ৰেকৰ্ড গঢ়িলে ৰিলায়েন্সৰ ৰাইটছ ইছ্যুৱে, শ্বেয়াৰ হোল্ডাৰক ধন্যবাদ জনালে মুকেশ আম্বানীয়ে

৫৩,১২৪.২০ কোটি টকাৰ ৰাইটছ ইছ্যু প্ৰক্ৰিয়া সফল ভাবে সম্পন্ন হোৱা বুলি জনাইছে ৰিলায়েন্স ইণ্ডাষ্ট্ৰীজে। প্ৰায় ১.৫৯ গুণ  চাবস্ক্ৰীপশ্বন হৈছে ৰিলায়েন্সৰ ৰাইটছ ইছ্যুত। সন্মিলিত ভাবে বিনিয়োগৰ পৰিমাণ ৮৪ হাজাৰ কোটি টকা। ৰাইটছ ইছ্যুৰ প্ৰথম দিনটোৰ পৰাই বিনিয়োগকাৰীৰ সংখ্যা দ্ৰুত গতিত বৃদ্ধি পোৱা দেখিবলৈ পোৱা গৈছিল। আগ্ৰহ দেখুৱাইছিল দেশ বিদেশৰ বহু বিনিয়োগকাৰীয়ে।

অহা ১০ জুনত ইক্যুইটি শ্বেয়াৰ আবণ্টন কৰা হ’ব। ৰাইটছপ শ্বেয়াৰত বি.এস.ই আৰু এন.এস.ই.ক অহা ১২ জুনত পৃথক আই এছ আই এনৰ অধীনত তালিকাভুক্ত কৰা হ’ব।

ৰাইটছ ইছ্যুত বিনিয়োগৰ পৰিমাণে ৰেকৰ্ড গঢ়িলেও সম্পূৰ্ণ প্ৰক্ৰিয়াটো ডিজিটেল মাধ্যমৰ জৰিয়তে সম্পন্ন হৈছে। ভাৰতৰ প্ৰায় ৮০০ চহৰ আৰু বিদেশৰ ডাঙৰ ডাঙৰ অৰ্থনৈতিক প্ৰতিষ্ঠান, বেংকাৰ, আৰ্থিক সংস্তা, খুচুৰা বিনিয়োগৰকাৰীয়ে এই প্ৰক্ৰিয়াত ভাগ লৈছিল।

এই সাফল্যৰ সন্দৰ্ভত ৰিলাসেন্স ইণ্ডাষ্ট্ৰীজৰ চেয়াৰমেন মুকেশ আম্বানীয়ে কয় যে, ‘আমাৰ সকলোৰে সন্মানীয় শ্বেয়াৰ হোল্ডাৰ সকলে ৰাইটছ ইছ্যু প্ৰক্ৰিয়াত অংশগ্ৰহণ কৰাৰ বাবে আৰু প্ৰক্ৰিয়াটো সফল কৰি ভাৰতত বজাৰৰ দৃষ্টি আকৰ্ষণ কৰাৰ বাবে সকলোকে ধন্যবাদ জনাইছো। ৰিলায়েন্স ইণ্ডাষ্ট্ৰীজৰ প্ৰতিষ্ঠাতা ধীৰুভাই আম্বানীৰ সময়ৰ পৰাই শ্বেয়াৰ হোল্ডাৰসকল আমাৰ বাবে ডাঙৰ শক্তি। দশক দশক ধৰি বিশ্বাসৰ ওপৰত গঢ়ি উঠা আমাৰ এই সম্পৰ্কই শিখৰলৈ গতি কৰাত উত্‍সাহিত কৰে। ৰিলায়েন্সৰ ওপৰত বিশ্বাস ৰখাৰ বাবে পুনৰবাৰ সকলোকে ধন্যবাদ।

‘আমাৰ লক্ষ্য, ডিজিটেল প্ৰযুক্তিত ভাৰতক আগুৱাই লৈ যোৱা। যাতে ১৩০ কোটি মানুহৰ উন্নতি হয়। ৰাইটছ ইছ্যুৰ এই অভিলেখে প্ৰমাণ কৰিলে যে, আমাৰ দৃষ্টিভংগীক সকলোৱে সমৰ্থন কৰিছে। এই সমৰ্থনে ‘a New Reliance for a New India’ গঢ়ি তুলাত আমাৰ মনোবল বৃদ্ধি কৰিলে।

মুকেশ আম্বানীয়ে লগতে কয় যে, ‘কোৰোণা মহামাৰীৰ সময়ত ৰিলায়েন্স ইণ্ডাষ্ট্ৰীজ লিমিটেডৰ ৰাইটছ ইছ্যুৰ এই সফলতা দেশ-বিদেশৰ বিনিয়োগকাৰীৰ পৰা খুচুৰা শ্বেয়াৰ হোল্ডাৰলৈকে সকলোৱে ভাৰতৰ অৰ্থনীতিৰ স্বকীয়তাৰ ওপৰত ৰখা আস্থাকে প্ৰমাণ কৰিছে। মই বিশ্বাস কৰো যে, ভাৰতীয় অৰ্থনীতি আকৌ শিখৰলৈ গতি কৰিব আৰু ভাৰতবৰ্ষ বিশ্বৰ আগশাৰীৰ ‘Digital Nation’ হিচাপে চিহ্নিত হ’ব।