Punjab Power Crisis: পঞ্জাৱত কয়লাৰ সংকট, হ্ৰাস পাইছে বিদ্যুৎ উৎপাদন ! ৰাজ্যজুৰি লোড শ্বেডিং...

পঞ্জাৱত কয়লা সংকট (Coal Shortage) তীব্ৰতৰ হৈছে যাৰ ফলত পঞ্জাৱৰ চৰকাৰে ৰাজ্যখনৰ বিভিন্ন প্ৰান্তত পিএছপিএল বিদ্যুৎ উৎপাদন হ্ৰাস আৰু লোড শ্বেডিং কৰাৰ সিদ্ধান্ত লৈছে (Punjab Power Crisis)। পিএছপিএলৰ এজন বিষয়াই এনডিটিভিক কৈছে যে পঞ্জাৱত কয়লাৰ ওপৰত নিৰ্ভৰশীল শক্তি প্ৰকল্পসমূহৰ ক্ষমতাৰ তুলনাত উৎপাদন যথেষ্ট হ্ৰাস পাইছে৷ পিএছপিএলৰ বিষয়াই লগতে কয় যে ৰাজ্যখনৰ বিদ্যুৎ প্ৰকল্পসমূহত মাত্ৰ পাঁচ দিনৰ বাবে চলিব পৰাকৈ কয়লা মজুত আছে৷

এই মুহূৰ্তত পঞ্জাৱ (Punjab)ত বিদ্যুতৰ দৈনিক চাহিদা ৯,০০০ মেগাৱাট৷ শক্তি বিভাগৰ বিষয়াসকলে কয় যে কৃষিৰ চাহিদা বৃদ্ধি হোৱাৰ লগতে দিনটোৰ উচ্চ তাপমাত্ৰাৰ বাবে বিদ্যুতৰ চাহিদা বৃদ্ধি পাইছে৷ শক্তি বিভাগৰ বিষয়াসকলে ৰাজ্যখনৰ বিভিন্ন প্ৰান্তত অলপ সময়ৰ বাবে লোড শ্বেডিং কৰাৰ কথা কয় যদিও দুইৰ পৰা তিনি ঘণ্টাৰ লোড শ্বেডিঙৰ অভিযোগ উঠিছে৷