এইবাৰ মোদী চৰকাৰে দিব ৫ কিলোগ্ৰামৰ গেছ চিলিণ্ডাৰ!

মোদী চৰকাৰৰ দ্বিতীয়টো কাৰ্যকালত প্ৰধানমন্ত্ৰী উজ্জ্বলা যোজনাৰ জৰিয়তে দৰিদ্ৰ মহিলাসকলক ৫ কিলোগ্ৰামৰ গেছ চিলিণ্ডাৰ দিয়াৰ প্ৰস্তুতি আৰম্ভ কৰিছে। উল্লেখযোগ্য যে PMUY আঁচনিৰ জৰিয়তে দৰিদ্ৰ সীমাৰেখাৰ তলৰ পৰিয়ালক বিনামূলীয়া গেছ যোগান ধৰা হৈছে। ৫ কিলোগ্ৰামৰ চিলিণ্ডাৰ প্ৰদানৰ ফলত ইয়াক ৰিফিল কৰাত সহজ হ’ব। দৰিদ্ৰ পৰিয়ালসমূহৰ বাজেটত চিলিণ্ডাৰৰ দামে বিশেষ প্ৰভাৱ নেপেলাব।

বৰ্তমান দিল্লীত ৫ কিলোগ্ৰামৰ চিলিণ্ডাৰ মূল্য ২৬০ টকা আৰু ৰাজসাহায্যৰূপে বেংক একাউণ্টত জমা হয় ৮০ টকা। ইফালে ১৪.২ কিলোগ্ৰামৰ চিলিণ্ডাৰ বাবে ৭১২ টকা ভৰিবলগীয়া হয় য’ত ২১৫ টকাৰ ৰাজসাহায্য গ্ৰাহকৰ একাউণ্টত জমা হয়।