অটুট প্ৰেমঃ বিবাহৰ সময়ত জীৱন-মৰণলৈ একেলগে থকাৰ লৈছিল শপত, একেখন চিতাত উঠি শতক স্পৰ্শ কৰা বৃদ্ধ দম্পতীয়ে পূৰণ কৰিলে আৰু তাতোকৈ বেছি প্ৰতিশ্ৰুতি

বিবাহৰ সময়ত জীৱন-মৰণলৈ একেলগে থকাৰ শপত লোৱা আৰু সঁচাকৈয়ে সেই প্ৰতিশ্ৰুতিৰ ৰক্ষা কৰি এটা বৃদ্ধ দম্পতীয়ে এই পৃথিৱীৰ পৰা বিদায় লোৱা ঘটনাই বিশেষ চৰ্চা লাভ কৰিছে। এই ঘটনা ৰাজস্থানৰ (Rajasthan) আজমেৰৰ।

বিবাহৰ পৰা একেলগে বাস কৰা এটি দম্পতীৰ ১০৫ বছৰীয়া ভৈৰু সিং ৰাৱটৰ আবেলি ৪ বজাত মৃত্যু হয়। স্বামীৰ মৃত্যুৰ পিছত ১০১ বছৰীয়া পত্নী হিৰী দেৱীয়েও আঘাত সহ্য কৰিব নোৱাৰিলে। স্বামীৰ মৃত্যুৰ পাঁচ ঘণ্টা পিছত নিশা ৯ বজাত তেৱোঁ নিজৰ জীৱন ত্যাগ কৰিছিল।

শতবৰ্ষ স্পৰ্শ কৰা দম্পতীটোৰ এই মৃত্যুক লৈ স্থানীয় ৰাইজে অটুত প্ৰেমৰ উদাহৰণ ৰূপে গণ্য কৰে আৰু একেদিনাই স্বামী-পত্নীৰ মৃত্যুৰ বাতৰিয়ে অঞ্চলটোত সীমনা পাৰ কৰি চৰ্চাৰ বিষয় হৈ পৰে।

আজমেৰ জিলাৰ কালেদি গাঁৱত বাস কৰা ভৈৰু সিং ৰাৱাটে প্ৰায় ৮০ বছৰ আগতে বুবানী গাঁৱৰ বাসিন্দা হিৰী দেৱীক বিয়া কৰাইছিল। হিন্দু ৰীতি-নীতি অনুসৰি হোৱা বিবাহৰ পিছত সৰলতাৰে তেওঁলোকৰ জীৱন যাপন কৰিছিল। দুয়োজনে খেতিৰ কামত একেলগে লাগিছিল। খেতি কৰাৰ পিছত ভৈৰু সিঙে গাঁওখনত এখন দোকান স্থাপন কৰিছিল। তাতো পত্নীয়ে তেওঁক সহায় কৰি আছিল। প্ৰায় ছয় বছৰ আগতে ভৈৰু সিং পক্ষাঘাতগ্ৰস্ত হৈছিল। পক্ষাঘাতগ্ৰস্ত হোৱাৰ পিছত দোকানৰ কাম এৰি দিছিল।

বৃদ্ধ দম্পতীটোৱে তেওঁলোকৰ ৭০ বছৰীয়া পুত্ৰ শংকৰৰ সৈতে তেওঁলোকৰ ঘৰত বাস কৰিছিল। তেওঁৰ দুজন পুত্ৰৰ ইতিমধ্যে মৃত্যুবৰণ কৰিছে। শংকৰেই তেওঁৰ পিতৃ-মাতৃৰ অন্ত্যেষ্টিক্ৰিয়াৰ সকলো ৰীতি-নীতি পালন কৰিছিল। গাঁওবাসীয়ে দুয়োজনৰ বৈকুণ্ঠগামী সাঙী ফুল আৰু বেলুনেৰে সজাইছিল অন্তিম যাত্ৰা কৰি শ্মশানলৈ নিছিল।

পিছত একেখন চিতাতে তেওঁলোক দুয়োৰে মুখাগ্নি কৰে। স্বামী-পত্নীক চিতাত তুলি অন্ত্যেষ্টক্ৰিয়া সম্পন্ন কৰাৰ পিছত গাঁওবাসীৰ মত আছিল যে এই ঘটনা সাধাৰণ যদিও তেওঁলোকৰ মাজত ই অসাধাৰণ প্ৰভাৱ পেলাইছিল।