Sarus Crane Bird: ঘনিষ্ঠ বন্ধুৰ পৰা পৃথক হোৱাৰ পিছত হতাশত এটা সাৰস ক্ৰেইন পক্ষী, উত্তৰ প্ৰদেশ চিৰিয়াখানাত খোৱা নাই খাদ্য

ছচিয়েল মিডিয়া প্লেটফৰ্ম ইনষ্টাগ্ৰামত এটা সাৰস ক্ৰেইন পক্ষীয়ে বৰ্তমান ব্যাপক চৰ্চা লাভ কৰিছে। পূৰ্বতে উত্তৰ প্ৰদেশত পক্ষীটোৰ এজন মানুহৰ সৈতে থকা বন্ধুৰ কাৰণে বাতৰিৰ শিৰোনামত আছিল আৰু ই নিজ বন্ধুৰ পৰা পৃথক হোৱাৰ পাছতো বৰ্তমান আলোচনাত আছে। দৰাচলতে, আমেঠিৰ মহম্মদ আৰিফ নামৰ এজন ব্যক্তি আৰু এটা ক্ৰেইন পক্ষীৰ মাজৰ বন্ধুত্ব ছচিয়েল মিডিয়াত অতি ভাইৰেল হৈ পৰিছিল। এতিয়া সাৰসটো আৰিফৰ পৰা পৃথক কৰা হৈছে আৰু কানপুৰ চিৰিয়াখানালৈ নিয়া হৈছে। বন্ধুৰ পৰা পৃথক হোৱাৰ পিছত এই চৰাইটো অতি হতাশাগ্ৰস্ত হৈ পৰিছে।

এক প্ৰতিবেদন অনুসৰি, চৰাইটোৱে বিগত দুদিনত কেৱল জীৱিত থকাৰ বাবে প্ৰয়োজনীয় পৰিমাণৰ আহাৰহে মাথো গ্ৰহণ কৰিছে। খাদ্য ভালকৈ নোখোৱাৰ ফলত সাৰসটোৰ স্বাস্থ্যৰ অৱনতি হোৱাৰ সম্ভাৱনা আহি পৰিছে।

জানিব পৰা মতে, মঙলবাৰে সাৰসটোৱে গোটেই দিনটো এটা সিজোৱা আলু আৰু অলপ ভাত খাইছিল। ইয়াৰ পিছত, চিৰিয়াখানাৰ ৰক্ষক আৰু চিকিৎসকে চৰাইটোক বহুত প্ৰলোভিত কৰিবলৈ চেষ্টা কৰিছিল, কিন্তু সাৰসটো নীৰৱ হৈ আছিল আৰু গোটেই দিনটো এটা কোণত বহি আছিল। এক প্ৰতিবেদন অনুসৰি, চিৰিয়াখানা প্ৰশাসনে চৰাইটো সংৰক্ষণত থকা পৰ্যন্তলৈকে কোনো লোকক লগ কৰাৰ ওপৰত সম্পূৰ্ণৰূপে নিষেধাজ্ঞা আৰোপ কৰিছে।

কানপুৰ চিৰিয়াখানাৰ দ্বাৰা শ্বেয়াৰ কৰা ফটোখনত, ক্ৰেইনটো এটা বেষ্টনীত থকা দেখিবলৈ পোৱা গৈছে। চিৰিয়াখানাৰ বিষয়াসকলে কৈছিল যে চৰাইটোক চিৰিয়াখানাত ১৫ দিনৰ বাবে সংৰক্ষণ কৰা হ’ব। ইয়াৰ পিছত ইয়াক এটা অৰণ্যত এৰি দিয়া হ’ব।

বন বিভাগৰ মতে, আমেঠিৰ এজন বাসিন্দা মহম্মদ আৰিফে বিগত বৰ্ষৰ ফেব্ৰুৱাৰীত তেওঁৰ পথাৰত আঘাতপ্ৰাপ্ত অৱস্থাত এই সাৰসটো উদ্ধাৰ কৰিছিল। তেওঁ এবছৰৰ বাবে চৰাটোৰ যত্ন লৈছিল। এই সময়ছোৱাত দুয়ো ঘনিষ্ঠ বন্ধু হৈ পৰিছিল। প্ৰতিবেদন ওলাই অহাৰ পিছত, বন বিভাগে আৰিফৰ পৰা সাৰসটো উদ্ধাৰ কৰে আৰু চিৰিয়াখানাত ৰাখিবলৈ তেওংৰ পৰা লৈ আনে।

যোৱা নিশা ইনষ্টাগ্ৰামত এক লাইভ চেছনত, আৰিফে সাৰসৰ বিষয়ে কথা পাতিছিল। তেওঁ কয় যে, ‘‘মোৰ বন্ধু সাৰসক কানপুৰলৈ লৈ যোৱা হৈছে। তেওঁক এটা বেষ্টনীত বন্দী কৰি ৰখা হৈছে। সাৰসক বিচলিত হৈ থকা যেন লাগিছিল। চৰাইটো দেখা পাই মোৰ চকুত চকুপানী আহিল।’’

সোমবাৰে আবেলি, আৰ্যনগৰৰ সমাজবাদী পাৰ্ৰটী বিধায়ক অমিতাভ বাজপাই সাৰসক লগ কৰিবলৈ চিৰিয়াখানাত উপস্থিত হৈছিল। তেওঁ মূল গেটত উপস্থিত হোৱাৰ লগে লগে তেওঁৰ গাড়ীখন ৰখাই দিয়া হৈছিল। এই তথ্য তৎক্ষণাৎ চিৰিয়াখানাৰ বিষয়াসকলক দিয়া হৈছিল। আনহাতে, নৱাবগঞ্জ আৰক্ষী থানাৰ আৰক্ষী বাহিনী য়ে তথ্য লাভ কৰি ঘটনাস্থলীত উপস্থিত হয়। আৰক্ষী বিষয়াসকলে বিধায়কজনক প্ৰশাসনিক ভৱনলৈ লৈ আহিছিল। ইয়াত সঞ্চালক কে.কে. সিং আৰু ৰেঞ্জাৰ নাভেদ ইক্ৰামে সাৰসটো সংৰক্ষণত থকাৰ কথা জনাইছিল।

একে সময়তে, সোমবাৰে চিৰিয়াখানা প্ৰশাসনে সাৰসৰ খাদ্যৰ বাবে এখন তালিকা প্ৰস্তুত কৰিছিল য'ত ইয়াক ৰাতিপুৱা দাইল আৰু মাকৈৰ শস্য দিয়া হ’ব। ৰাতি সিজোৱা আলু, চাউল আৰু মাছ আবেলি দিয়া হ'ব, যাতে তেওঁৰ স্বাস্থ্যৰ কোনো অৱনতি নহয়।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।