আজৱ! পুত্ৰৰ বিয়াৰ আগত কইনাৰ মাতৃক পলুৱাই লৈ গ’ল দৰাৰ পিতৃয়ে!

News18 Assam | News18-Assam
Updated:January 21, 2020, 12:27 PM IST
আজৱ! পুত্ৰৰ বিয়াৰ আগত কইনাৰ মাতৃক পলুৱাই লৈ গ’ল দৰাৰ পিতৃয়ে!
এইপৰ্যন্ত গুজৰাটৰ চুৰাটৰ চল্লিশোৰ্ধৰ পিতৃ–মাতৃহাল সন্ধানহীন হৈ আছে। আৰক্ষীয়ে সন্ধান অব্যাহত ৰাখিছে। 

এইপৰ্যন্ত গুজৰাটৰ চুৰাটৰ চল্লিশোৰ্ধৰ পিতৃ–মাতৃহাল সন্ধানহীন হৈ আছে। আৰক্ষীয়ে সন্ধান অব্যাহত ৰাখিছে। 

  • Share this:
এখন সাধাৰণ বিয়া, সাধাৰণ দুটা পৰিয়ালৰ এহাল দৰা–কইনাৰ মাজত হ’বলগীয়া সম্বন্ধত শেষ মুহূৰ্তত আউল লগালে পুৰণি প্ৰেমে। বিয়াৰ মাত্ৰ এদিন আগত দৰাৰ পিতৃয়ে পলুৱাই নিলে কইনাৰ মাকক। নিজৰ সন্তানৰ বিয়াৰ মাত্ৰ এটা মাহ বাকী থাকোতে দুয়ো পলাই যায়। ফেব্ৰুৱাৰী মাহৰ দ্বিতীয় সপ্তাহত হ’বলগীয়া বিয়াখনো স্থগিত হৈ পৰিল। ৪৮বছৰীয়া পুৰুষজন আৰু ৪৬বছৰীয়া মহিলাগৰাকী কলেজৰ দিনৰে বন্ধু আৰু পৰিয়ালৰ সূত্ৰই প্ৰকাশ কৰা মতে দুয়োৰে মাজত এটা সময়ত প্ৰেমৰ সম্পৰ্কও আছিল।

টাইমছ অৱ ইণ্ডিয়াত প্ৰকাশ পোৱা এটা বাতৰি মতে ল’ৰাৰ পিতৃ চুৰাটৰ কটাৰগামৰ অঞ্চলৰ পৰা সন্ধানহীন হোৱাৰ বিপৰীতে মহিলাগৰাকী নৱসাৰী এলেকাৰ পৰা নোহোৱা হৈছে। পৰিয়ালৰ অভিযোগ দুয়োৰে মাজত পুৰণি প্ৰেম আকৌ জাগ্ৰত হোৱাৰ কাৰণেই এই লজ্জাজনক কাণ্ড কৰিলে। দুয়োটা পৰিয়ালে পৃথকে পৃথকে আৰক্ষী থানাত সন্ধানহীন হোৱাৰ ৰিপ’ৰ্ট দাখিল কৰিছে।

জানিব পৰা মতে, প্ৰায় এবছৰ পূৰ্বে দৰা–কইনাৰ বাগদান সম্পন্ন হৈছিল। নিজৰ বিয়াৰ কাৰণে জোৰদাৰ প্ৰস্তুতি চলাই থাকোতে পিতৃ–মাতৃয়ে কৰা ঘটনাক লৈ হতভম্ব দুয়ো। একেটা সমূদায়ৰ হোৱাৰ কাৰণে এই বিয়াখনত ঘৰৰ কাৰোৰে আপত্তি নাছিল। কিন্তু সকলো ঠিকে ঠিকে হৈ গৈ থকাৰ সময়তে আউল লগালে অভিভাৱকৰ প্ৰেমে!

দৰাৰ পিতৃৰ বস্ত্ৰ আৰু মাটিৰ ব্যৱসায় আছে। ১০জানুৱাৰীতে সন্ধানহীন হোৱা ব্যক্তিজন এটা ৰাজনৈতিক দলৰো সদস্য। আনহাতে সন্ধানহীন হোৱা মহিলাগৰাকী তেওঁৰ কলেজীয়া বান্ধৱী হোৱাৰ লগতে একেটা চুবুৰীৰে বাসিন্দা আছিল।

দুয়োটা পৰিয়ালৰ সম্পৰ্কীয় লোকে প্ৰকাশ কৰা মতে, দুয়ো একেটা ছচাইটিত থকাৰ কাৰণে ঘনিষ্ঠ আছিল। একাংশ বন্ধুৰ মতে কলেজৰ দিনতো দুয়োৰে মাজত প্ৰেম আছিল। কিন্তু মহিলাগৰাকীৰ বিয়া এজন হীৰাৰ ব্যৱসায়ীৰ সৈতে কৰোৱা হৈছিল। ছচিয়েল মিডিয়াত দুয়োৰে বহু ফটো শ্বেয়াৰ হৈছে।
Published by: Tulika Devi
First published: January 21, 2020, 12:27 PM IST
আৰু চাওক
পৰৱৰ্তী বাতৰি

শেহতীয়া বাতৰি