আপুনি চশমা পিন্ধে নেকি? তেন্তে আপোনাৰ বাবে আছে এটা ভাল খবৰ!

News18 Assam | News18-Assam
Updated:February 23, 2021, 7:06 PM IST
আপুনি চশমা পিন্ধে নেকি? তেন্তে আপোনাৰ বাবে আছে এটা ভাল খবৰ!
এই অধ্যয়নৰ অন্তত তেওঁলোকে লাভ কৰিছিল যে এই কোৰোণা আক্ৰান্ত সকলৰ ভিতৰত মাত্ৰ ১৯ শতাংশই বেছিভাগ সময়তে চশমা পৰিধান কৰিছিল।

এই অধ্যয়নৰ অন্তত তেওঁলোকে লাভ কৰিছিল যে এই কোৰোণা আক্ৰান্ত সকলৰ ভিতৰত মাত্ৰ ১৯ শতাংশই বেছিভাগ সময়তে চশমা পৰিধান কৰিছিল।

  • Share this:
দেশ তথা ৰাজ্যত পুনৰ কোভিডৰ ত্ৰাস ঘূৰি আহিবলৈ আৰম্ভ হোৱাৰ সময়তে চশমা পৰিধান কৰা লোকসকলৈ এটা ভাল খবৰ। শেহতীয়াকৈ এক অধ্যয়নত কোৱা হৈছে যে চশমা পিন্ধা লোকসকল কোৰোণা ভাইৰাছৰ দ্বাৰা সংক্ৰমিত হোৱাৰ সম্ভাৱনা কম থাকে। কিয়নো তেওঁলোকে বাৰম্বাৰ লেতেৰা হাতেৰে চকু মোহাৰি নাথাকে।

মেডআৰচিভ ৱেবছাইটত ভাৰতীয় গৱেষকসকলে এক সমীক্ষা প্ৰকাশ কৰিছে। য'ত তেওঁলোকে বিগত গ্ৰীষ্মকালৰ দুসপ্তাহ ধৰি উত্তৰ ভাৰতৰ এখন চিকিৎসালয়ত কোৰোণাত আক্ৰান্ত ১০ৰ পৰা ৮০বছৰ বয়সৰ সৰ্বমুঠ ৩০৪ গৰাকী লোক অৰ্থাৎ ২২৩জন পুৰুষ আৰু ৮১ গৰাকী মহিলাৰ লক্ষণৰ ওপৰত অধ্যয়ন কৰিছিল।

এই অধ্যয়নৰ অন্তত তেওঁলোকে লাভ কৰিছিল যে এই কোৰোণা আক্ৰান্ত সকলৰ ভিতৰত মাত্ৰ ১৯ শতাংশই বেছিভাগ সময়তে চশমা পৰিধান কৰিছিল। লগতে গৱেষকসকলে অধ্যয়নৰ সময়ত দেখিছিল যে এই লোকসকলৰ অধিকাংশই ১ ঘণ্টাত ২৩ বাৰ নিজৰ মুখ আৰু  প্ৰতি ঘণ্টাত তিনিবাৰকৈ চকু স্পৰ্শ কৰিছিল। তাৰ পিছতেই এয়া অনুভৱ কৰা হৈছিল যে,  চশমা পৰিধান নকৰা লোকসকলতকৈ পৰিধান কৰা লোকসকলৰ মাজত কোভিডৰ সংক্ৰমণৰ ঘটনা ২ৰ পৰা ৩ গুণ কম আছিল।

লগতে অধ্যয়নটোত কোৱা হৈছে এই ভাইৰাছৰ দ্বাৰা সংক্ৰমিত হোৱাৰ আটাইতকৈ ডাঙৰ কাৰণটোৱে হৈছে লেতেৰা হাতেৰে চকু, নাক বা মুখ স্পৰ্শ কৰা আৰু মোহাৰি পেলোৱা। চশমাৰ দীৰ্ঘম্যাদী ব্যৱহাৰে চকু স্পৰ্শ কৰাৰ পৰা বিৰত থাকিবলৈ সহায় কৰে। সেয়েহে কোভিড১৯ত সংক্ৰমিত হোৱাৰ সম্ভাৱনা কম থাকে। অধ্যয়নৰ অন্তত ফলাফলৰূপে পোৱা যায় যে যিসকলে আঠ ঘণ্টাৰ বাবে চশমা পৰিধান কৰে তেওঁলোকৰ ক্ষেত্ৰত কোৰোণা সংক্ৰমণৰ আশংকা কম থাকে। ইয়াৰ পূৰ্বে চিকিৎসকসকলে কণ্টেক্ট লেন্সৰ পৰিৱৰ্তে  চশমা পিন্ধিবলৈ সকলোকে পৰামৰ্শ দিছিল যাতে কোৰোণা ভাইৰাছ চকুলৈ যোৱাত বাধা প্ৰদান কৰিব পাৰি।

গৱেষকসকলে আৱিষ্কাৰ কৰিছে যে চশমা পিন্ধা লোকসকল কোভিড ১৯ৰ প্ৰতি কম সংবেদনশীল। অধ্যয়নত কোৱা হৈছে যে মানৱ শৰীৰত SARS-CoV-2 ভাইৰাছ প্ৰৱেশৰ এক গুৰুত্বপূৰ্ণ চেনেলেই হৈছে আমাৰ চকুযুৰি আৰু চশমাই চকুৰ এক সুৰক্ষামূলক গিয়াৰ হিচাপে কাম কৰে। যিয়ে চকুলৈ ভাইৰাছ স্থানান্তৰ হোৱাৰ আশংকা হ্ৰাস কৰে।
Published by: Sanjay Kumar Das
First published: February 23, 2021, 7:06 PM IST
আৰু চাওক
পৰৱৰ্তী বাতৰি

শেহতীয়া বাতৰি