চেলিম–ছুলেইমানৰ থীম ছং মুকলিৰে News18 Network আৰু BYJU–ৰ নতুন অনুষ্ঠান ‘Young Genius’

News18 Network আৰু BYJU–এ ঘোষণা কৰিছে এক নতুন শ্ব’ Young Geniusৰ। চেলিম–ছুলেইমানৰ অনুপ্ৰেৰণামূলক থীম ছং মুকলিৰে অনুষ্ঠানৰ ঘোষণা হয়। দেশৰ বিভিন্ন প্ৰান্তৰ কম বয়সীয়া প্ৰতিভাক তুলি ধৰাই এই শ্ব’ৰ মূলমন্ত্ৰ হ’ব। বুধবাৰে News18 Network আৰু BYJU–এ এই শ্ব’ আৰম্ভ কৰাৰ তাৰিখ ঘোষণা কৰে ১৬জানুৱাৰী, ২০২১। উল্লেখ্য যে, এই ‘Young Genius’ শিশু দিৱসত আৰম্ভ কৰা হৈছিল 'Call for entry'ৰ প্ৰমচ’নেল কেম্পেইনেৰে। ইয়াৰ পৰা চূড়ান্ত পৰ্যায়ত নিৰ্বাচিত শিশু জিনিয়াছক ১১টা খণ্ডৰ প্ৰগ্ৰামত সপ্তাহৰ মূৰে মূৰে তুলি ধৰা হ’ব।

দেশৰ প্ৰতিটো প্ৰান্তৰ শিশু প্ৰতিভাই শিক্ষা, পাৰফৰ্মিং আৰ্টছ, প্ৰযুক্তি আৰু ক্ৰীড়াক্ষেত্ৰত দেখুওৱা প্ৰদৰ্শনৰ বাবে তেওঁলোকক ইয়াত তুলি ধৰা হ’ব। এই প্ৰতিভাধৰ সকলৰ বাচনি কৰা হৈছে এক দীঘলীয়া প্ৰক্ৰিয়াৰে বিশেষ জুৰীৰ দ্বাৰা য’ত আছে নিটি আয়োগৰ মুখ্য কাৰ্যবাহী বিষয়া অমিতাভ কান্ত, পদ্মভূষণ ডঃ মল্লিকা চাৰাভাই, প্ৰাক্তন ভাৰতীয় হকী টীম অধিনায়ক চৰ্দাৰ সিং আৰু CNBC-TV18ৰ মেনেজিং এডিটৰ চিৰিন ভান।

অনুষ্ঠান আৰম্ভ কৰাৰ প্ৰাকক্ষণত ‘ওমৰ চোটি, কাম বৰে’ শীৰ্ষক এটি থীম ছং মুকলি কৰা হয়। এই গীতটি ৰচনা কৰাৰ লগতে গাইছে চেলিম–ছুলেইমানে।  লিখিছে শ্ৰদ্ধা পণ্ডিতে। ইতিমধ্যে টিভি, ডিজিটেল আৰু ৰেডিঅ’ত গীতটি মুকলি কৰা হৈছে। এন্থেমটো প্ৰযোজনা কৰিছে Story Yarn Films–এ।