মাতৃ বিমানখনৰ পাইলট, পুত্ৰ কো-পাইলট! বহুতৰে হৃদয় জিনিলে মাতৃ-পুত্ৰৰ এই আৱেগিক মুহূৰ্তই...

সন্তান সফল হ'লেই সাৰ্থক হয় মাক-দেউতাকৰ সপোন। যেতিয়া সন্তানে নিজৰ পিতৃ-মাতৃৰ পদাংক অনুসৰণ কৰি সফলতা লাভ কৰে তেতিয়া প্ৰতিজন অভিভাৱকে গৌৰৱ কৰে।

এইবাৰৰ মাতৃ দিৱস ইণ্ডিগো বিমানৰ যাত্ৰীসকলৰ বাবে এটা স্মৰণীয় আছিল। যুৱ পাইলট অমৰ ঠাকুৰৰ কেৰিয়াৰ হিচাপে বিমান উৰণক লোৱাৰ আঁৰত আছিল তেওঁৰ মাতৃৰ অনুপ্ৰেৰণা।



অমৰ ঠাকুৰে বিমানখনত সোমায়েই মাকৰ হাতত তুলি দিছিল ফুলৰ থোপা। সেইসময়ত মাক আৰু পুত্ৰৰ মাজৰ আনন্দদায়ক মুহূৰ্তৰ সাক্ষী হৈছিল যাত্ৰীসকল। আছিল এক হৃদয়স্পৰ্শী দৃশ্য। মাক-পুত্ৰ পাইলট যুটিৰ ভিডিঅ' এতিয়া ভাইৰেল হৈ পৰিছে চৌদিশে।

This is such a heartwarming video. Mother, son fly plane together as pilot and copilot. @IndiGo6E pic.twitter.com/LIwJdJh4lO

— Anuj Dhar (@anujdhar) May 9, 2022

সময় নষ্ট নকৰাকৈ ঠাকুৰে মাইক্ৰ'ফোনৰ কাষলৈ গৈ বিমানখন তেওঁৰ বাবে কিয় বিশেষ আছিল সেই বিষয়ে বৰ্ণনা কৰিছিল।-"শুভ সন্ধিয়া, এয়া আপোনাৰ প্ৰথম বিষয়া অমৰ ঠাকুৰ। মই অনুগ্ৰহ কৰি কিছু সময়ৰ বাবে আপোনাৰ এটা কথা কব পাৰোনে? আমি সকলোৱে জানো যে, এইটো আজিৰ দিনটো অতি বিশেষ যিহেতু আজি মাতৃ দিৱস। মইও এই দিনটোত মোৰ মাক এটা সৰু উপহাৰ দিব বিচাৰো," তেওঁ কয়।

পাইলটজনে কৈছিল যে, জীৱনৰ ২৫টা বছৰৰ বিভিন্ন সময়ত তেওঁৰ পাইলট মাতৃৰ সৈতে বিমানত উঠি আহিছে এগৰাকী যাত্ৰী হিচাপে। কিন্তু এতিয়া একেখন বিমানতে মাতৃৰ সৈতে সহ-পাইলট হিচাপে সেৱা আগবঢ়াবলৈ গৈ আছে। পুত্ৰৰ এনে আবেগভৰা কথা শুনি চকুপানী ৰখাব নোৱাৰিলে মাতৃয়ে।

ছচিয়েল মিডিয়াত এতিয়া ভাইৰেল হৈ পৰিছে মাতৃ-পুত্ৰৰ এই ভিডিওটো।