বিৰল সন্মান! পদ্মবিভূষণ লাভ কৰা প্ৰথম মহিলা এথলীট হ’ব উত্তৰ পূৱৰ মেৰীকম!

পদ্ম সন্মানৰ কাৰণে আটাইকেইগৰাকী মহিলা খেলুৱৈৰ নাম প্ৰস্তাৱ ক্ৰীড়া মন্ত্ৰালয়ৰ। এয়া ঐতিহাসিক পদক্ষেপ হিচাপে বিবেচিত হৈছে।

News18
Updated:September 12, 2019, 11:12 AM IST
বিৰল সন্মান! পদ্মবিভূষণ লাভ কৰা প্ৰথম মহিলা এথলীট হ’ব উত্তৰ পূৱৰ মেৰীকম!
পদ্ম সন্মানৰ কাৰণে আটাইকেইগৰাকী মহিলা খেলুৱৈৰ নাম প্ৰস্তাৱ ক্ৰীড়া মন্ত্ৰালয়ৰ। এয়া ঐতিহাসিক পদক্ষেপ হিচাপে বিবেচিত হৈছে।
News18
Updated: September 12, 2019, 11:12 AM IST
ক্ৰীড়া মন্ত্ৰালয়ৰ এক ঐতিহাসিক পদক্ষেপ গ্ৰহণ কৰি এইবাৰ পদ্ম সন্মানৰ বাবে কেৱল মহিলা এথলীটৰ নাম প্ৰেৰণ কৰিছে। ৯গৰাকী এথলীটৰ নাম ক্ৰীড়া মন্ত্ৰালয়ে প্ৰেৰণ কৰিছে আৰু আটাইকেইগৰাকী মহিলা। দেশৰ খেলৰ ইতিহাসত প্ৰথমবাৰলৈ ক্ৰীড়া মন্ত্ৰালয়ে এই পদক্ষেপ গ্ৰহণ কৰিছে। আটাইতকৈ সুখৰ খবৰ হৈছে উত্তৰ পূৱৰ বক্সাৰ মেৰীকমৰ নাম পদ্মবিভূষণৰ কাৰণে প্ৰস্তাৱ কৰা হৈছে। দেশৰ দ্বিতীয় সৰ্বোচ্ছ অসামৰিক সন্মান পদ্মবিভূষণৰ কাৰণে প্ৰথমবাৰলৈ এগৰাকী মহিলা খেলুৱৈ হিচাপে ছয়বাৰৰ বিশ্ব চেম্পিয়ন মেৰী কমৰ নাম প্ৰেৰণ কৰা হৈছে। উল্লেখযোগ্য যে ভাৰতীয় বক্সাৰগৰাকীয়ে ২০১৩চনত পদ্মভূষণ আৰু ২০০৬চনত পদ্মশ্ৰী সন্মান লাভ কৰিছিল। এই পদ্মবিভূষণ সন্মান এইপৰ্যন্ত তিনিজন পুৰুষ খেলুৱৈ ডাবা চেম্পিয়ন বিশ্বনাথন আনন্দ, ক্ৰিকেটাৰ শচীন তেণ্ডুলকাৰ আৰু পৰ্বতাৰোহী ছাৰ এডমাণ্ড হিলাৰীক প্ৰদান কৰা হৈছে। ২০০৭চনত আনন্দে, ২০০৮চনত শচীন তেণ্ডুলকাৰে আৰু ২০০৮চনতে মৰণোত্তৰ হিচাপে এডমাণ্ড হিলাৰীক এই সন্মান দিয়া হৈছিল।

পদ্ম পুৰষ্কাৰৰ কাৰণে প্ৰেৰণ কৰা আটাইকেইগৰাকী খেলুৱৈ মহিলা

মেৰীকমৰ লগতে পদ্ম পুৰষ্কাৰৰ কাৰণে প্ৰেৰণ কৰা ৯গৰাকী খেলুৱৈয়ে মহিলা। অলিম্পিকৰ পদক বিজেতা আৰু বিশ্ব চেম্পিয়ন পিভি সিন্ধুৰ নাম পদ্মভূষণৰ কাৰণে প্ৰস্তাৱ কৰা হৈছে। দেশৰ তৃতীয় সৰ্বোচ্ছ অসামৰিক সন্মান পদ্মভূষণৰ কাৰণে ২০১৭চনতো পিভি সিন্ধুৰ নাম প্ৰস্তাৱ কৰা হৈছিল যদিও সিন্ধুয়ে অন্তিম সূচীত স্থান লাভ কৰিব পৰা নাছিল। ২০১৫চনত সিন্ধুৱে পদ্মশ্ৰী সন্মান লাভ কৰিছিল।

মেৰীকম আৰু সিন্ধুৰ বাহিৰেও মল্লযুঁজাৰু ভিনেশ ফোগাট, টেবল টেনিছ খেলুৱৈ মনিক বাত্ৰা, মহিলা ক্ৰিকেট টীম টি–২০ দলৰ অধিনায়ক হৰমনপ্ৰীত কৌৰ, হকী কেপ্তেইন ৰাণী ৰামপাল, প্ৰাক্তন খেলুৱৈ সুমা চিৰুৰ আৰু পৰ্বতাৰোহী যঁজা ভগ্নীদ্বয় তাশী তথা নুংছি মালিকৰ নাম পদ্মশ্ৰী সন্মানৰ বাবে প্ৰেৰণ কৰা হৈছে।

মেৰীকম আৰু সিন্ধুৰ নাম এইকাৰণে প্ৰেৰণ

ক্ৰীড়া মন্ত্ৰালয়ে পদ্মবিভূষণৰ কাৰণে নাম প্ৰেৰণ কৰা ৩৬বছৰীয়া মেৰীকম ছয়বাৰৰ বিশ্ব চেম্পিয়ন, মণিপুৰী বক্সাৰগৰাকীয়ে ২০১২চনত লণ্ডন অলিম্পিকত ব্ৰঞ্জৰ পদক জয় কৰিছিল। ২০১৬চনত তেওঁ বিজেপিৰ পৰা ৰাজ্য সভাৰ সাংসদো নিৰ্বাচিত হৈছিল। আনহাতে ৰিঅ’ অলিম্পিকত ৰূপৰ পদক লাভ কৰিছিল পিভি সিন্ধুৱে। অলপতে তেওঁ বিশ্ব চেম্পিয়নশ্বিপৰ খিতাপো দখল কৰিছে। তেওঁ এই খিতাপ দখল কৰা প্ৰথম ভাৰতীয়।
আৰু চাওক পৰৱৰ্তী বাতৰি