• Home
  • »
  • News
  • »
  • nation
  • »
  • ‘বিজ্ঞান, সাহিত্য বা সামাজিক বিজ্ঞানত মূল প্ৰতিভাৰ বিকাশ মাতৃভাষাৰ জৰিয়তে অধিক কাৰ্যকৰী হ'ব পাৰে’- শিক্ষকসকলক উদ্দেশ্যি ৰাষ্ট্ৰীয় শিক্ষক বঁটা ২০২২ প্ৰদান অনুষ্ঠানত ৰাষ্ট্ৰপতি দ্ৰৌপদী মুৰ্মূ

‘বিজ্ঞান, সাহিত্য বা সামাজিক বিজ্ঞানত মূল প্ৰতিভাৰ বিকাশ মাতৃভাষাৰ জৰিয়তে অধিক কাৰ্যকৰী হ'ব পাৰে’- শিক্ষকসকলক উদ্দেশ্যি ৰাষ্ট্ৰীয় শিক্ষক বঁটা ২০২২ প্ৰদান অনুষ্ঠানত ৰাষ্ট্ৰপতি দ্ৰৌপদী মুৰ্মূ

ভাৰতৰ ৰাষ্ট্ৰপতি দ্ৰৌপদী মুৰ্মূৱে সমগ্ৰ দেশৰ ৪৫ জন শিক্ষকক ৰাষ্ট্ৰীয় বঁটা প্ৰদান কৰে।

ভাৰতৰ ৰাষ্ট্ৰপতি দ্ৰৌপদী মুৰ্মূৱে সমগ্ৰ দেশৰ ৪৫ জন শিক্ষকক ৰাষ্ট্ৰীয় বঁটা প্ৰদান কৰে।

ভাৰতৰ ৰাষ্ট্ৰপতি দ্ৰৌপদী মুৰ্মূৱে সমগ্ৰ দেশৰ ৪৫ জন শিক্ষকক ৰাষ্ট্ৰীয় বঁটা প্ৰদান কৰে।

  • Share this:
আজি নতুন দিল্লীৰ বিজ্ঞান ভৱনত অনুষ্ঠিত এক অনুষ্ঠানত ভাৰতৰ ৰাষ্ট্ৰপতি দ্ৰৌপদী মুৰ্মূৱে সমগ্ৰ দেশৰ ৪৫ জন শিক্ষকক ৰাষ্ট্ৰীয় বঁটা প্ৰদান কৰে। অনুষ্ঠানত ভাষণ প্ৰদান কৰি ৰাষ্ট্ৰপতিয়ে তেওঁৰ শিক্ষকসকলক স্মৰণ কৰি কয় যে তেওঁলোকে কেৱল তেওঁক শিকোৱাই নহয়, তেওঁক মৰম আৰু অনুপ্ৰেৰণাও প্ৰদান কৰিছিল। তেখেতৰ পৰিয়াল আৰু শিক্ষকসকলৰ নিৰ্দেশনাৰ বলত তেওঁ মহাবিদ্যালয়ত পঢ়িবলৈ যোৱা গাঁৱৰ প্ৰথম কন্যা হিচাপে পৰিগণিত হৈছিল। তেখেতে কয় যে তেওঁ জীৱনত যি অৰ্জন কৰিছে তাৰ বাবে সদায় নিজৰ শিক্ষকসকলৰ ওচৰত ঋণী অনুভৱ কৰে।

ৰাষ্ট্ৰপতিগৰাকীয়ে কয় যে বিজ্ঞান, গৱেষণা আৰু উদ্ভাৱন হৈছে আজিৰ জ্ঞান অৰ্থনীতিৰ বিকাশৰ আধাৰ। এই ক্ষেত্ৰসমূহত ভাৰতৰ স্থিতি অধিক শক্তিশালী কৰাৰ আধাৰশিলা বিদ্যালয় শিক্ষাৰ জৰিয়তে নিৰ্মাণ কৰা হ'ব। তেওঁৰ দৃষ্টিত, বিজ্ঞান, সাহিত্য বা সামাজিক বিজ্ঞানত মূল প্ৰতিভাৰ বিকাশ মাতৃভাষাৰ জৰিয়তে অধিক কাৰ্যকৰী হ'ব পাৰে। আমাৰ মাতৃসকলেহে আমাক আমাৰ প্ৰাৰম্ভিক জীৱনত জীয়াই থকাৰ কলা শিকায়। সেইকাৰণে মাতৃভাষা প্ৰাকৃতিক প্ৰতিভা বিকাশত সহায়ক হয়। মাতৃৰ পিছত, শিক্ষকসকলে আমাৰ জীৱনত আমাৰ শিক্ষা আগবঢ়াই নিছে। যদি শিক্ষকসকলেও তেওঁলোকৰ মাতৃভাষাত শিক্ষা দান কৰে, তেন্তে শিক্ষাৰ্থীসকলে তেওঁলোকৰ প্ৰতিভা সহজে বিকশিত কৰিব পাৰে। সেয়েহে ৰাষ্ট্ৰীয় শিক্ষা নীতি ২০২০ত বিদ্যালয় শিক্ষা আৰু উচ্চ শিক্ষাৰ বাবে ভাৰতীয় ভাষাৰ ব্যৱহাৰৰ ওপৰত গুৰুত্ব আৰোপ কৰা হৈছে।

ৰাষ্ট্ৰপতিয়ে কয় যে শিক্ষকসকলৰ দায়িত্ব তেওঁলোকৰ শিক্ষাৰ্থীসকলৰ মাজত বিজ্ঞান আৰু গৱেষণাৰ প্ৰতি আগ্ৰহ সৃষ্টি কৰা। ভাল শিক্ষকসকলে প্ৰকৃতিত থকা জীৱন্ত উদাহৰণৰ সহায়ত জটিল নীতিবোৰ বৰ্ণনা কৰিবলৈ সহজ কৰি তুলিব পাৰে। তেখেতে শিক্ষকসকলৰ বিষয়ে এটা বিখ্যাত কথা উদ্ধৃত কৰিছিল আৰু কয়, "মধ্যমীয়া শিক্ষকে কয়; ভাল শিক্ষকে বৰ্ণনা কৰে; উচ্চতৰ শিক্ষকে প্ৰদৰ্শন কৰে; আৰু মহান শিক্ষকে অনুপ্ৰাণিত কৰে।" তেখেতে কয় যে এজন আদৰ্শ শিক্ষকৰ চাৰিওটা গুণ আছে। এনে আদৰ্শ শিক্ষকসকলে শিক্ষাৰ্থীসকলৰ জীৱন গঢ়ি প্ৰকৃত অৰ্থত এখন ৰাষ্ট্ৰ গঢ়ি তোলে।

ৰাষ্ট্ৰপতিগৰাকীয়ে লগতে শিক্ষকসকলক শিক্ষাৰ্থীসকলৰ ভিতৰত প্ৰশ্ন সোধা আৰু সন্দেহ প্ৰকাশ কৰাৰ অভ্যাসক উৎসাহিত কৰিবলৈ আহ্বান জনায়। তেখেতে কয় যে অধিকসংখ্যক প্ৰশ্নৰ উত্তৰ দি আৰু সন্দেহ সমাধান কৰিলে তেওঁলোকৰ জ্ঞানো বৃদ্ধি পাব। এজন ভাল শিক্ষক সদায় নতুন কিবা শিকিবলৈ উৎসাহী।
Published by:Sanjay Kumar Das
First published:

শেহতীয়া বাতৰি