চৰকাৰী পেন্সন আঁচনিৰ ডাঙৰ পৰিৱৰ্তন? আপোনাৰ কাৰণে আছে সুখবৰ

News18 Assam | News18-Assam
Updated:December 24, 2019, 6:40 PM IST
চৰকাৰী পেন্সন আঁচনিৰ ডাঙৰ পৰিৱৰ্তন? আপোনাৰ কাৰণে আছে সুখবৰ
চৰকাৰী পেন্সন আঁচনিত বৃহৎ সালসলনিৰ দিশে আগবঢ়া হৈছে। এই আঁচনিৰ অধীনত টকা দুগুণলৈ বৃদ্ধি পোৱাৰ লগতে পাব কেতবোৰ বিশেষ সুবিধা। অটল পেন্সন যোজনাত সৰ্বাধিক পেন্সন সীমা ৫০০০টকাৰ পৰা বৃদ্ধি কৰি ১০,০০০টকা মাহেকত কৰাৰ সিদ্ধান্ত লোৱা হৈছে। 

চৰকাৰী পেন্সন আঁচনিত বৃহৎ সালসলনিৰ দিশে আগবঢ়া হৈছে। এই আঁচনিৰ অধীনত টকা দুগুণলৈ বৃদ্ধি পোৱাৰ লগতে পাব কেতবোৰ বিশেষ সুবিধা। অটল পেন্সন যোজনাত সৰ্বাধিক পেন্সন সীমা ৫০০০টকাৰ পৰা বৃদ্ধি কৰি ১০,০০০টকা মাহেকত কৰাৰ সিদ্ধান্ত লোৱা হৈছে। 

  • Share this:
চৰকাৰী পেন্সন স্কীম এনপিএছ অৰ্থাৎ নেচনেল পেন্সন চিষ্টেম (NPS-National Pension System)ত বৃহৎ সালসলনি কৰাৰ প্ৰস্তুতি চলোৱা হৈছে। পিএফআৰডিএ (PFRDA-Pension Fund Regulatory & Development Authority of India)–এ ১ ফেব্ৰুৱাৰী, ২০২০চনত উত্থাপন হ’বলগীয়া বাজেটত এনপিএছত ১লাখ টকালৈকে বিনিয়োগ কৰাৰ ক্ষেত্ৰত ৰেহাই দিয়াৰ পৰামৰ্শ দিছে। আহক চাও আৰু কি কি সলনি হ’ব?

অৱসৰৰ পিছত পেন্সনৰ ধন মানুহৰ জীৱনত এক ডাঙৰ সকাহ। চৰকাৰী পেন্সন চিষ্টেম (NPS-National Pension System) ৰ ডাঙৰ পৰিৱৰ্তন কৰাৰ দিশে আগবাঢ়িছে। পিটিআইৰ প্ৰতিবেদন অনুসৰি পেন্সন ফাণ্ড নিয়ামক পিএফআৰডিএ (PFRDA-Pension Fund Regulatory & Development Authority of India) ১ফেব্ৰুৱাৰী, ২০২০ত উত্থাপন হ’বলগীয়া বাজেটত এনপিএছত ১লাখ টকালৈকে বিনিয়োগ কৰাৰ ক্ষেত্ৰত ৰেহাই দিয়াৰ পৰামৰ্শ প্ৰদান কৰিছে। বৰ্তমান সময়ত ব্যক্তিগত কৰদাতাসকলে ৫০,০০০টকালৈকে বিনিয়োগ কৰাৰ ক্ষেত্ৰত লাভ অৰ্জন কৰে।

পেন্সন স্কীমৰ ৪টা ডাঙৰ পৰিৱৰ্তন কৰাৰ প্ৰস্তুতি

পিএফআৰডিএৰ পূৰ্ণকালীন সদস্য সুপ্ৰতিম বেনাৰ্জীয়ে পিটিআইক কয় যে বাজেটৰ কাৰণে আমি চাই আছো যে এনপিএছৰ অধীনত বৰ্তমানৰ ৫০,০০০টকাৰ বিনিয়োগ ১লাখ টকালৈ বৃদ্ধি কৰিব পাৰি নে কি?

