বলীউড অভিনেত্ৰী শিল্পা চেট্টী আৰু তেওঁৰ স্বামী ৰাজ কুন্দ্ৰাৰ বাবে আন এটা বেয়া খবৰ এতিয়া দেশৰ ৰাজধানী দিল্লীৰ পৰা আহি আছে। ৰোহিণী আদালতে অভিনেত্ৰী শিল্পা চেট্টী আৰু তেওঁৰ স্বামী ৰাজ কুন্দ্ৰাৰ বিৰুদ্ধে প্ৰৱঞ্চনা আৰু লাখ লাখ টকা আত্মসাৎ কৰাৰ অভিযোগ দাখিল কৰা এজন ব্যৱসায়ীৰ দাবীৰ ভিত্তিত দিল্লী আৰক্ষীৰ পৰা কি ব্যৱস্থা গ্ৰহণ কৰা হৈছে তাৰ প্ৰতিবেদন বিচাৰিছে।
অভিযোগ মতে, ৰাজ কুন্দ্ৰাই ব্যৱসায়ীজনক অশ্লীল চলচ্চিত্ৰ নিৰ্মাণ আৰু প্ৰচাৰৰ দৰে অবৈধ কাৰ্যকলাপৰ বাবে ৪১ লাখ টকাৰ প্ৰৱঞ্চনা কৰিছিল। এতিয়া এই সন্দৰ্ভত দিল্লী আৰক্ষীক প্ৰতিবেদন দাখিল কৰাৰ নিৰ্দেশ দি ৰোহিণী আদালতৰ মেট্ৰ'পলিটান মেজিষ্ট্ৰেট মানসী মালিকে বিষয়টো ৯ নৱেম্বৰত শুনানিৰ বাবে স্থগিত ৰাখে।
অভিযোগকাৰীয়ে জনোৱা মতে, শিল্পা আৰু ৰাজ কুন্দ্ৰাই পৰিকল্পিত ষড়যন্ত্ৰৰ অংশ হিচাপে তেওঁলোকৰ কোম্পানী ভিয়ান ইণ্ডাষ্ট্ৰিজৰ এক আশ্চৰ্যকৰ ছবি দেখুৱাইছিল। অধিবক্তা চাহিল মুঞ্জাল আৰু অধিবক্তা ৰিয়া গান্ধীৰ জৰিয়তে দাখিল কৰা গোচৰত তেওঁ কয় যে গেমিং, এনিমেচন, অনুজ্ঞাপত্ৰ, প্ৰযুক্তি, সৌন্দৰ্য সামগ্ৰীৰ ব্যৱসায়ত এই কোম্পানীটো জড়িত হৈ আছে বুলি তেওঁক পতিয়ন নিওৱা হৈছিল।
সেয়ে ৪১ লাখতকৈও অধিক টকা ৰাজ কুন্দ্ৰাৰ কোম্পানীত বিনিয়োগ কৰা হৈছিল আৰু কিন্তু কুন্দ্ৰাই এই ধন অবৈধ কামত ব্যৱহাৰ কৰিছিল আৰু তেওঁক এইদৰে প্ৰতাৰণা কৰিছিল। এই কাৰ্যত শিল্পা চেট্টী আৰু ৰাজ কুন্দ্ৰাকে ধৰি কেইবাজনো ব্যক্তিয়ে চলচ্চিত্ৰ নিৰ্মাণ আৰু প্ৰচাৰৰ দৰে অবৈধ কাৰ্যকলাপেৰে তেওঁক প্ৰতাৰণা কৰিছিল। উত্তৰ ৰোহিণী আৰক্ষী থানাৰ বিষয়াই তেওঁৰ অভিযোগৰ ওপৰত কোনো ব্যৱস্থা গ্ৰহণ নকৰাৰ পিছত ব্যৱসায়ীজনে এজাহাৰৰ পঞ্জীয়ন বিচাৰি আদালতত আবেদন কৰিছিল। এতিয়া এইক্ষেত্ৰত আদালতে বিষয়টো সন্দৰ্ভত প্ৰতিবেদন বিচাৰিছে আৰক্ষীৰ পৰা।
অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।