কংগ্ৰেছ ত্যাগ কৰি বিজেপিমুখী হ’ল ৫ গৰাকী বিধায়ক, ৰাম মাধৱৰ উপস্থিতিত যোগ দিলে বিজেপিত

News18 Assam | News18-Assam
Updated:August 19, 2020, 9:45 PM IST
কংগ্ৰেছ ত্যাগ কৰি বিজেপিমুখী হ’ল ৫ গৰাকী বিধায়ক, ৰাম মাধৱৰ উপস্থিতিত যোগ দিলে বিজেপিত
কংগ্ৰেছৰ পৰা অতি সম্প্ৰতি পদত্যাগ কৰা মণিপুৰৰ ৫ জন বিধায়কে আজি যোগদান কৰিলে শাসক দল ভাৰতীয় জনতা পাৰ্টীত।

কংগ্ৰেছৰ পৰা অতি সম্প্ৰতি পদত্যাগ কৰা মণিপুৰৰ ৫ জন বিধায়কে আজি যোগদান কৰিলে শাসক দল ভাৰতীয় জনতা পাৰ্টীত।

  • Share this:
শেহতীয়াকৈ কংগ্ৰেছ দল ত্যাগ কৰা মণিপুৰৰ পাঁচজন বিধায়কে বুধবাৰে আনুষ্ঠানিক ভাবে যোগদান কৰিলে শাসকীয় দল ভাৰতীয় জনতা পাৰ্টীত। ৫ জনৰ অন্যতম এজন হৈছে সীমান্ত ৰাজ্যখনৰ কংগ্ৰেছৰ প্ৰাক্তন মুখ্যমন্ত্ৰী ওক্ৰম ইববি সিঙৰ ভতিজা ওক্ৰম হেনৰী সিং। দিল্লীৰ দীন দয়াল উপাধ্যায় মাৰ্গত থকা বিজেপিৰ মুখ্য কাৰ্যালয়ত দলটোৰ সাধাৰণ সম্পাদক ৰাম মাধৱ, উপ সভাপতি বৈজয়ন্ত পাণ্ডা আৰু মণিপুৰৰ মুখ্যমন্ত্ৰী এন বীৰেন সিঙৰ উপস্থিতিত বিধায়ক কেইগৰাকীয়ে গেৰুৱা বসন পৰিধান কৰে।

ওক্ৰম হেনৰী সিঙৰ বাদে বিজেপিত যোগদান কৰা আন চাৰি গৰাকী প্ৰাক্তন কংগ্ৰেছী বিধায়ক হৈছে – ঐনাম লুখই সিং, ন্গামথাম হাওকিপ, গিনছোৱানহাও আৰু পাওনাম ব্ৰজেন। এই পাঁচজন বিধায়ক কিছুদিন পূৰ্বে মণিপুৰৰ বিধান সভাত বিৰোধীয়ে গ্ৰহণ কৰা অবিশ্বাস প্ৰস্তাৱৰ অধিৱেশনত অনুপস্থিত আছিল। সেই প্ৰস্তাৱত মৌখিক মতদানৰ যোগেদি শাসক দলটি জয়লাভ কৰিছিল।
Published by: Himangshu Bhuyan
First published: August 19, 2020, 9:45 PM IST
আৰু চাওক
পৰৱৰ্তী বাতৰি

শেহতীয়া বাতৰি