FM Nirmala Sitharaman EXCLUSIVE: কৰৰ বোজা কমাবলৈ বেচৰকাৰীকৰণৰ দাবী বিত্তমন্ত্ৰীৰ

News18 Assam | News18-Assam
Updated:February 1, 2021, 8:50 PM IST
FM Nirmala Sitharaman EXCLUSIVE: কৰৰ বোজা কমাবলৈ বেচৰকাৰীকৰণৰ দাবী বিত্তমন্ত্ৰীৰ
কোৰোণা সৃষ্টি পৰিস্থিতিৰ পিছত প্ৰথমখন বাজেটক লৈ প্ৰতিক্ৰিয়া।

কোৰোণা সৃষ্টি পৰিস্থিতিৰ পিছত প্ৰথমখন বাজেটক লৈ প্ৰতিক্ৰিয়া।

  • Share this:
দিল্লী: সাধাৰণ ৰাইজৰ ওপৰক কৰৰ বোজা হ্ৰাস কৰিবলৈ বেচৰকাৰীকৰণৰ পথত যাবলৈ বাধ্য হৈছে চৰকাৰ। News18-ৰ সৈতে এক এক্সক্লুছিভ সাক্ষাৎকাৰত এই দাবী বিত্তমন্ত্ৰী নিৰ্মলা সীতাৰমণৰ। তেওঁৰ যুক্তি এই মুহূৰ্তত আৰ্থিক বৃদ্ধিক পিছুৱাই দিয়াৰ কোনো অৰ্থ নাই।

উল্লেখ্য যে, এই বছৰৰ বাজেটত ব্যক্তিগত আয়কৰ কাঠামোৰ কোনো পৰিৱৰ্তন নাই। ফলত সাধাৰণ ৰাইজ একপ্ৰকাৰ অসন্তুষ্ট। বজাৰক তুলি ধৰিবলৈ মূলধন খৰছৰ লক্ষ্য বঢ়াই ৫লাখ ৫৪হাজাৰ কোটি টকা ৰাখিছে নিৰ্মলা সীতাৰমণে। বেচৰকাৰীকৰণৰ আঁৰত এইটোও এটা অন্যতম কাৰণ। খৰছ কৰিবলৈ গ’লে চৰকাৰৰ হাতত টকাৰ প্ৰয়োজন। সেই প্ৰয়োজন দূৰ কৰিবলৈ বেচৰকাৰীকৰণৰ বাহিৰে চৰকাৰৰ ওচৰত অন্য কোনো পথ খোলা নাই। কাৰ্যত সেই কথা স্বীকাৰ কৰিছে বিত্তমন্ত্ৰীয়ে।

দেশৰ মানুহে এই বাজেটক ইতিবাচক ভাৱে গ্ৰহণ কৰিব বুলি আশাবাদী নিৰ্মলা সীতাৰমণ। তেওঁ কয়, 'মই আশাবাদী যে এই বাজেটৰ উদ্দেশ্যে নিশ্চয় সকলোৱে বুজিব পাৰিছে। আমি বিচাৰো দেশবাসীয়ে এই বাজেটক সাদৰে গ্ৰহণ কৰক।'




কেন্দ্রীয় বাজেটত চলিত বিত্তবৰ্ষত দুটা ৰাষ্ট্ৰীয়কৃত বেংক তথা এটা বীমা কোম্পানীৰ নিৰ্বিনিয়োজনৰ কথা ঘোষণা কৰিছে বিত্তমন্ত্ৰীয়ে। লগতে বিপিচিএল, CONCOR, এয়াৰ ইণ্ডিয়া, পৱন হংস সহ ৰাষ্ট্ৰীয়কৃত সংস্থাসমূহৰ যি নিৰ্বিনিয়োজনৰ ঘোষণা চৰকাৰে কৰিছিল সেয়া চলিত বিত্তবৰ্ষৰ ভিতৰত সম্পূৰ্ণ কৰা কৰা হ’ব বুলি জনায় নিৰ্মলা সীতাৰমণে। বজাৰলৈ আহিব এলআইচিৰ আইপিও। ২০২২ বিত্তবৰ্ষত নিৰ্বিনিয়োজনৰ জৰিয়তে ১লাখ ৭৫হাজাৰ কোটি টকা তোলাৰ লক্ষ্য গ্ৰহণ কৰিছে কেন্দ্ৰীয় চৰকাৰে। এই বিষয়টো বিৰোধীৰ সমালোচনাৰ সন্মুখীন হোৱাৰ প্ৰসংগত প্ৰত্যুত্তৰ স্পষ্ট কৰিছে নিৰ্মলা সীতাৰমণে।
First published: February 1, 2021, 8:50 PM IST
আৰু চাওক
পৰৱৰ্তী বাতৰি

শেহতীয়া বাতৰি