• Home
  • »
  • News
  • »
  • nation
  • »
  • CBIৰ চমনৰ পিছত লেফটেনেণ্ট গৱৰ্নৰলৈ মনীষ চিছোদিয়াৰ পত্ৰ- "মই দিল্লীত আইন-শৃংখলাৰ অৱনতিৰ প্ৰতি আপোনাৰ দৃষ্টি আকৰ্ষণ কৰিব বিচাৰো।"

CBIৰ চমনৰ পিছত লেফটেনেণ্ট গৱৰ্নৰলৈ মনীষ চিছোদিয়াৰ পত্ৰ- "মই দিল্লীত আইন-শৃংখলাৰ অৱনতিৰ প্ৰতি আপোনাৰ দৃষ্টি আকৰ্ষণ কৰিব বিচাৰো।"

দিল্লীৰ আইন-শৃংখলাৰ বাবে দায়বদ্ধ কেন্দ্ৰক আক্ৰমণ কৰি চিছোদিয়াই কয়, "এনে অনুভৱ হয় যেন দিল্লী এতিয়া অপৰাধৰ ৰাজধানী হৈ পৰিছে।"

দিল্লীৰ আইন-শৃংখলাৰ বাবে দায়বদ্ধ কেন্দ্ৰক আক্ৰমণ কৰি চিছোদিয়াই কয়, "এনে অনুভৱ হয় যেন দিল্লী এতিয়া অপৰাধৰ ৰাজধানী হৈ পৰিছে।"

দিল্লীৰ আইন-শৃংখলাৰ বাবে দায়বদ্ধ কেন্দ্ৰক আক্ৰমণ কৰি চিছোদিয়াই কয়, "এনে অনুভৱ হয় যেন দিল্লী এতিয়া অপৰাধৰ ৰাজধানী হৈ পৰিছে।"

  • Share this:
সুৰা নীতি সন্দৰ্ভত কেন্দ্ৰীয় অনুসন্ধান ব্যুৰো চমুকৈ চিবিআইৰ দ্বাৰা চমন লাভৰ কেইঘণ্টামান পিছত দিল্লীৰ উপ মুখ্যমন্ত্ৰী মনীষ চিছোদিয়াই দেওবাৰে দিল্লীৰ লেফটেনেণ্ট গভৰ্ণৰ ভি কে চাক্সেনালৈ লিখি দেশৰ ৰাজধানীখনত বৰ্ধিত অপৰাধৰ হাৰৰ প্ৰতি মনোযোগ বিচাৰে। দিল্লীৰ আইন-শৃংখলাৰ বাবে দায়বদ্ধ কেন্দ্ৰক আক্ৰমণ কৰি চিছোদিয়াই কয়, "এনে অনুভৱ হয় যেন দিল্লী এতিয়া অপৰাধৰ ৰাজধানী হৈ পৰিছে।"

ৰাজধানীৰ সুৰা নীতিৰ চিবিআই তদন্তক অনুমোদন জনোৱা ৰাজ্যপাললৈ চিছোদিয়াই লিখা পত্ৰখনৰ এক কঠিন অনুবাদ পঢ়ি ক'লে, "মই দিল্লীৰ অৱনতিহোৱা আইন-শৃংখলাৰ প্ৰতি আপোনাৰ দৃষ্টি আকৰ্ষণ কৰিব বিচাৰো।"

দিল্লীৰ বলজিৎ নগৰ অঞ্চলত এজন যুৱকৰ হত্যাৰ কথা উল্লেখ কৰি চিছোদিয়াই কয় যে অপৰাধীসকলে ঘটনাস্থলীৰ পৰা পলায়ন কৰে আৰু আৰক্ষীয়ে কেৱল পৰিয়ালটোক সময়মতে ব্যৱস্থা গ্ৰহণৰ আশ্বাস দি আহিছে।

"এই সময়ত, তেওঁৰ পৰিয়াল কি পৰিস্থিতিৰ মাজেৰে পাৰ হৈছে? এই মাহত দিল্লীত এটাৰ পিছত এটাকৈ যি ধৰণে হত্যাৰ ঘটনা বাঢ়ি আহিছে, মোৰ হৃদয় ভাঙি পেলাইছে।"- চিছোদিয়াই যোৱা মাহৰ পৰা আৰু কেইটামান অপৰাধৰ ঘটনা তালিকাভুক্ত কৰি এইদৰে কয়।

"অপৰাধীসকলৰ আইনৰ প্ৰতি কোনো ভয় নাই। সংবিধানে আপোনাক দিল্লীত আইন-শৃংখলা বজাই ৰখাৰ দায়িত্ব দিছে। দিল্লী আৰক্ষীয়ে আপোনাক পোনপটীয়াকৈ প্ৰতিবেদন দিছে। মই আপোনাক অনুৰোধ জনাইছো যে অনুগ্ৰহ কৰি ইয়াৰ প্ৰতিও কিছু মনোযোগ দিয়ক।" উপ-মুখ্যমন্ত্ৰীজনে লেফটেনেন্ট গভৰ্ণৰজনক এনেদৰে কয়।
উল্লেখ্য যে, দেওবাৰে আবেলি আম আদমী পাৰ্টিৰ নেতাজনে কৈছিল যে সোমবাৰে ফেডাৰেল এজেন্সিৰ মুখ্য কাৰ্যালয়ত হাজিৰ হ'বলৈ চিবিআইয়ে তেওঁক চমন জাৰি কৰিছিল। দলটোৱে কৈছিল যে এইটো তেওঁক গ্ৰেপ্তাৰ কৰাৰ এক কৌশল কিয়নো ভাৰতীয় জনতা পাৰ্টীয়ে আগন্তুক গুজৰাট নিৰ্বাচনত তেওঁক দলৰ হৈ প্ৰচাৰ চলাবলৈ বাধা দিব বিচাৰে।

"মোৰ ঘৰত ১৪ ঘণ্টা ধৰি অভিযান চলোৱা হৈছিল, একো নোলাল। মোৰ বেংকৰ লকাৰ স্কেন কৰা হৈছিল, একো পোৱা নগ'ল। তেওঁলোকে মোৰ গাঁৱত একো পোৱা নাছিল (অনুসন্ধানৰ সময়ত)। এতিয়া তেওঁলোকে মোক সোমবাৰে পুৱা ১১ বজাত চিবিআইৰ মুখ্য কাৰ্যালয়লৈ মাতি পঠিয়াইছে। মই গৈ সকলো সহযোগিতা আগবঢ়াম।" চিছোদিয়াই আজিৰ দিনটোৰ আৰম্ভণিতে এনেদৰে টুইট কৰিছিল।
Published by:Sehnaz Begum
First published:

শেহতীয়া বাতৰি