাৰিয়াই।

ইংৰাজী আৰু হিন্দীৰ বাদেও সৰ্বমুঠ ১২টা ভাষাত এই পৰীক্ষা অনুষ্ঠিত হ’ব। অসমীয়া ভাষাটো এই পৰীক্ষা পতা হ’ব। এই পৰীক্ষাৰ কাৰণে কোনোধৰণৰ মাছুল দিব নালাগে আৰু শ্ৰেণী ভিত্তিত পৃথক-পৃথক প্ৰশ্ন-কাকত হ’ব। সাধাৰণ ৰাইজৰ কাৰণেও এটা Open-Category থাকিব; ১০০টা প্ৰশ্ন থাকিব আৰু পদ্ধতি Multiple-Choice হ’ব। পৰীক্ষাৰ কাৰণে পঢ়াৰ সমল প্ৰতিষ্ঠানটোৰ ৱেবচাইটত উপলব্ধ হ’ব। উল্লেখ্য যে, ৰাষ্ট্ৰীয় কামধেনু আয়োগ কেন্দ্ৰীয় পশুপালন, মীনপালন আৰু দুগ্ধ মন্ত্ৰণালয়ৰ অন্তৰ্গত।
Published by:Himangshu Bhuyan
First published:

শেহতীয়া বাতৰি