বেনাৰ্জীয়ে লগতে কয় যে, আমি ইয়াৰ উপৰিও অটল পেন্সন যোজনাৰ অধীনত বয়সৰ সীমা ৪০বছৰৰ পৰা বৃদ্ধি কৰি ৬০বছৰ কৰাৰ ক্ষেত্ৰত আগ্ৰহী। বৰ্তমান অটল পেন্সন যোজনাৰ লাভ ১৮ৰ পৰা ৪০বছৰৰ লোকেহে গ্ৰহণ কৰিব পাৰে।

অটল পেন্সন যোজনাৰ সৰ্বাধিক পেন্সন সীমা ৫,০০০টকাৰ পৰা বৃদ্ধি কৰি মাহে ১০,০০০টকালৈ বৃদ্ধি কৰাৰ কথা কোৱা হৈছে।

পিএফআৰডিএ–এ চৰকাৰক এনপিএছৰ অধীনত কেন্দ্ৰীয় চৰকাৰৰ কৰ্মচাৰীৰ কাৰণে টেক্স ফ্ৰী ১৪শতাংশ যোগদানৰ ব্যৱস্থাক সকলো কেটেগৰীৰ কাৰণে বৃদ্ধি কৰোৱাৰ ক্ষেত্ৰত আগ্ৰহ প্ৰকাশ কৰিছে। কেন্দ্ৰীয় চৰকাৰৰ কৰ্মচাৰীৰ কাৰণে ১৪শতাংশ যোগদান ১এপ্ৰিল ২০১৯ৰ পৰা বিনামূলীয়া কৰা হৈছিল। ৰাজ্য চৰকাৰ আৰু স্বায়ত্ব শাসিত নিকায়ৰ ক্ষেত্ৰত কৰ্মচাৰীৰ ১০শতাংশ যোগদান টেক্স ফ্ৰী আৰু অন্তিম ৪শতাংশ যোগদানৰ ক্ষেত্ৰত টেক্স কৰ্মচাৰীজনে নিজে দিবলগীয়া হয়।

উল্লেখযোগ্য যে নেচনেল পেন্সন চিষ্টেম অৰ্থাৎ এনপিএছ এক চৰকাৰী ৰিটায়াৰমেণ্ট চেভিং স্কীম, এই স্কীম কেন্দ্ৰই ১জানুৱাৰী, ২০০৪চনত আৰম্ভ কৰিছিল। এই তাৰিখৰ পিছত যোগদান কৰা সকলো চৰকাৰী কৰ্মচাৰীৰ কাৰণে এই যোজনা অনিবাৰ্য। ২০০৯চনৰ পিছত এই আঁচনি ব্যক্তিগত ক্ষেত্ৰত কাম কৰাসকলৰ কাৰণেও খুলি দিয়া হয়।

এই আঁচনিৰ অধীনত প্ৰাইভেট চেক্টৰত কাম কৰা কৰ্মচাৰীয়ে নিজৰ ইচ্ছাৰে এই আঁচনিৰ অন্তৰ্ভুক্ত হ’ব পাৰে। অৱসৰৰ পিছত কৰ্মচাৰীয়ে এনপিএছৰ এটা অংশ উলিয়াব পাৰে আৰু বাকী ধন ৰিটায়াৰমেণ্টৰ পিছত ৰেগুলাৰ ইনকামৰ কাৰণে এনইউটি ল’ব পাৰে।

এই আঁচনিৰ কাৰণে চৰকাৰে পইণ্ট অৱ প্ৰেজেন্স সকলো প্ৰাইভেট আৰু চৰকাৰী বেংকত নিৰ্মাণ কৰিছে।  https://www.npscra.nsdl.co.in/pop-sp.php এই ৱেৱছাইটৰ জৰিয়ে এই পিঅ’পিলৈ যাব পাৰে।

একাউণ্ট খুলিবলৈ ঠিকনাৰ প্ৰমাণ, পৰিচয়ৰ প্ৰমাণ, জন্মৰ প্ৰমাণ পত্ৰ বা দশম শ্ৰেণীৰ চাৰ্টিফিকেট, চাবস্ক্ৰাইবাৰ ৰেজিষ্ট্ৰেশ্যন ফৰ্ম আদি প্ৰয়োজনীয়।

এই আঁচনিত দুই ধৰণৰ একাউণ্ট থাকে, টায়াৰ ১ আৰু টায়াৰ ২। প্ৰত্যেক চাবস্ক্ৰাইবাৰক এটা পাৰমানেন্ট একাউণ্ট নম্বৰ (PRAN) উপলব্ধ কৰোৱা হ’ব আৰু ১২টা এককৰ এই সংখ্যাই সকলো লেন–দেনত কামত আহে।
আৰু চাওক
পৰৱৰ্তী বাতৰি