বিৰল প্ৰজাতিৰ বন্য প্ৰাণী সংক্ৰান্তীয় গোচৰত উচ্চ ন্যায়ালয়ৰ ৰায়কে বাহাল ৰাখিলে উচ্চতম ন্যায়ালয়ে

বিৰল প্ৰজাতিৰ বন্য প্ৰাণীক লৈ কেন্দ্ৰীয় চৰকাৰে যি পৰিকল্পনা কৰিছিল, সেই পৰিকল্পনাৰ সমৰ্থনতেই ৰায়দান কৰিলে উচ্চতম ন্যায়ালয়ে। এলাহাবাদ হাইকোৰ্টৰ ৰায়কে বাহাল ৰাখিলে উচ্চতম ন্যায়ালয়ে। উচ্চতম ন্যায়ালয়ে ৰায় প্ৰদান কৰিছিল যে, জুনৰ পৰা ডিচেম্বৰ মাহৰ ভিতৰত বিদেশী বন্য জীৱ জন্তু ৰখা বা নিযন্ত্ৰণ কৰা সন্দৰ্ভত কোনো ধৰণৰ মোকৰ্দমা কৰিব পৰা নহ’ব।

ইয়াৰ পূৰ্বে দীনেশ চন্দ্ৰ নামৰ এজন ব্যক্তিয়ে কৰা আবেদনৰ শুনানিত এই ৰায়েই প্ৰদান কৰিছিল এলাহাবাদ উচ্চ ন্যায়ালয়ে।

কেন্দ্ৰীয় চৰকাৰৰ ‘amnesty scheme’ৰ লক্ষ্য হ’ল- দেশৰ ভিতৰত বিৰল প্ৰজাতিৰ জন্তুৰ বিকাশ কৰা। লগতে আমদানি নিয়ন্ত্ৰণ আৰু আমদানিকৃত জন্তুৰ প্ৰজাতি নিয়ন্ত্ৰণ কৰা। ষ্টোকৰ বৈজ্ঞানীক ৰেকৰ্ড বৰ্তাই ৰখা, জন্তুৰ অনাকাংক্ষিত মৃত্যু হ’লেও যাতে ষ্টোক অক্ষুন্ন ৰাখিব পৰা যায়, সেই দিশত দৃষ্টি ৰখা।

বিৰল প্ৰজাতিৰ বন্য প্ৰাণীৰ হিচাপ ৰখা বা মৃত্যু হ’লে তত্‍ক্ষণাত পৰিসংখ্যা পৰিৱৰ্তনৰ ক্ষেত্ৰত যি নীতি আছে,, সেই নীতি কিছু সংশোধন কৰা হৈছে। শেষৰ ছয় মাহৰ ভিতৰত স্বেচ্চাই নিজৰ অধীনত থকা বিৰল প্ৰজাতিৰ বন্য প্ৰাণীৰ সংখ্যাক লৈ কোনো বিবৃতি যদি কোনোৱে দিয়ে, তেন্তে কেৱল তাৰ ওপৰত ভিত্তি কৰিয়েই কোনো সংস্থা বা কোনো ব্যক্তিক তদন্ত কৰা বা মোকৰ্দমা কৰাৰ অনুমতি দিয়া নহ’ব। এই কথা স্পষ্ট কৈ জনাইছিল এলাহাবাদ হাইকোৰ্টে।