‘লাডাখ ভাৰতৰ সন্মানৰ প্ৰতীক’, ভাৰতীয় সেনাক প্ৰশংসা কৰি চীনক কঠোৰ সকীয়নি প্ৰধানমন্ত্ৰী মোদীৰ

লাডাখ ভাৰতৰ মূৰ, ১৩০ কোটি দেশবাসীৰ মান-সন্মানৰ প্ৰতীক লাডাখ। লাডাখত ভাৰতীয় সেনাই শত্ৰুৰ সমস্ত চক্ৰান্ত ওফৰাই আহিছে। লেহত উপস্থিত হৈ ভাৰতীয় সেনাক অনুপ্ৰেৰণ যোগালে প্ৰধানমন্ত্ৰী নৰেন্দ্ৰ মোদীয়ে। নাম উচ্চাৰণ নকৰাকৈয়ে চীনকো প্ৰধানমন্ত্ৰীয়ে দিলে বিশেষ বাৰ্তা। প্ৰধানমন্ত্ৰীয়ে কয় যে, ‘আগ্ৰাসী মনোভাৱ ত্যাগ কৰক, এতিয়া বিকাশবাদৰ আৰম্ভ হৈছে। সমগ্ৰ বিশ্বই আগ্ৰাসী মনোভাৱৰ বিৰুদ্ধে একেলগ হৈছে বুলিও দাবী কৰে প্ৰধানমন্ত্ৰীয়ে।

সীমান্তত চীন ভাৰতৰ উত্তেজনা ক্ৰমাত্‍ বৃদ্ধি পোৱাৰ সময়তে, হঠাত্‍ লেহ-লাডাখত উপস্থিত হ’ল প্ৰধানমন্ত্ৰী নৰেন্দ্ৰ মোদী। সীমান্তৰ প্ৰকৃত পৰিস্থিতি বুজ লোৱাৰ উদ্দেশ্যে লাডাখত উপস্থিত হৈ প্ৰধানমন্ত্ৰীয়ে ভাৰতীয় সেনাৰ বিষয়াৰ সৈতে মত বিনিময় কৰে। হাস্পতাললৈ গৈ প্ৰধানমন্ত্ৰীয়ে চীনা সেনাৰ সৈতে হোৱা সংঘৰ্ষত আঘাত প্ৰাপ্ত সৈনিক সকলৰো স্বাস্থ্যৰ বুজ লয়।

#WATCH We are the same people who pray to the flute playing Lord Krishna but we are also the same people who idolise and follow the same Lord Krishna who carries the 'Sudarshana Chakra': PM Modi in Ladakh pic.twitter.com/lAqCjeXpqv

— ANI (@ANI) July 3, 2020

লাডাখত ভাৰতীয় সেনাই দেখুওৱা সাহসিকতাক প্ৰশংসা কৰি প্ৰধানমন্ত্ৰীয়ে কয় যে, ‘ভাৰতীয় বীৰ জোৱানে সাহস দেখুৱাইছে। সমগ্ৰ বিশ্বলৈও ভাৰতীয় সেনাৰ বীৰত্বৰ বাৰ্তা গৈছে। মই গালৱান উপত্যকাত শ্বহীদ হোৱা সেনা জোৱানক প্ৰণাম জনাইছো। আত্মনিৰ্ভৰ ভাৰত নিৰ্মাণ কৰাৰ সংকল্প আপোনালোকৰ ত্যাগ, বলিদান, সাহসিকতাৰ জৰিয়তেই শক্তিশালী হ’ব। ভাৰত মাতাৰ শত্ৰুৱে আপোনালোকৰ বীৰত্ব দেখি শংকিত হৈছে।

ভাৰতীয় সেনাক প্ৰশংসা কৰি প্ৰধানমন্ত্ৰীয়ে কয় যে,‘ভাৰতীয় সেনাই বছৰ বছৰ ধৰি বহু অত্যাচাৰ, আক্ৰমণৰ যোগ্য প্ৰত্যুত্তৰ দি আহিছে। লাডাখৰ প্ৰতিটো পথে ভাৰতীয় সেনাৰ বীৰত্বৰ সাক্ষী বহন কৰিছে। ’ প্ৰধানমন্ত্ৰীয়ে লগতে কয় যে, ‘আমি যিদৰে ভগৱান শ্ৰীকৃষ্ণক পূজা কৰিব পাৰো, তেনেদৰে সুদৰ্শন চক্ৰই উচিত উত্তৰো দিব পাৰো।’

Your courage is higher than the heights where you are posted today: Prime Minister Narendra Modi addressing soldiers in Ladakh pic.twitter.com/pLSpPsz45e

— ANI (@ANI) July 3, 2020

প্ৰধানমন্ত্ৰীয়ে লগতে কয় যে, ‘ভাৰতে আজি জল, স্থল আৰু বায়ু সেনাৰ শক্তি বৃদ্ধি কৰিছে। আমাৰ একমাত্ৰ লক্ষ্য, মানৱ কল্যান। ভাৰতে আজি অত্যাধুনিক অস্ত্ৰ তৈয়াৰ কৰিছে। পৃথিৱীৰ সৰ্বাধুনিক প্ৰযুক্তি সেনাৰ বাবে অনা হৈছে। ভাৰতে অত্যাধুনিক পৰিকাঠোমো তৈয়াৰ কৰিছে। বিশ্বযুদ্ধই হওক বা শান্তিৰ প্ৰয়াস, সমগ্ৰ বিশ্বই আমাৰ সৈনিকৰ বীৰত্বৰ প্ৰমাণ পাইছে।