সৰু সৰু কথাতে খং, কাৰাগাৰত আজৱ আচৰণ নিৰ্ভয়া কাণ্ডৰ দোষীৰ

News18 Assam | News18-Assam
Updated:February 21, 2020, 12:40 PM IST
সৰু সৰু কথাতে খং, কাৰাগাৰত আজৱ আচৰণ নিৰ্ভয়া কাণ্ডৰ দোষীৰ
সূত্ৰ অনুসৰি, কাৰাগাৰৰ কৰ্মচাৰীয়ে যেতিয়াই দোষী বিনয়ক খাদ্য দিবলৈ যায়, তেতিয়াই দুৰ্ব্যৱহাৰ কৰে। সেইদৰে কিছুদিন পূৰ্বে জে’লৰ নিয়ম বুজাবলৈ অহা বিষয়াৰ সৈতেও দুৰ্ব্যৱহাৰ কৰে বিনয়ে।

সূত্ৰ অনুসৰি, কাৰাগাৰৰ কৰ্মচাৰীয়ে যেতিয়াই দোষী বিনয়ক খাদ্য দিবলৈ যায়, তেতিয়াই দুৰ্ব্যৱহাৰ কৰে। সেইদৰে কিছুদিন পূৰ্বে জে’লৰ নিয়ম বুজাবলৈ অহা বিষয়াৰ সৈতেও দুৰ্ব্যৱহাৰ কৰে বিনয়ে।

  • News18 Assam
  • Last Updated: February 21, 2020, 12:40 PM IST
  • Share this:
নতুনকৈ ডেথ ৱাৰেণ্ট জাৰি হোৱাৰ পিছৰে পৰা কাৰাগাৰৰ ভিতৰত আজৱ আচৰণ কৰিবলৈ লৈছে নিৰ্ভয়া কাণ্ডৰ দোষীয়ে। তিহাৰ জে’ল প্ৰশাসনৰ মতে, দোষী মুকেশ সিং আৰু বিনয় শৰ্মাই বিগত কিছুদিন ধৰি কাৰাগাৰ কৰ্মীৰ সৈতে কৰিছে হিংসাত্মক ব্যৱহাৰ। দৈনিক চোৱাচিতাৰ বাবে অহা কাৰাগাৰৰ কৰ্মীৰ সৈতে দুৰ্ব্যৱহাৰ কৰে দুই দোষীয়ে।

তিহাৰ জে’ল প্ৰশাসনৰ মতে, নিৰ্ভয়া কাণ্ডৰ দোষীয়ে সৰু সৰু কথাতে খং কৰিবলৈ লৈছে। কাৰাগাৰ কৰ্তৃপক্ষই প্ৰতিমুহূৰ্ততে দোষীৰ আচৰণৰ ওপৰত নজৰ ৰাখিছে।

সূত্ৰ অনুসৰি, কাৰাগাৰৰ কৰ্মচাৰীয়ে যেতিয়াই দোষী বিনয়ক খাদ্য দিবলৈ যায়, তেতিয়াই দুৰ্ব্যৱহাৰ কৰে। সেইদৰে কিছুদিন পূৰ্বে জে’লৰ নিয়ম বুজাবলৈ অহা বিষয়াৰ সৈতেও দুৰ্ব্যৱহাৰ কৰে বিনয়ে। দোষী মুকেশে আনকি কাৰাগাৰৰ নিয়ম মানিবলৈ অস্বীকাৰ কৰিছে।

উল্লেখযোগ্য যে দোষী বিনয়ে দিল্লীৰ পাটিয়ালা হাউছ ক’ৰ্টত আবেদন দাখিল কৰি কৈছিল যে তেওঁৰ মানসিক স্থিতি ঠিক নহয়। কিন্তু যেতিয়া কাউন্সেলৰে পৰীক্ষা কৰিলে, তেতিয়া বিনয়ৰ মানসিক স্থিতি সম্পূৰ্ণ সুস্থিৰ পাইছিল।

বিশ্ব কঁপোৱা নিৰ্ভয়া কাণ্ডৰ চাৰি দোষীৰ বিৰুদ্ধে নতুনকৈ জাৰি কৰা হৈছে ডেথ ৱাৰেণ্ট। সেই অনুসৰি ৩ মাৰ্চত আটাইৰে ফাঁচিৰ দিন নিৰ্ধাৰণ কৰিছে আদালতে। পুৱা ৬ বজাত নিৰ্ধাৰণ কৰা হৈছে ফাঁচিৰ সময়।
আৰু চাওক
পৰৱৰ্তী বাতৰি