NEET 2022: আজি ঘোষণা হ’ব NEETৰ ফলাফল, স্কোৰকাৰ্ডত পাব এই বিৱৰণসমূহ

বুধবাৰে ৰাষ্ট্ৰীয় পৰীক্ষা সংস্থাই (এনটিএ) ৰাষ্ট্ৰীয় যোগ্যতা প্ৰৱেশ পৰীক্ষা (এনইইটি ২০২২)ৰ ফলাফল মুকলি কৰিব। এনটিএ অনুসূচী অনুসৰি, এনইইটি ইউজি ২০২২ৰ ফলাফল ৭ ছেপ্টেম্বৰত ইয়াৰ অফিচিয়েল ৱেবছাইট neet.nta.nic.inত মুকলি কৰা হ'ব।

এনটিএ-ৰ তথ্য মতে, এনইইটি ইউজি ২০২২ৰ ফলাফল আজি দুপৰীয়া ১২ বজাত ঘোষণা কৰা হ'ব। ইয়াৰোপৰি, এনইইটি চূড়ান্ত উত্তৰ কী এনইইটি ২০২২ ফলাফলৰ কেইঘণ্টামান আগতে মুকলি কৰা হ'ব। NEET চূড়ান্ত উত্তৰ কী পিডিএফ ফৰ্মেটত মুকলি কৰা হ'ব। এই বছৰ চিকিৎসা প্ৰৱেশ পৰীক্ষাত অৱতীৰ্ণ হোৱা শিক্ষাৰ্থীসকলে অফিচিয়েল ৱেবছাইটৰ পৰা এনইইটি উত্তৰ কী আৰু এনইইটি ২০২২ ফলাফল পৰীক্ষা আৰু ডাউনলোড কৰিব পাৰিব। এনটিএয়ে এনইইটিৰ ফলাফলৰ সৈতে স্কোৰকাৰ্ডও মুকলি কৰিব। বিশেষ যে, প্ৰাৰ্থীসকলক এনইইটি ফলাফল পৰীক্ষণ আৰু ডাউনলোড কৰিবলৈ তেওঁলোকৰ আবেদন নম্বৰ আৰু জন্ম তাৰিখৰ প্ৰয়োজন হ'ব।

মন কৰিবলগীয়া যে, এনটিএয়ে ৩১ আগষ্ট, ২০২২ তাৰিখে সকলো কোডৰ বাবে এনইইটি (এনইইটি ২০২২)ৰ আনুষ্ঠানিক উত্তৰ কী মুকলি কৰিছিল। প্ৰাৰ্থীসকলক এই উত্তৰ কীৰ বিৰুদ্ধে আপত্তি উত্থাপন কৰিবলৈ ২ছেপ্টেম্বৰ, ২০২২ লৈকে সময় দিয়া হৈছিল। ৰাষ্ট্ৰীয় পৰীক্ষা সংস্থাই NEET অএমআৰ সঁহাৰি পত্ৰিকাৰ লগতে NEETৰ অস্থায়ী উত্তৰ কীও মুকলি কৰিছিল।

উল্লেখনীয় যে, এনইইটি পৰীক্ষা ১৭ জুলাই, ২০২২ তাৰিখে অনুষ্ঠিত হৈছিল আৰু পৰীক্ষাটোত ১৮ লাখতকৈও অধিক শিক্ষাৰ্থীয়ে অংশগ্ৰহণ কৰিছিল। আনহাতে, কাৰিকৰী ক্ৰুটিৰ বাবে ১৭ জুলাইত এনইইটি পৰীক্ষা দিব নোৱাৰা শিক্ষাৰ্থীসকলৰ বাবে এনটিএয়ে এনইইটি ইউজি ২০২২ পৰীক্ষা পুনৰ অনুষ্ঠিত কৰিছিল। চলিত বৰ্ষৰ ৪ ছেপ্টেম্বৰ তাৰিখে NEET ইউজি ২০২২ পুনৰ পৰীক্ষা অনুষ্ঠিত হৈছিল।

এনইইটি ইউজি স্কোৰকাৰ্ডত থাকিব এই বিৱৰণসমূহঃ

এনইইটিৰ ফলাফল মুকলি হোৱাৰ পাছত, উত্তীৰ্ণ প্ৰাৰ্থীসকলে তেওঁলোকৰ নাম, ৰোল নম্বৰ, আবেদন নম্বৰ, ব্যক্তিগত বিৱৰণ যেনে প্ৰাৰ্থীৰ নাম, পিতৃৰ নাম, জন্মতাৰিখ, ৰাষ্ট্ৰীয়তা, শ্ৰেণী, লিংগ, ঠিকনা, যোগাযোগ নম্বৰ, শতাংশ নম্বৰ, মুঠ নম্বৰ, বিষয় অনুসৰি নম্বৰ, এনইইটি অল ইণ্ডিয়া ৰেংক (এআইআৰ), যোগ্যতা অৰ্জনৰ স্থিতি, এআইআৰ ১৫ শতাংশ সৰ্বভাৰতীয় কোটা আসনৰ বাবে আৰু স্কোৰকাৰ্ডৰ পৰা কাট-অফ স্কোৰ পৰীক্ষা কৰিব লাগিব।