• Home
  • »
  • News
  • »
  • nation
  • »
  • Asia Economic Dialogue 2022: ভাৰত বিশুদ্ধ আৰু সেউজ শক্তিৰ ক্ষেত্ৰত বিশ্বনেতা হ'বঃ মুকেশ আম্বানি

Asia Economic Dialogue 2022: ভাৰত বিশুদ্ধ আৰু সেউজ শক্তিৰ ক্ষেত্ৰত বিশ্বনেতা হ'বঃ মুকেশ আম্বানি

''মই বন্যপ্ৰাণী আৰু প্ৰকৃতিৰ এজন ডাঙৰ প্ৰেমিক, আমি প্ৰকৃতি আৰু জন্তুবোৰক বচাবলৈ পদক্ষেপ ল'বই লাগিব।''

''মই বন্যপ্ৰাণী আৰু প্ৰকৃতিৰ এজন ডাঙৰ প্ৰেমিক, আমি প্ৰকৃতি আৰু জন্তুবোৰক বচাবলৈ পদক্ষেপ ল'বই লাগিব।''

''মই বন্যপ্ৰাণী আৰু প্ৰকৃতিৰ এজন ডাঙৰ প্ৰেমিক, আমি প্ৰকৃতি আৰু জন্তুবোৰক বচাবলৈ পদক্ষেপ ল'বই লাগিব।''

  • Share this:
পুনে ইণ্টাৰনেচনেল চেণ্টাৰ পলিচী ৰিছাৰ্চ থিংক টেংক আৰু বৈদেশিক মন্ত্ৰালয়ৰ উদ্যোগত ২৩ ফেব্ৰুৱাৰীৰ পৰা এছিয়া অৰ্থনৈতিক আলোচনা (Asia Economic Dialogue)ৰ আয়োজন কৰা হৈছে। এই সন্মিলনখন ২৫ ফেব্ৰুৱাৰীলৈকে চলিব। এইবাৰ সন্মিলনৰ বিষয়বস্তু হৈছে 'মহামাৰী-পৰৱৰ্তী বিশ্বত স্থিতিস্থাপক গোলকীয় বিকাশ' (Resilient Growth in the Post Pandemic World)। সন্মিলনৰ উদ্বোধনী অধিৱেশনত বুধবাৰে ৰিলায়েন্স ইণ্ডাষ্ট্ৰিজ লিমিটেডৰ এমডি আৰু অধ্যক্ষ মুকেশ আম্বানিয়েও ভাষণ দিয়ে। তেওঁ ভাষণত মূলতঃ সেউজ শক্তি আৰু ভাৰতৰ আগশাৰীৰ অংশীদাৰিত্বৰ বিষয়ে কয়। তেওঁ কয় যে সেউজ শক্তিত বিনিয়োগৰ বাবে ভাৰত এক উন্নত আৰু অধিক আকৰ্ষণীয় বিকল্প।

ৰিলায়েন্স ইণ্ডাষ্ট্ৰিজ লিমিটেডৰ এমডি আৰু অধ্যক্ষ মুকেশ আম্বানীয়ে  (Reliance Industries Limited chairman Mukesh Ambani) কয় যে পুনে তথ্য প্ৰযুক্তি উদ্যোগৰ বাবে এক ডাঙৰ কেন্দ্ৰ হৈ পৰিছে। তেওঁ সেউজ শক্তিৰ লক্ষ্য প্ৰাপ্ত কৰিবলৈ চৰকাৰ প্ৰতিশ্ৰুতিবদ্ধ বুলি উল্লেখ কৰি ভাৰত এই দিশত আগবঢ়াৰ বিষয়ে কয়। ভাৰতে সুলভ মূল্যত সেউজ শক্তিৰ উৎপাদন বৃদ্ধি কৰিব বুলি প্ৰকাশ কৰি ৰিলায়েন্স ইণ্ডাষ্ট্ৰিজ লিমিটেডৰ এমডিগৰাকীয়ে কয়- "আমাৰ বিশ্বৰ সৰ্ববৃহৎ উপভোক্তা বজাৰ আছে, যি ২০৩০ চনৰ বিশ্ব অৰ্থনীতিত আমাৰ ৬০ শতাংশ যোগদান নিশ্চিত কৰিব।

