• Home
  • »
  • News
  • »
  • nation
  • »
  • Gurmeet Ram Rahim: ধৰ্ষণ, সাংবাদিক হত্যাৰ অভিযোগত অভিযুক্ত ৰাম ৰহিম মুকলি আকাশৰ তললৈ, আঁৰত পঞ্জাৱৰ নিৰ্বাচন!

Gurmeet Ram Rahim: ধৰ্ষণ, সাংবাদিক হত্যাৰ অভিযোগত অভিযুক্ত ৰাম ৰহিম মুকলি আকাশৰ তললৈ, আঁৰত পঞ্জাৱৰ নিৰ্বাচন!

পঞ্জাৱৰ মালৱা অঞ্চলত ৰাম ৰহিমৰ ডেৰা সংগঠনৰ অনুগামী আছে৷ অঞ্চলটোত মুঠ ৬৯টা বিধানসভা সমষ্টি আছে।

পঞ্জাৱৰ মালৱা অঞ্চলত ৰাম ৰহিমৰ ডেৰা সংগঠনৰ অনুগামী আছে৷ অঞ্চলটোত মুঠ ৬৯টা বিধানসভা সমষ্টি আছে।

পঞ্জাৱৰ মালৱা অঞ্চলত ৰাম ৰহিমৰ ডেৰা সংগঠনৰ অনুগামী আছে৷ অঞ্চলটোত মুঠ ৬৯টা বিধানসভা সমষ্টি আছে।

  • Share this:
ডেৰা চচ্চা সৌদাৰ মুৰব্বী গুৰমিত ৰাম ৰহিমক ২১ দিনৰ বাবে মুকলি আকাশৰ তললৈ (Ram Rahim Allowed To Leave Jail For 21 Days)। ডেৰা চচ্চাৰ মেনেজাৰ আৰু এজন সাংবাদিকৰ হত্যাৰ বাবে আজীৱন কাৰাদণ্ড ভোগ কৰি কাৰাগাৰত থকা ধৰ্মগুৰু ৰাম-ৰহিমক ধৰ্ষণৰ গোচৰতো ২০ বছৰৰ কাৰাদণ্ড দিয়া হৈছে৷

ৰাম ৰহিমক (Dera Sacha Sauda head Gurmeet Ram Rahim Singh) হাৰিয়ানাত বন্দী কৰা হৈছিল৷ কিন্তু সম্প্ৰতি তেওঁৰ মুক্তিৰ আঁৰত আছে পঞ্জাৱৰ নিৰ্বাচন। তেওঁৰ মুক্তিৰ আঁৰত বহুতে ৰাজনৈতিক ভোটৰ অংকৰ হিচাপ দেখিছে। কাৰণ হাৰিয়ানাত বিজেপি শাসনত আছে আৰু কংগ্ৰেছ পঞ্জাৱত শাসনত আছে৷ বিজেপিয়ে পঞ্জাৱত কংগ্ৰেছক উৎখাত কৰিবলৈ চেষ্টা কৰি আছে৷

পঞ্জাৱৰ এক বৃহৎ অংশত ৰাম-ৰহিমৰ অনুগামী আৰু ভক্তৰ সংখ্যা এতিয়াও গুৰুত্বপূৰ্ণ৷ ফলস্বৰূপে, হাৰিয়ানা চৰকাৰে ৰাম ৰহিমক ২১ দিনৰ বাবে মুক্তি দিয়াৰ সিদ্ধান্তৰ আঁৰত বহু লোকে ভোটৰ সংখ্যা দেখিছে৷

ৰাম ৰহিমক পূৰ্বেও তিনিবাৰ পেৰোলত মুকলি কৰা হৈছিল, কিন্তু সেই ক্ষেত্ৰত তেওঁক তেওঁৰ অসুস্থ মাতৃক সূৰ্যোদয়ৰ পৰা সূৰ্যাস্তলৈ চাবলৈ কাৰাগাৰৰ পৰা ওলাই আহিবলৈ অনুমতি দিয়া হৈছিল৷ অৱশ্যে এইবাৰ পৰিস্থিতি সম্পূৰ্ণ বেলেগ৷ অৱশ্যে হাৰিয়ানাৰ মুখ্যমন্ত্ৰী মনোহৰ লাল খট্টৰে (Haryana Chief Minister ML Khattar) ৰাম ৰহিমক কাৰাগাৰৰ পৰা মুকলি কৰি দিয়াৰ সৈতে নিৰ্বাচনী অংকৰ অভিযোগ খাৰিজ কৰিছে৷ তেওঁ দাবী কৰে যে ৰাম ৰহিমক নিয়ম অনুসৰি মুকলি কৰি দিয়া হৈছে৷

উল্লেখ্য, পঞ্জাৱৰ মালৱা অঞ্চলত ৰাম ৰহিমৰ ডেৰা সংগঠনৰ অনুগামী আছে৷ অঞ্চলটোত মুঠ ৬৯টা বিধানসভা সমষ্টি আছে (Malwa region has 69 constituencies)৷ পঞ্জাৱত মুঠ ১১৭টা বিধানসভা সমষ্টি আছে৷

ফলস্বৰূপে, মালৱা অঞ্চলৰ ৬৯টা বিধানসভা সমষ্টিৰ ফলাফল চৰকাৰ গঠনত গুৰুত্বপূৰ্ণ হ'ব পাৰে৷ এই বিধানসভা নিৰ্বাচনৰ পূৰ্বে কংগ্ৰেছ, বিজেপি, আপ আৰু অন্যান্যকে ধৰি সকলো দলৰ নেতাই ডেৰা অনুগামীসকলৰ সম্প্ৰদায়ৰ নেতাসকলক সাক্ষাৎ কৰিছে কিয়নো ডেৰা অনুগামীসকলে সাধাৰণতে এই নেতাসকলৰ পৰামৰ্শ অনুসৰি ভোট দিয়ে৷
Published by:Gautam Barman
First published:

শেহতীয়া বাতৰি