বিমানবন্দৰত স্পাইচজেটৰ বিমানে খুন্দিয়ালে লাইট প’ষ্টত, ডাঙৰ দুৰ্ঘটনাৰ পৰা কথমপি ৰক্ষা!

দিল্লী বিমানবন্দৰত আজি এক ডাঙৰ দুৰ্ঘটনা সংঘটিত হোৱাৰ পৰা ৰক্ষা পৰে স্পাইচজেটৰ এখন বিমান। বিমানবন্দৰৰ এটা লাইট প’ষ্টত খুন্দা মাৰে বিমানখনে। ভাল খবৰটো এয়াই যে এই ঘটনাৰ ফলত কোনো বৃহৎ ক্ষতি হোৱা নাই। বিমানখনৰ এটা অংশ ক্ষতিগ্ৰস্ত হয় খুন্দা লগাৰ ফলত। আনহাতে, বিমানৰ খুন্দাৰ বিজুলি খুটাটো হাউলি পৰে।

ইণ্ডিয়া টুডেৰ ৰিপ’ৰ্ট অনুসৰি, বিমানখন পুশ্ববেক কৰাৰ সময়ত হয়। অৰ্থাৎ বিমানখন যাত্ৰী টাৰ্মিনেলৰ পৰা ৰানৱে’লৈ নি আছিল। বিমানখনে দিল্লীৰ পৰা জম্মুলৈ যাত্ৰা কৰিবলৈ ওলাইছিল। দুৰ্ঘটনাৰ সময়ত বিমানখনত নাছিল যাত্ৰা। পিছত আন এখন বিমান যাত্ৰীসকলক লৈ জম্মুলৈ ৰাওনা হয়।



এই ঘটনাক লৈ স্পাইচজেটৰ ফালৰপৰা বিবৃতি জাৰি কৰি কয়, ‘স্পাইচজেটৰ বিমান নং এছজি ১৬০ দিল্লীৰ পৰা জম্মুলৈ যাবলগীয়া আছিল। কিন্তু পুশ্ববেকৰ সময়ত বিজুলিৰ খুটাৰ সৈতে খুন্দা লাগে। যাত্ৰাৰ বাবে আন এখন বিমানৰ ব্যৱস্থা কৰা হয়।’