মুকেশ আম্বানিয়ে কয় যে ভাৰত উদ্যোগৰ মনোভাৱেৰে ভৰি আছে। এইটো ভাৰতৰ সময়। ভাৰত বিশ্বত বিশুদ্ধ (clean energy) আৰু সেউজ শক্তিৰ (green energy)  ক্ষেত্ৰত এগৰাকী নেতা হ'ব। ৰিলায়েন্স ইণ্ডাষ্ট্ৰিজে ভাৰতত সেউজ শক্তিৰ প্ৰচাৰত সহায় কৰিব। তেওঁ কয় যে জীৱাশ্ম ইন্ধনৰ ব্যৱহাৰৰ উপৰি ভাৰতে সেউজ শক্তিৰ প্ৰচাৰ কৰিব।

এছিয়া অৰ্থনৈতিক আলোচনা (Asia Economic Dialogue 2022)ত ভাষণ দি তেওঁ কয় যে ভাৰত চৰকাৰ সেউজ শক্তিৰ বাবে পুঁজি যোগান ধৰাৰ ক্ষেত্ৰত গুৰুত্বপূৰ্ণ স্থিতিত আছে। ভাৰতে বিশ্বৰ বহুতো দেশত বিশুদ্ধ শক্তি ৰপ্তানি কৰিব পাৰে। ২০৩০ চনত ভাৰত বিশ্বৰ তৃতীয় সৰ্ববৃহৎ অৰ্থনীতি হ'ব। মুকেশ আম্বানিয়ে লগতে কয়- ''যোৱা কেইবছৰমানত জীৱাশ্ম ইন্ধনৰ ব্যৱহাৰ বৃদ্ধি পাইছে। বাজেটত সেউজ শক্তিৰ বিষয়েও ডাঙৰ ঘোষণা কৰা হৈছে। বিশুদ্ধ শক্তি এই সময়ত এক বিকল্পই নহয়, এক প্ৰয়োজনীয়তাও (clean energy is not an option, our survival will depend on it)। মই বন্যপ্ৰাণী আৰু প্ৰকৃতিৰ এজন ডাঙৰ প্ৰেমিক। মই ক'ম যে আমি প্ৰকৃতি আৰু জন্তুবোৰক বচাবলৈ পদক্ষেপ ল'ব লাগিব।''

মুকেশ আম্বানিয়ে কৈছিল যে সেউজ শক্তিয়ে উন্নত জীৱনৰ পথ সহজ কৰিব। অহা ২০ বছৰত দেশত প্ৰযুক্তি খণ্ডত ইতিবাচক পৰিৱৰ্তন হ'ব। জলবায়ু পৰিৱৰ্তন মানৱতাৰ বাবে এক ভাবুকি। তেওঁ লগতে কৈছিল যে এছিয়া হৈছে গোলকীয় অৰ্থনীতিৰ বাবে এক আকৰ্ষণৰ কেন্দ্ৰ। জনগাঁথনি আৰু বিকাশে আজি এক উন্নত সমন্বয় দেখিছে।

এইবাৰ এছিয়া অৰ্থনৈতিক আলোচনাত মুখ্য আলোচনা হ'ব বিশ্বব্যাপী বাণিজ্য আৰু বিত্তীয় খণ্ডত কোভিড-১৯ৰ প্ৰভাৱৰ ওপৰত। ই এছিয়াৰ ওপৰত কোভিড-১৯ৰ প্ৰভাৱৰ সৈতে মোকাবিলা কৰাৰ উপায়ৰ বিষয়েও আলোচনা কৰিব। এই সন্মিলনত বহুতো ডাঙৰ গোলকীয় নেতাকে ধৰি ঔদ্যোগিক খণ্ডৰ বহুতো ডাঙৰ ব্যক্তিত্বক প্ৰত্যক্ষ কৰা যাব।
Published by:Gautam Barman
First published:

শেহতীয়া বাতৰি