» দেশ

অৰ্থনৈতিক পৰিক্ৰমাৰ কেবিনেট কমিটীয়ে আজি কেন্দ্ৰীয় উত্তৰ পূব উন্নয়ন মন্ত্ৰণালয় অধীনৰ প্ৰতিষ্ঠান North Eastern Regional Agricultural Marketing Corporation Limitedক নতুন ৰূপত প্ৰতিষ্ঠা কৰিবলৈ ৭৭.৪৫কোটি টকাৰ অনুমোদন জনায় । কেন্দ্ৰীয় মন্ত্ৰী অনুৰাগ ঠাকুৰে বৈঠকৰ অন্তত কয় – প্ৰধানমন্ত্ৰী নৰেন্দ্র মোদীৰ অধ্যক্ষতাত অনুষ্ঠিত হোৱা অৰ্থনৈতিক পৰিক্ৰমাৰ কেবিনেট কমিটীৰ বৈঠকত NERMACৰ কাৰণে ৭৭.৪৫কোটি ধার্য কৰা হৈছে ।

এই পুনৰ্জীৱন অনুদানৰ যোগেদি বিভিন্ন উদ্ভাৱনী প্রকল্পৰ পৰিকল্পনা কৰা হৈছে বুলি জানিবলৈ দিছে ঠাকুৰে । এই প্ৰকল্প সমূহে উত্তৰ পূৱৰ কৃষিজাত সামগ্ৰীক বিশ্ব বজাৰত বিক্ৰী কৰিবলৈ বিভিন্ন ধৰণৰ আন্তঃগাঠনি মূলক আৰু প্ৰশাসনিক সমৰ্থন আগবঢ়াব । ইয়াৰ লগতে অৰ্গেনিক বীজ উৎপাদন, সাৰৰ উচিত ব্যৱহাৰ আদিৰ দিশত কৃষক সকলক প্ৰশিক্ষণ প্ৰদান কৰিব ।

কেন্দ্ৰীয় চৰকাৰে জাৰি কৰা প্ৰেছ বিজ্ঞপ্তিত এই অনুদানৰ যোগেদি উত্তৰ পূৰ্বাঞ্চলৰ কৃষকৰ উচিত পাৰিতোষিক মূল্যও সুনিশ্চিত কৰা হ’ব । আনহাতে এই অনুদানৰে উত্তৰ পূৱৰ অৰ্গেনিক সামগ্ৰীৰ GI (Geographical Indicator) পঞ্জীয়ণত অগ্ৰাধিকাৰ দিয়া হ’ব । এনেধৰণৰ পদক্ষেপৰে NERMAC নিজৰ ৰাজহ বৃদ্ধি আৰু কেন্দ্ৰীয় চৰকাৰৰ অনুদানৰ ওপৰত কম নিৰ্ভৰশীল হোৱাৰ দিশত অগ্ৰসৰ হ’ব বুলি উল্লেখ প্ৰেছ বিজ্ঞপ্তিত ।