Sedition Law: ৰাষ্ট্ৰদ্ৰোহৰ আইনত ছুপ্ৰীম কোৰ্টৰ স্থগিতাদেশ, পুনৰীক্ষণ সম্পূৰ্ণ নোহোৱালৈ ৰুজু কৰিব নোবাৰিব নতুন গোচৰ

উচ্চতম ন্যায়ালয়ে (Supreme Court) বুধবাৰে কেন্দ্ৰীয় চৰকাৰক ভাৰতীয় দণ্ডবিধিৰ (IPC) ধাৰা 124A ধাৰা পুনৰ পৰীক্ষা আৰু পুনৰ বিবেচনা কৰিবলৈ অনুমতি দিয়ে, যি ধাৰাই ৰাজদ্ৰোহ (sedition)ক এক অপৰাধ হিচাপে গণ্য কৰে।

ঔপনিৱেশিক যুগৰ আইনখন স্থগিত ৰখা এক ঐতিহাসিক আদেশত উচ্চতম ন্যায়ালয়ে কয় যে পুনৰ পৰীক্ষাৰ প্ৰক্ৰিয়া সম্পূৰ্ণ নোহোৱালৈকে IPC ধাৰা 124A-ৰ অধীনত কোনো গোচৰ ৰুজু কৰা নহ'ব আৰু লগতে কয় যে ইয়াৰ অধীনত ইতিমধ্যে অভিযুক্তসকলে জামিনৰ বাবে আদালতৰ কাষ চাপিব পাৰে।

IPCৰ ধাৰা 124ত দেশদ্ৰোহৰ অপৰাধত দোষীক শাস্তিৰ বিধান দিয়া আছে।

"ভাৰত চৰকাৰে ন্যায়ালয়ে প্ৰকাশ কৰা প্ৰাথমিক মতামতৰ সৈতে সন্মত হৈছে যে ধাৰা 124A-ৰ কঠোৰতা বৰ্তমানৰ সামাজিক পৰিৱেশৰ অনুকুল নহয়," বুধবাৰে ৰাজদ্ৰোহ আইন গোচৰৰ শুনানিৰ সময়ত ভাৰতৰ মুখ্য ন্যায়াধীশে এইদৰে কয়।

'আমি আশা কৰোঁ আৰু বিশ্বাস কৰোঁ যে কেন্দ্ৰ আৰু ৰাজ্যই ধাৰা 124A প্ৰয়োগ কৰি কোনো নতুন এজাহাৰ পঞ্জীয়ন কৰাৰ পৰা বিৰত থাকিব,' মুখ্য ন্যায়াধীশে এইদৰে কয়।

দেশদ্ৰোহ আইন গোচৰৰ পৰৱৰ্তী শুনানি বৃহস্পতিবাৰে হ'ব।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।