মূল্যবৃদ্ধিত জুৰুলা সৰ্বসাধাৰণক এইবাৰ কন্দুৱাব পিঁয়াজে! দীপাৱলীলৈকে ১০০ টকা হ’ব পাৰে এক কেজি পিঁয়াজ!

News18 Assam | News18-Assam
Updated:October 20, 2020, 10:07 AM IST
মূল্যবৃদ্ধিত জুৰুলা সৰ্বসাধাৰণক এইবাৰ কন্দুৱাব পিঁয়াজে! দীপাৱলীলৈকে ১০০ টকা হ’ব পাৰে এক কেজি পিঁয়াজ!
এই বছৰ দীপাৱলীলৈকে পিঁয়াজৰ দাম (Onion Price) প্ৰতি কিলোগ্ৰামত ৫০টকাৰ পৰা ১০০ টকালৈ বাঢ়িব পাৰে। দৰাচলতে সোমবাৰে দেশৰ সকলোতকৈ ডাঙৰ পিঁয়াজৰ বজাৰ লাচলগাঁৱত পিঁয়াজৰ পাইকাৰী মূল্য প্ৰতি কুইণ্টলত ৬৮০২ টকালৈকে বাঢ়িব পাৰে।

এই বছৰ দীপাৱলীলৈকে পিঁয়াজৰ দাম (Onion Price) প্ৰতি কিলোগ্ৰামত ৫০টকাৰ পৰা ১০০ টকালৈ বাঢ়িব পাৰে। দৰাচলতে সোমবাৰে দেশৰ সকলোতকৈ ডাঙৰ পিঁয়াজৰ বজাৰ লাচলগাঁৱত পিঁয়াজৰ পাইকাৰী মূল্য প্ৰতি কুইণ্টলত ৬৮০২ টকালৈকে বাঢ়িব পাৰে।

  • Share this:
নতুন দিল্লীঃ দেশৰ ভিন্ন প্ৰান্তত হৈ থকা আৱতৰীয়া বৰষুণৰ কাৰণে আগন্তুক সময়ত পিঁয়াজৰ দামে সৰ্বসাধাৰণক কন্দুৱাব পাৰে। দেৱালীলৈকে পিঁয়াজৰ দাম (Onion Price) যথেষ্ট মহঙা হ’ব পাৰে। বৰ্তমান খুচুৰা বজাৰত পিঁয়াজৰ মূল্য ৪০–৫০টকা কেজি। সোমবাৰে নাচিকত থকা দেশৰ সকলো ডাঙৰ পিঁয়াজৰ বজাৰ লাচলগাঁৱত প্ৰতি কুইণ্টলত ৬৮০২টকা হ’ব পাৰে। এই দাম বৰ্তমান দেশৰ এইবছৰৰ সৰ্বাধিক। ব্যৱসায়ীসকলৰ মতে, আগন্তুক সময়ত খুচুৰা বজাৰত পিঁয়াজৰ দাম প্ৰতি কিলোগ্ৰামত ১০০টকা পৰ্যন্ত হ’ব পাৰে।

দৰাচলতে কিয় দাম বাঢ়িছে পিঁয়াজৰ। দেশৰ সকলোতকৈ ডাঙৰ পিঁয়াজৰ বজাৰ মহাৰাষ্ট্ৰৰ লাচলগাঁৱত সোমবাৰে পিঁয়াজৰ বজাৰত মূল্য ৬হাজাৰ ৮০২ টকা প্ৰতি কুইণ্টল হৈছে। ইংৰাজী বাতৰি কাকত টাইমছ অৱ ইণ্ডিয়াত প্ৰকাশিত খবৰ মতে যোৱা কিছুদিনৰ পৰা মহাৰাষ্ট্ৰৰ ঠায়ে ঠায়ে প্ৰৱল বৃষ্টিপাতৰ কাৰণে প্ৰচুৰ শস্য নষ্ট হৈছে আৰু সেইকাৰণে দাম বাঢ়িছে।

