PM Modi Speech: দীপাৱলী পৰ্যন্ত দেশৰ ৮০ কোটি মানুহে লাভ কৰিব বিনামূলীয়া ৰেচনঃ প্ৰধানমন্ত্ৰী

দেশবাসীক বিনমূলীয়া ভেকচিন দিয়াৰ লগতে দীপাৱলী পৰ্যন্ত দেশৰ ৮০ কোটি লোককৈ বিনামূলীয়া ৰেচন প্ৰদান কৰাৰ কথা ঘোষণা কৰে প্ৰধানমন্ত্ৰী নৰেন্দ্ৰ মোদীয়ে। দেশবাসীক সম্বোধন কৰি প্ৰধানমন্ত্ৰীগৰাকীয়ে কয় যে, 'এইবছৰ কোৰোণাৰ দ্বিতীয় ৱেভৰ বাবে মে' আৰু জুন মাহলৈ এই আঁচনি সম্প্ৰসাৰণ কৰা হৈছিল। কিন্তু কোৰোণাৰ ভয়াৱহাৰ প্ৰতি লক্ষ্য ৰাখি দীপাৱলী পৰ্যন্ত এই আঁচনি আগবঢ়াই নিব কেন্দ্ৰীয় চৰকাৰে। ৮০ কোটি দেশবাসীলৈ বিনামূলীয়া ৰেচন প্ৰদান কৰা হ'ব। যাতে দেশৰ কোনো লোকে ভোকত দিন কটাবলগীয়া নহয়। ভেকচিনক লৈ বহু বিভ্ৰান্তি সৃষ্টি কৰাৰ চেষ্টা কৰা হৈছিল। কিন্তু ভাৰতত সফল ভাবেই কোৰোণাৰ টিকাকৰণ চলিব।



প্ৰধানমন্ত্ৰীগৰাকীয়ে লগতে কয় যে, 'ভেকচিন আমাৰ বাবে সুৰক্ষাৰ কৱচ। মেডিকেল অক্সিজেন ১০ গুণ বৃদ্ধি কৰা হৈছে। কোৰোণা ৰোধৰ বাবে তৎপৰতাৰে কাম কৰা হৈছে। দেশত স্বাস্থ্য সুৰক্ষাৰ বাবে সুস্পষ্ট আন্তঃগাঁঠনি গঢ়ি তোলা হৈছে।  লক্ষ্য আৰু নীতি সুস্পষ্ট আৰু সুপৰিকল্পিত হ'লে যিকোনো পৰিস্থিতিৰ সৈতে মোকাবিলা কৰিব পাৰি। মেক ইন ইণ্ডিয়াৰ দুটাকৈ ভেকচিন মুকলি হ'ল। দেশত এতিয়ালৈকে ২৩ কোটিতকৈও অধিক ভেকচিন ডোজ প্ৰদান কৰা হ'ল। শিশুৰ বাবে দুটা ভেকচিনৰ ট্ৰায়েল জোৰদাৰ গতিত চলি আছে।'