শৰণাৰ্থীক আশ্ৰয় দিব নোৱাৰিব বুলি NRC ত কোৱা নাই, নতুনকৈ NRC ৰ ঘোষণা অমিত শ্বাহৰ

News18-Assam
Updated:November 20, 2019, 3:16 PM IST
শৰণাৰ্থীক আশ্ৰয় দিব নোৱাৰিব বুলি NRC ত কোৱা নাই, নতুনকৈ NRC ৰ ঘোষণা অমিত শ্বাহৰ
সমগ্ৰ দেশৰ লগতে অসমতো আকৌ হ’ব NRC

সমগ্ৰ দেশৰ লগতে অসমতো আকৌ হ’ব NRC

  • Share this:
অসমত আকৌ হ’ব NRC। ৰাষ্ট্ৰীয় নাগৰিক পঞ্জী প্ৰকাশ পোৱাৰ পিছৰ পৰাই সমগ্ৰ ৰাজ্যত চলি আছে NRC কেন্দ্ৰিক বাদ–বিবাদ। বিভিন্ন মহলে সমালোচনা কৰিছে নাগৰিক পঞ্জীখনক। সেইসময়তে ৰাজ্য সভাত অমিত শ্বাহে  কৰিছে গুৰুত্বপূৰ্ণ মন্তব্য।

সংসদৰ শীতকালীন অধিৱেশনৰ তৃতীয় দিনা গৃহমন্ত্ৰী অমিত শ্বাহে ৰাজ্যসভাত ৰাষ্ট্ৰীয় নাগৰিক পঞ্জী সম্পৰ্কত কৰিছে গুৰুত্বপূৰ্ণ মন্তব্য। অমিত শ্বাহে কয় যে, অতি শীঘ্ৰে সমগ্ৰ দেশতে আৰম্ভ হ’ব NRCৰ প্ৰক্ৰিয়া। লগতে কেন্দ্ৰীয় মন্ত্ৰীগৰাকীয়ে কয় যে কোনো ধৰ্মৰ আধাৰত নহয় NRC প্ৰক্ৰিয়া। গতিকে কোনো লোকেই এই বিষয়ত ভয় কৰাৰ প্ৰয়োজন নাই। সকলো লোককে সামৰি ল’ব NRCএ।’

অমিত শ্বাহে অসমৰ প্ৰসংগ টানি আনি লগতে কয় যে, যদিও অসমত NRC প্ৰক্ৰিয়া সমাপ্ত হ’ল তথাপিও সমগ্ৰ দেশৰ লগতে অসমতো আকৌ হ’ব NRC ৰ কাম। সেইদৰে শৰণাৰ্থীক আশ্ৰয়  দিব নোৱাৰিব বুলি  NRC ত কোৱা নাই বুলিও এক তাৎপৰ্যপূৰ্ণ মন্তব্য কৰে কেন্দ্ৰীয় গৃহমন্ত্ৰীগৰাকীয়ে।

 
আৰু চাওক
পৰৱৰ্তী বাতৰি