পিঁয়াজৰ দাম ফেব্ৰুৱাৰীলৈকে কম নহ’ব নে কি? ব্যৱসায়ীসকলৰ মতে, মহাৰাষ্ট্ৰ, ৰাজস্থান, গুজৰাট আৰু কৰ্ণাটকত শস্যৰ যথেষ্ট লোকচান হৈছে। সেইকাৰণে ব্যৱসায়ীসকলে গোদামত জমা কৰা আৰম্ভ কৰিছে। নতুন শস্য ফেব্ৰুৱাৰীত আহিব। তেতিয়ালৈকে পিঁয়াজৰ দাম কম হোৱাৰ কোনো সম্ভাৱনা নাই। পিঁয়াজৰ দাম বঢ়াৰ আন এক কাৰণ হোটেল আৰু ধাবা আৰম্ভ হোৱাও। পিঁয়াজৰ চাহিদা বৃদ্ধি হোৱাৰ কাৰণে পিঁয়াজৰ দাম বাঢ়িছে।

২০০০ টকা প্ৰতি কুইণ্টল মহঙা হৈছে পিঁয়াজ

উল্লেখ্য যে, ১৪ অক্টোবৰত পিঁয়াজ ব্যৱসায়ীসকলৰ ওপৰত ইনকাম টেক্স বিভাগৰ অনুসন্ধান চলাৰ পিছতে মণ্ডীলৈ বেপাৰী অহা নাই। অৰ্থাৎ মণ্ডীত ব্যৱসায় বন্ধ হৈ আছিল। কিন্তু সোমবাৰে মণ্ডী খোলাৰ লগে লগে পিঁয়াজৰ দাম প্ৰতি কুইণ্টলত ২০০০ টকালৈকে বাঢ়িছে।

কৰ্ণাটকত বৰষুণৰ প্ৰভাৱ পৰিছে

ইয়াৰ বাহিৰে হোৱা আৱতৰীয়া বৰষুণৰ কাৰণে পিঁয়াজৰ আপূৰ্তি কম হোৱা দেখিবলৈ পোৱা গৈছে। ইয়াৰ পোণপটীয়া প্ৰভাৱ পৰিছে দামত।

উল্লেখ্য যে, লাচলগাঁৱত সোমবাৰে প্ৰতি বিধ পিঁয়াজৰ দাম প্ৰতি কুইণ্টলত ৬৮০২টকা, অলপ মধ্যমীয়া কোৱালিটীৰ পিঁয়াজৰ দাম প্ৰতি কুইণ্টলত ৬২০০ টকা আৰু বেয়া কোৱালিটীৰ পিঁয়াজৰ দাম প্ৰতি কুইণ্টলত ১৫০০টকা আছিল।

ভাৰতত তিনিটা চিজনত পিঁয়াজৰ খেতি হয়। প্ৰতিম আৰু দ্বিতীয়টো খাৰিফ শস্য হিচাপে আৰু তৃতীয়টো ৰবি চিজনৰ শস্য হিচাপে। খাৰিফ চিজনত পিঁয়াজৰ খেতি জুলাই আগষ্ট মাহত হয়। এই পিঁয়াজ অক্টোবৰ ডিচেম্বৰ মাহত বজাৰলৈ আহে। দ্বিতীয়টো চিজনৰ পিঁয়াজ অক্টোবৰ নৱেম্বৰ মাহত হয় আৰু ইয়াক ডিচেম্বৰ জানুৱাৰী মাহত চপোৱা হয়। আনহাতে ৰবি শস্য হিচাপে ডিচেম্বৰ জানুৱাৰী মাহত খেতি হয় আৰু ইয়াক মাৰ্চৰ পৰা মে’ মাহলৈ চপোৱা হয়। পৰিসংখ্যা মতে মুঠ শস্যৰ ৬৫শতাংশ উৎপাদন ৰবি শস্য হিচাপে হয়।

আনহাতে এই সময়চোৱাত আলুৰ দামো যথেষ্ট বঢ়া দেখিবলৈ পোৱা গৈছে। নৱৰাত্ৰিৰ সময়ত আলুৰ যথেষ্ট ব্যৱহাৰ হোৱাৰ মাজতে বিভিন্ন ঠাইত আলুৰ দাম বঢ়া দেখা গৈছে।
First published: October 20, 2020, 10:07 AM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading