Petrol Price Today- ছেপ্তেম্বৰ মাহত হ্ৰাস পাইছে পেট্ৰ’ল-ডিজেলৰ দাম, জানি লওক আজিৰ দাম?

আন্তঃৰাষ্ট্ৰীয় বজাৰত হ্ৰাস পাইছে খাৰুৱা তেলৰ মূল্য। আন্তঃৰাষ্ট্ৰীয় বজাৰত ক্ৰমাগত তৃতীয়টো সপ্তাহৰ বাবে হ্ৰাস পাইছে খাৰুৱা তেলৰ মূল্য। যোৱা সপ্তাহত খাৰুৱা তেল ৭ শতাংশ পৰ্যন্ত সস্তা হৈছিল। কিন্তু ঘৰুৱা বজাৰত ইয়াৰ প্ৰভাৱ বিশেষ পৰিলক্ষিত হোৱা নাই। ভাৰতৰ চৰকাৰী তেল প্ৰতিষ্ঠানে আজি পুনৰ ডিজেলৰ দাম হ্ৰাস কৰিছে। প্ৰতি লিটাৰ ডিজেলৰ মূল্যত ১৬ পইচা হ্ৰাস পাইছে। সেইদৰে পেট্ৰ’লৰ দাম যোৱা চাৰি দিন ধৰি অপৰিৱৰ্তিত।

শনিবাৰে দিল্লীত পেট্ৰ’লৰ দাম ৮১.০৬ টকা প্ৰতি লিটাৰত। সেইদৰে ডিজেলৰ দাম প্ৰতি লিটাৰত ৭০.৯৪ শতাংশ। উল্লেখযোগ্য যে, ১০ ছেপ্তেম্বৰৰ পিছত পেট্ৰ’লৰ মূল্যও লাহে লাহে হ্ৰাস পাবলৈ আৰম্ভ কৰিছে। ২২ ছেপ্তেম্বৰ পৰ্যন্ত পেট্ৰ’লৰ দাম ১.০২ টকা প্ৰতি লিটাৰত হ্ৰাস পাইছে।

দেশৰ কোন চহৰত কিমান দাম পেট্ৰ’ল ডিজেলৰ?(প্ৰতি লিটাৰত)

দিল্লী- পেট্ৰ’ল ৮১.০৬ টকা, ডিজেল ৭০.৯৪ টকা
মুম্বাই- পেট্ৰ’ল ৮৭.৭৪ টকা, ডিজেল ৭৭.৩৬ টকা
কোলকাতা- পেট্ৰ’ল ৮২.৫৯ টকা, ডিজেল- ৭৬.৪০ টকা।
চেন্নাই- পেট্ৰ’ল ৮৪.১৪ টকা, ডিজেল- ৭৬.৪০ টকা