সুন্দৰী সাংসদ নুছৰত জাহানক হাস্পতালত ভৰ্তি, কি হৈছে অভিনেত্ৰীগৰাকীৰ?

তৃণমূল কংগ্ৰেছৰ সাংসদ আৰু বেংগলী অভিনেত্ৰী নুছৰত জাহান অসুস্থ। দেওবাৰে হঠাৎ অসুস্থ হৈ পৰে অভিনেত্ৰীগৰাকী। শ্বাস–প্ৰশ্বাসত কষ্ট অনুভৱ কৰাত অভিনেত্ৰীগৰাকীক ভৰ্তি কৰোৱা হয় কলকাতাৰ এখন হাস্পতালত। বৰ্তমান ICUত চিকিৎসাধীন হৈ আছে যদিও স্বাস্থ্যৰ অৱস্থা সুস্থিৰ বুলি জনাইছে পৰিয়ালৰ লোকে।

পৰিয়ালৰ মতে, দেওবাৰে পুৱা পশ্চিম বংগৰ বছিৰহাটৰ পৰা কলকাতাৰ এখন ব্যক্তিগত হাস্পতালত ভৰ্তি কৰোৱা হয়। পৰিয়ালৰ মতে নুছৰতৰ আছে এজমা ৰোগো। হাস্পতালত ভৰ্তি হোৱা বাবে সংসদৰ শীতকালীন অধিৱেশনত উপস্থিত থাকিব পৰা নাই নুছৰত জাহানে।