COVID-19 : উচ্চতম ন্যায়ালয়ৰ ৫০ শতাংশতকৈ অধিক ষ্টাফ কোৰোণা পজিটিভ, ঘৰৰ পৰাই কাম কৰিব ন্যায়াধীশে

News18 Assam | News18-Assam
Updated:April 12, 2021, 10:47 AM IST
COVID-19 : উচ্চতম ন্যায়ালয়ৰ ৫০ শতাংশতকৈ অধিক ষ্টাফ কোৰোণা পজিটিভ, ঘৰৰ পৰাই কাম কৰিব ন্যায়াধীশে
সমগ্ৰ উচ্চতম ন্যায়ালয়ৰ চৌহদ ছেনিটাইজ কৰা হৈছে। ন্যায়ালয়ৰ ৰুমসমূহো কৰা হৈছে ছেনিটাইজ।

সমগ্ৰ উচ্চতম ন্যায়ালয়ৰ চৌহদ ছেনিটাইজ কৰা হৈছে। ন্যায়ালয়ৰ ৰুমসমূহো কৰা হৈছে ছেনিটাইজ।

  • Share this:
দেশত কোৰোণা ভাইৰাছ (Coronavirus)ৰ সংক্ৰমণ দিনক দিনে বৃদ্ধি পাইছে। প্ৰতিদিনেই অভিলেখ গঢ়িছে কোৰোণাত আক্ৰান্তৰ সংখ্যাই। ইয়াৰ মাজতে উচ্চতম ন্যায়ালয় (Supreme Court)ৰ পৰা আহিছে ডাঙৰ খবৰ। সূত্ৰ অনুসৰি, উচ্চতম ন্যায়ালয়ৰ ৫০ শতাংশতকৈ অধিক ষ্টাফ কোৰোণাত আক্ৰান্ত। ফলত উচ্চতম ন্যায়ালয়ত হ’বলগীয়া সকলো শুনানি এতিয়া ভিডিঅ’ কনফাৰেন্সিঙৰ যোগেদি কৰা হ’ব। সকলো ন্যায়াধীশে ঘৰৰ পৰাই কৰিব কাম।

জানিব পৰা মতে, সমগ্ৰ উচ্চতম ন্যায়ালয়ৰ চৌহদ ছেনিটাইজ কৰা হৈছে। ন্যায়ালয়ৰ ৰুমসমূহো কৰা হৈছে ছেনিটাইজ। কোৰোণা ভাইৰাছৰ বাবে এতিয়া বিভিন্ন পীঠ এতিয়া নিৰ্ধাৰিত সময়তকৈ এঘণ্টা পলমকৈ বহিব আৰু শুনানি গ্ৰহণ কৰিব।

এনডিটিভিৰ খবৰ মতে, এগৰাকী ন্যায়াধীশে এই সন্দৰ্ভত জনাইছে। ন্যায়াধীশগৰাকীয়ে কয় যে মোৰ অধিকাংশ ষ্টাফ আৰু ক্লাৰ্ক কোৰোণাত আক্ৰান্ত। একাংশ ন্যায়াধীশো পূৰ্বে কোৰোণাত আক্ৰান্ত হৈছিল যদিও বৰ্তমান সুস্থ।

উল্লেখযোগ্য যে ভাৰতত বৰ্তমান কোৰোণাই পুনৰ ভয়ংকৰ ৰূপ ধাৰণ কৰিছে। বিগত এসপ্তাহত প্ৰায় ১০ লাখৰো অধিক লোক আক্ৰান্ত হৈছে। সোমবাৰে স্বাস্থ্য মন্ত্ৰণালয়ৰ ফালৰ পৰা জাৰি কৰা সংখ্যা অনুসৰি, বিগত ২৪ ঘণ্টাত দেশত ১,৬৮,৯১২জন লোক আক্ৰান্ত হৈছে কোৰোণাত। লগতে ৯০৪জন লোকৰ মৃত্যু হৈছে।
Published by: Sanjay Kumar Das
First published: April 12, 2021, 10:46 AM IST
আৰু চাওক
পৰৱৰ্তী বাতৰি

শেহতীয়া বাতৰি